Våren ser ut til å nærme seg, og fleire av våre lesarar etterlys no hårpleietips. For de av dykk som klypper bort vinterisolasjonen når det vårast i lufta, har Sparebloggen sjølvsagt gode tilrådingar å koma med. Eit besøk hjå frisøren kan vera både kostbart og stressande. For det fyrste må ein avtale time, for det andre må ein småsnakke og for det tredje må ein betale. Istadenfor å snakke om været og Knausgård med din lokale frisør, tilrår me heller at lommeboka di snakkar for deg. Underteikna har sidan hausten 2003 brukt 129 kr samla på hårpleie. Formelen har gått i arv på Sunnmøre, og Sparebloggen leverar den no vidare til deg:
Expert sel fleire typar hårklypparar. Me treng berre ein, og vel den billegaste til 199,- (Philips QC5015 hårklipper). Den observante sparar merkar seg inflasjonen sidan 2003 (død over seddelpressa). Med i pakken frå Expert følgjer det heile to kammar, ein til skjegget, så klart, og ein sokalla frisørkam.
Biltema førar noko dei omtalar som hårtrimmar (varenr 84073). Denne er imidlertid 20 kr dyrare enn Expert sin, om enn noko meir avansert - eller skal me seie mindre avansert? Her følgjer det i god Biltema-stil med smøreolje til blada, noko som antydar at maskina ikkje er sjølvlubrikerande (som Expert sin). Dette løysast rett nok av seg sjølv med litt feitt hår, så pass på å ikkje vask håret for ofte.
OBH Nordica sin hårklyppar kjøpast hjå Elkjøp til 149,- (varenr NOR5536). OBHN er kjende for kvalitet og design, og leverar her enno ei hushaldningsmaskin som i seg sjølv kunne ha vore eit møbel. Upåklageleg frå tidlegare Joffe Marketing AB, godt dei skifta namn.
Clas Olhson har vorte dyrare sidan 2003, og tek no heile 298 for ein hårklyppar. Den tidlegare så solide kjeda når difor ikkje opp i denne samanhengen. Lat dette vera ei påminning til spararar i det ganske land; mykje har forandra seg sidan førre tiår.
Som eit apropos stiller Jula med ein enkel hårtrimmar til klassiske 129,- (varenr 804060). Med åtte justeringar og rustfrie knivar for smidig hårklypping synast denne billegmaskina å kunne tilby det meste. Ho er også trådlaus, og det følgjer med ladestasjon, saks, kam, børste og smøreolje (brylkrem?).
Det er ei ære å kunne utnemnde Jula sin hårklyppar til vinnaren i denne pristesten, med OBH Nordica som ein god nummer to (skandinavisk design kostar).
Me sparar ordspelet vårklypp/hårklypp til neste år/vår.
Innlegg
