torsdag 30. september 2010

Gratis gratis!

av SR

ALARM!

Det er berre éin ting som er betre enn varer på tilbod: det som er gratis!

Nyleg har Mølleren kome med sitt alternativ til pasta og poteter: Bygg- og kveiteris med smak. Dette markerar Mølleren med å gje vekk gratisprøver, og det står ikkje noko om at mottakaren må betala for porto, og det er bra!

Så sjekk ut http://www.mollerens.no/Landingssider/

Her er det kanskje moglegheit for å tingja fleire!

God stemning!

måndag 27. september 2010

Vekas tilbod

av KR

* Joker
Vekas tilbod er Evergood 250g for 14,90. Det er rimeleg, men framleis det doble av Cirkel. Elles går BigOne-pizzaen til 29,90, også det relativt billeg - men dyrt i høve til alternativet. Me let oss stadig sjokkere over hermetikkprisane, denne veka Joikakaker til 39,90 pr boks. Styr unna!

* Spar
Ali kaffi til 10,90 pr 250g, noko som i fylgje kjøpmannen vert 17,90 pr kilo. Me tvilar. Elles ingen særskilt gode tilbod denne veka.

* Mega
Lite å hente her, men entrecôten går no for akseptable 139 pr kg.

* Obs!
3 BigOne-pizza for 90 kr, omlag på det jamne med Joker. 10-kronarmarknaden er imidlertid meir interessant, her finn du mellom anna klassikaren Findus fiskegrateng 450g til 10 kr, ilag med ei rekke nedprisa varer av ymse slag. Her finn du alt i frå pålegg, tøymyknar og ein 4-pk med tannkostar for 10 kr. Me tilrår ein tur på Obs denne veka!

* Rimi
Lammelår i skiver til 99 kr kg er det næraste me kjem tilbod her.

Oppsummert: Coop Obs!

onsdag 22. september 2010

ALARM! Styr unna Spar!

av SR

Dagens plan var å reisa på Spar for å kjøpa mjølk og Walters mandler på 40% tilbod. Me i bloggen har lengje vore viss på skyhøge prisar der i garden, og luretilbod. Men at mjølka no ligg på 15 kr/literen og at 200 g Walters mandler skulle liggja på 20 kr etter 40% nedjustert pris, var likevel utanfor det me i vår villaste fantasi hadde trudd dei skulle nedverdiga seg til. Åtvaringa mot å handla på Spar står med andre ord ved lag.


NB: Lukka var dertil større etter å ha opna konvolutten frå Bunnpris, som etter ei klage sendte meg eit gåvekort på 500 kr. Som sagt: det lønnar seg å klaga!

måndag 20. september 2010

Tilbod veke 38

av SR

Spar
Har denne veka karbonadedeig til 29,90 kr for 400 gram. Dette er verkeleg billeg, men for oss i bloggen er det usikkerheit rundt om det er verdt det, då me aldri har teke oss råd til å kjøpa karbonadedeig til opphaveleg pris. Spar har òg 40% på 200-gramsplater med sjokolade frå Freia. Det står med andre ord Walters på bordet neste laurdag!

Elles har òg Spar hivd seg på trenden med billege bleiar, og slår til med 50%. Me veit me har mange bleieskiftarar som lesarar, og tilrår her rema sitt bleietilbod.

Mega
40-prosentaren denne veka er på skiva ost frå Tine. Me reknar med alle framleis har att ost frå sist det var 40% frå mega på heil ost. Skiva ost er dyrt, og det hjelp då lite at det er 40%. Elles lite å melda.

Kort oppsummert: ikkje gå hit denne veka!

Joker
Slår denne veka stort opp kyllingfilet til 92,15 kr/kg. Her minnar me om First Price sine frosne bryst til omlag 125 for 2 kg. For den merkjemedvitne er det denne veka cola til 9,90 for 1,5 liter.

Rimi
Fårikålkjøt til 29,90 kr/kg er årsbeste denne hausten. Saman med kål til 1,90 kr/kg, ligg den an til fårikål. Denne veka er det òg tilbod på alle store sjokoladeplater frå Nidar til 16,90 kr.

Obs
Har tilbod på store innkjøp. For dei som likar fisk utan fisk, så er det 10 pakkar fiskepinnar til 100 kr. Du får òg åtte kartongar a 1,5 liter til 70 kroner.

Du får òg ein kg avokado til 19,90, noko som er særs bra. Det same er fem kg poteter til 19,90 kr.

Har du ungar som treng jakke, eller er du liten av vekst og treng du jakke, får du Swix-dunjakke til born i alderen 6-14 til 599,-. Er du fullvaksen må du derimot ut med 999 som ikkje er hakkande gale for ei kvalitetsjakke. Saman med ei skaljakke frå Missing Link til 299 er du klar for den norske vinteren med kald vind og yr i lufta.

torsdag 16. september 2010

Ten pengar på butikken sitt dårlege samvit!

av SR

Nøkkelen til suksess på sparefronten er som kjend å aldri vera nøgd og tota mangel på skam. Det er difor viktig å alltid klaga på den minste lille feil, men før du går til butikken må du gjera deg nytte av omlag halvparten av produktet. På den måten får du maksimal utnytting! Det gjer at du i det minste får ny vare, som jo er ein god bonus!

Er du riktig heldig (og dyktig) kan du venta deg større uttelling. I skrivande stund ventar eg på eit gåvekort frå Bunnpris etter å ha ytra min vrede over den lokale sjappa. Slike må rettast til det sentrale eller regionale leddet, då det er dei som er livredde for dårleg omtale, ikkje dei feite butikksjefane som hevar løn uansett. Her er det viktig å diskré leggja ved adressa di, slik at dei lett kan senda ut gåvekort. Dette fungerar - som kjend frå tidlegare innlegg - òg bra retta mot produsentar.


Det er med andre ord ikkje noko negativt om du blir behandla som drit av den kvisete fjortisen i kassa, eller du ser at ein i klovnekostymet på Kiwi legg frukta attende i disken etter å ha mista den på golvet. Dette kan føra med seg gode bonusar om du berre seg deg ned og skriv om det i ein mail, og legg til at "slikt går verkeleg ikkje an!".





Kiwikofta har blitt sett på som ei hån mot urfolket si folkedrakt. Slå det fast i ein mail, og kanskje det ventar eit gåvekort som avlat?

måndag 13. september 2010

Vekas tilbod

av KR

* Joker
Findus fiskegrateng 450g til 10 kr, etterkvart ein sparebloggklassikar! Me tilrår hamstring, då dette gjev middag til 5 kr per hovud pluss poteter. 400g blodpølse (og lungemos) til 10 kr er også særs billeg, omlag 70% rabatt i høve til veiledande pris. Diverse kjekspakkar til 10 kr kan vera verdt å ta med seg om du må dempe sukkersjuka. Elles tilrår me grovbakst 1 kg til 10 kr pr pk. Ingen lurejoker denne veka, tvert om mykje bra for 10 kr, me er imponerte over denne landhandelen!

* Mega
40% rabatt på fryste pannerettar og fisk frå Findus. I god Mega-tradisjon oppgjevast ingen pris, me vert skeptiske. Pastarettane til Findus er imidlertid billege til veiledande pris (22,90 for 600g), og eit kupp med 40% rabatt! Elles går 5 kg poteter til 19,90, ein sparebloggklassikar!

*Spar
Held òg 40%-fest på Findus sine ferdigrettar, elles lite som peikar seg ut.

*Rimi
Halv pris på bleiar, om du ikkje har folk til slikt. Elles selgast fårikålkjøtet til dyre 49,90 pr kg. Det hjelp ikkje at det er ferskt kjøt, dette skal kokast ihjel uansett! Me ventar framleis på 19,90 pr kg.
Diverse sjokoladeplater (200g) til 16,90.

Obs!
Eg trur piska deg det er bleiekrig omkring i landet! Også Coop-gruppen dumpar no bleieprisane, 2 for 1! Kjøtdeig 400g 22,90, kan tilrådast i små mengder - men vent med storhandelen til 19,90. Obs innleiar elles fårikålsesongen med hovudkål til 0,90 kr, no manglar berre kjøtet (jf det over).

Oppsummert: Ei bra tilbodsveke.

onsdag 8. september 2010

FirstPrice-perler

av KR

FirstPrice leverar stort sett varene i mi og di hushaldning. Me veit kva me får, og det er sjeldan eit billeg FirstPrice-produkt verkeleg imponerar oss på pris. Det er låg pris me forventar! Somme gongar derimot, vert eg rørt og våt i blikket der eg står og ser på prislappen. Eg hadde aldri trudd eg kunne sleppe unna med den prisen. Latteren brer seg så, og varar heile vegen heim. Me serverar denne veka tre utvalde FirstPrice-perler.

Som kjend skal ein ikkje bruke mykje pengar på personleg hygiene. Friske kroppar reingjer seg stort sett sjølv, berre du tek tida til hjelp. Innimellom kan det likevel vera verdt å reinske opp litt, som til juletider eller runde dagar.

*Tannkrem 75 ml kr 4,90
Dette er ei sann FirstPrice-perle, med fluor, som underteikna har nytta seg av dei siste 3-4 åra. Der Solidox sel 75-100 ml for gudane-veit-kva, får nok FirstPrice colgatesmilet til å stivne der tannkremen går med 85% rabatt!

*4 tannbørster kr 9,90
FirstPrice veit at tannhygiene er viktig, og gjev difor alle sjansen til å delta. 4 tannbørster til kr 9,90 er under kr 2,5 pr stk. Ikkje veit eg kor mykje ei tannbørste normalt kostar, men eg vil tippe frå 10x prisen og oppover.

*Sjampo 500 ml kr 7,90
Hårvasken er ikkje lenger noko problem -- med FirstPrice kan du vaske håret minst to gongar i veka! FirstPrice veit dei har med sparsomme folk å gjera, difor står det også "For daglig pleie" på etiketten. Nuvel! Gløym ikkje at dette er konsentrerte saker, som naturlegvis kan vatnast ut!

måndag 6. september 2010

Gode tilbod denne veka!

av SR

Spar
Heilgrilla kylling til 29,90 er ikkje feil, og held til fire middagar, eller to råflotte. Saman med ris, soyasaus og litt potetsalat snakkar me festmåltid. Når det kjem til ris er det denne veka 40% på jasmin- og fullkonsris frå Uncle Ben. Her er det likevel vikitg å samanlikna med andre merkje.
Spar reklamerar vidare med ost frå Synnøve Finden til 49,90. Ver likevel obs på at Spar som vanleg fristar å lura kundane, og sel 720 g til 49,90, ikkje ein kilo. Det er likevel billegare enn vanleg.

Poteter: 5 kg for 24,90.

Joker
Slår seg òg på osten, og har Norvegia til 59,90 kr/kg. Dette er dyrare enn det Mega hadde for nokre veke sidan, så har du att, kan du godt spara deg.

Poteter: Pissar på oss, og slår stort opp 10 kr/kg.

Mega
Har denne veka 10-kronersmarknad, med mellom anna 300 g potetgull frå Kims, 300 g pizza frå coop. Mykje bra, liten tvil om kvar eg skal denne veka. Synd tilbodsvarene ofte er utselde på Mega.

Poteter: 2 kg for 10 kr.

Rimi
God gammeldags fiskegrateng til 19,90 er billeg, men fiskegrateng til 19,90 er generelt ikkje særleg billeg, då det ofte er å få til 10 kr. Smågodt til 6,90 kr/hg er heller ikkje feil. Isbergsalat til 9,90 er ikkje til å grina over heller, men plommer til 29,90 kr/kg klarar me oss utan, og gå heller til naboen sin hage.

Poteter: Ukjend.

Bunnpris
Endeleg har det kome! Fersk kjøtdeig til 19,90 for 400 g. Dette var godt, når det nærma seg slutten på porsjonert kjøtdeig i frysen.

Poteter: Ukjend.

Obs
40% på alle supper frå Toro er bra for dei som er så evneveike at dei ikkje klarar å laga slikt sjølv. Obs har òg hive seg på trenden med Norvegia til 59,90 kr/kg.

Poteter: Ukjend.

torsdag 2. september 2010

Studentposar

av SR

Det sikraste teiknet på haust er når det står store pappkassar utanfor ulike utdanningsinstitusjonar med posar i. Eg snakkar sjølvsagt om dei ettertrakta studentposane!

Det er ikkje ofte merkjevareprodusentane er snille, men i desse dagar kan du få Toro-sausar, Friele-kaffi og Mr. Lie-nudlar hivd etter deg. Det er det me i bloggen kallar god stemning!

Men me skal gje deg nokre tips om korleis du kan utnytta deg endå meir av denne marknadsføringa:

1) Be alltid om to! Om dei nølar, så sei at det er til ein venn, kjærasten, bror din eller noko i den dur. Er det sokalla gute- og jenteposar, så er du ekstra truverdig om du ber om ein av kvar.

2) Kom attende! Dei som leverar ut posane leverar ut fleire hundre posar, og kjenner slik ikkje att meir enn maks 1%. Det er slik store moglegheiter for ei ny runde. Ver likevel obs på å ikkje gjera det om du har særlege kjenneteikn. Blir fort ein pinleg konfrontasjon av slikt. Gjer difor som KR, ta med deg to jakker eller huer denne dagen!

3) Reis frå fakultet til fakultet! Dei fleste høgskular og universitet har fleire fakultetsbygningar. Dette opnar for fleire utleveringar, og slik fleire posar.

4) Klag på produkta! Er det noko feil på produktet, må du ikkje kvi deg for å senda ein mail til produsenten. Her er det viktig å leggja ved adressa. Då ventar det nye forsyningar i posten.

No er det berre å setja i gong. Personleg rekord er seks posar frå same utlevering i 2008. Nokon betre?