Sparebloggen - snu på femøringen!

Ny Kiwi-razzia

2012-02-07T16:44:00.002+01:00

av KR

Sparebloggen held fram med å oppmode samtlege sparar om å sjå seg kring i hyllene til Kiwi. Underteikna fann i dag nye varer, frå tidlegare har fangsten vore særs god. I dag var det 11 stk 300g Prior kyllingfilet med utløpsdato i morgon 08.02 som låg der og dunsta av pengar på gata.

Det heile var nokonlunde tima, då eg var innom i går 06.02 og merka meg desse pakkane. Eg fekk meg imidlertid ikkje til å køyre innom i dag tidleg, men satsa på at menigmann korkje har augene med seg eller tør krevje å få varene gratis. Og ganske riktig låg filetane der no i ettermiddag, då eg svinga innom for å hente gevinsten. Totalt 22 filetar eller 3,3 kg til 490 kr samla. Greed is good.

Eg har no passert 17 kg filetkjøt gratis frå Kiwi på 6 veker, og no byrjar òg frysaren å verte rund og god. Her er det ypparlege middagar i månad på månad. Det fins kanskje ikkje gratis lunsjar, men det fins gratis midddagar - opptil i fleire månadar på rad hjå Kiwi. Det byrjar no å verte så mykje filetkjøt at gamle vanar må leggast om. Mellom anna ser eg meg tvungen til å droppe kjøtdeiga i fredagspizzaen, og erstatte med gratis filet av anten kylling eller storfe.

Gjer som Sparebloggen; putt indrefileten i pizzaen du òg!

Tilbod veke 6

2012-02-06T19:48:00.000+01:00

av SR

Spar
Køyrer denne veka på med norvegia til 59,90 kr/kg. Ikkje rekordbilleg, men nok til at eg slår til vertfall. Elles er det 40% på produkt frå Fiskars, samt grøne og raude druer i boks.

Joker
800 gram karboander til 29,90 er ikkje berre billeg, men òg eit bra prov på at 400 gram karbonadedeig til same prisen ikkje er så fantastisk som tilboda skal ha det til. Elles kan du imponera stort med ein tredelt kakebotn til ti kroner. Brunost frå Tine til 59,90 kr/kg er heller ikkje feil, sjølv om me har sett det ned mot 39,90.

Rimi
9 roser til 39,90 kan fungera bra, elles berre lureri.

Mega
40%-aren denne veka er pizza av typen Big One samt store sjokoladeplater frå Nidar og Freia. Skinkesteik til 34,90 kr/kg er heller ikkje til å fnysa av.

ICA Nær
Stiller denne veka med rekordbilleg isbergsalat - 8,90. Elles lite å melda.

ICA Supermarked
Byr på fersk skrei til 59,90 kr/kg, noko som gjer at den nærmar seg prisen på heil frosen laks. Òg her får du rekordbilleg isbergsalat. I tillegg er det denne veka svineknoke til 24,90 kr/kg - må den berre vera salt nok!

ICA Maxi
Imponerar ingen denne veka.

Coop Obs
Har denne veka 40% på all tex-mex frå Santa Maria, kjeks frå Sætre og iskaker. To 500 gramsboksar med druer til 30 kr er heller ikkje feil, sjølv om lausvekt på tilbod er billegare (men dårlegare). Byr òg på 20 Prioregg til 39,90, noko eg er usikker på om er bra no etter at Rema har gått vekk frå burhøns.

Eksotisk vareprøve

2012-02-04T01:26:00.000+01:00

av KR

Me likar å reklamere her på Sparebloggen, men i motsetnad til rosabloggarane tek me oss ikkje betalt. Me er då ikkje grådige heller! Og nett slik hadde det seg at underteikna ved eit slumpetreff kom over ein ny type Fisherman's Friend og brått vart sett i kontakt med den internasjonale pastillmarknaden. Følg med og høyr heile den eksotiske historia her.

Det var ein alminneleg januardag i det herrens år 2012. Føttene var godt planta på stovebordet, og kaffien stod og svidde seg. Nokre timars surfing på Wikipedia leidde meg brått fram til Lofthouse Fisherman's Friend. Desse pastillene frå den vidgjetne, Lancashire-baserte farmasøyten James Lofthouse. Me kjenner då godt til denne pastilla, som gjev eit meir eller mindre moralboost ved småkremting. Garantert utan vitskapleg prova effekt på andre enn sjømenn. Moderne sjøulkar tygg FF. På Wikipedia avslørte inventarlista til Lofthouse fleire eksotiske smakar unnateke norsk daglegvarehandel. Orginal Extra Strong. Check. Super Strong Mint. Check. Strong Salmiak. Check. Spicy Mandarin. Ke? Apple and Cinnamon. Ke? ....så kjem det:

"Lofthouse provides a mail order service allowing UK residents to obtain some of the more exotic or difficult to find flavours."

Check, tenkte eg, dette høyrast då ut som eit ganske serviceinnstilt føretak. Overfor britar rett nok! Her gjeld det å setja på smigeren, og spele på dei royale band - for ikkje å snakke om kor mykje Fisherman me faktisk tygg her i landet. I følgje Lofthouse tygg me flest pastillar per innbyggar i verda! Gjer som nordmenn flest; krev ei særeiga postordreteneste frå Lofthouse. Som sagt så gjort, ein kjem som kjend langt med eit norsk pass. Det synte seg imidlertid snart at sjøulkane skjular seg bak føretaket Impex Management Ltd, men dei var ikkje meir anonyme enn at dei oppgav ei epostadresse til "Kerry". Det vert vel fort litt lugubert når fiskarar skal byrje internasjonal pastillverksemd.

Her gjeld det som alltid i livet å vera frekk på ein høfleg måte. Ikkje er eg brite, ikkje vil eg betale, men eg skal ha eksotisk Fisherman. Ved å nytte den beste skuleengelsken klarde eg på ein høfleg måte å be om ein stk Fisherman's Friend Apple & Cinnamon. Så klart peikte eg også på kva for eit populært merke FF er i Noreg.

Ei veke seinare. Alt er gløymt, og posten vert henta. Impex Management, kva hon er dette? Best å opne pakken ute i det fri, i tilfelle dette er ein pakke som seier "pang". Og nett det gjorde det! Ein stk Fisherman's Friend Apple & Cinnamon fritt levert. Det heile tok ei veke etter bestilling, truleg frakta i sjark over Nordsjøen.

Varetest: Fisherman's Friend Apple & Cinnamon 25g
Pris: Truleg kr 0.
Fyrsteinntrykk: Fargerik og moderne innpakning, men likevel klassisk utforma og med tradisjonelle element.
Funksjonalitet: Lett å rive open, lett å lukke. Passar fint i eikvar bukselomme.
Lesbarheit: Vanskeleg. Bokstavane på pakken, særleg baksida, er stort sett greske (bokstaveleg tala).
Facture de exotique: Særs høg. Nye, eksotiske smakar ein ikkje får i kolonialen på denne årstida. Spanande fargar og mønster, og eit heilt ukjend alfabet for den norske husmann.

Smak: Kraftig mintsmak, mild og avdempa kanelsmak. Kjende ikkje eplesmak.
Sødme: Unormalt høg til FF å vera.
Styrke: Ekje sterk nok, FF skal brenne!

Konklusjon: Terningkast 3. Eksotisk innpakning og smak veg ikkje opp for manglande styrke. Heile idéen bak FF er å brenne bort framandelement i halsen, og då duger det ikkje med eple og kanel. Pfføy! Me meinar ikkje å vera frekke, me testar berre varene me mottek uavhengig - i motsetnad til rosabloggarane.

Verv deg rik

2012-02-01T18:13:00.002+01:00

av SR

Ein av våre ivrige lesarar tipsa oss om at det kan vera lukrativt å verva. I mange organisasjonar er medlemspengane så høge, og gjennomtrekken så liten, at vervepremiane verkeleg kan ta av. Vår tipsar er sjølv krigar, og kan melda om gåvekort på 1000 kr om ein vervar ein ny medlem i BFO.

For dei ikkje fullt så militante tilbyr NTL eit breitt spekter i vervepremiar, om enn ikkje like generøse. Ei hamburgarpresse for eitt verv (?) er nok ikkje å forakta for dei som likar kjøkennips. Den meir driftige vervaren kan etter sju verv smykka seg med td. ein iPod.

Det er med andre ord liten tvil om kvar fagforeiningskontingenten går, og eg blir berre meir og meir viss på at det var ei god vurdering å stå utanfor.

Men òg andre organisasjonar har vervepremiar. Det er ofte lurt å gå på dei politiske ungdomsorganisasjonane, samt andre interesseorganisasjonar. Staten er raus når det kjem til statsstønad til desse, noko alle medlemsjukssakene dei seinare åra, med påfølgjande feite studieturar og julebord er prov på. Det er tildømes ikkje mange år sidan ein av denne sorten lokka med tur til New York ved 50 vervingar. Med ein årskontingent på 10 kr blir det ein billeg tur, sjølv for den som må betala for heile gildet.

Elles er siste nytt i frå arbeidsmarknaden vervepremiar for å verva nye kollegaer. Det kan på ingen måte seiast å vera feil å knekka inn 10.000 kr når ein ikkje ein gong treng byta jobb sjølv. Med den store etterspurnaden det er etter arbeidskraft i våre dagar, kan dette vera eit pressmiddel overfor sjefen viss han treng folk, og du kanskje har løysinga på problemet.

Dette er mykje i same gata som velkomstpremiane i bokklubbane der ein kan avbestilla alle bøkene. Nokre av desse har òg vervepremiar. Trikset her er å verva husstanden på rundgang. Sjølv verva eg meg til ei steikepanne til ein verdi av 1.200 kr. Ikkje nok med det, så blei den levert for seint, og eg fekk med ein knivslipar på vervet. Her som elles gjeld det å la det gå sport i det, og marknaden er mest uendeleg.

Vekas tilbod

2012-01-30T19:37:00.000+01:00

av KR

* Joker
40% rabatt på alle fiskeprodukt frå Findus. Me kjøper normalt berre Findus fiskegrateng 450g på 10-kronarsmarknad, og dette 40%-tilbodet kan ikkje matche den prisen. Av erfaring rommar likevel somme gode tilbod, mellom anna den famøse "Kapteinens fyllte"-serien. Elles er det lite å hente denne veka. 1 kg spaghetti til 16,90 er kanskje billeg, men slår ikkje FirstPrice som normalt ligg nærare 10-kronaren enn dette.

* Spar/EuroSpar
40% rabatt på kaffi, orsak kaffe, frå Evergood kan tilrådast om du har lagt deg til dyre drikkevanar. Underteikna har siste månadane observert at sjølv Cirkel byrjar å prise seg ut or marknaden, så me tvilar ikkje på at Evergood denne veka er konkurransedyktige. Svinesteik 49,90 kr kg er billeg middag, men langt i frå rekordnivået kring 30 kr. Sjå for øvrig Rimi dene veka.

* Mega
40% rabatt på kjøt frå Prior, og med det nærmar Prior seg FirstPrice sitt nivå. Dei har det godt i landbrukssamvyrket! Elles betakkar me oss for flatbiff av svin til 99 kr kg, reine svindelen der flatbiffen går til ytrefiletpris.

* Rema 1000
Berre faste...zzz...?

* Obs!
Utruleg nok er det beste dei kan skilte med denne veka 400g kjøtdeig frå Gilde til 24,90. Me ventar til 19,90.

* Prix
Inga kundeavis denne veka.

* Ica
Maxi sel denne veka 6 stk Pizza Originale til 100 kr. Ein rask og dyr middag om du trur du likar å tru du har for dårleg tid til å lage deg skikkeleg middag. Supermarked førar denne veka diverse c-vitaminfrukt til 9,90 pr kg. Nær sel Friele kaffi til 19,90 pr 250g. Ingen høydare.

* Bunnpris
Måndagstilbod 4x100g laksefiletar til 29 kr pk. Høveleg billeg middag om ein nøyar seg med éin filet per kopf. Fredagstilbod 400g nykverna kjøtdeig 19 kr. Tilrådast, men få det i frysen prompte.

* Rimi
Surra svinesteik 39,90 pr kg er då høveleg bra, særleg for å vera Rimi. Elles er det skrint i hyllene.

Tilbod

2012-01-23T19:28:00.004+01:00

av SR

Spar
Denne veka får du heilgrilla kylling til 29,90. Ingen rekord, men grei pris for mange middagar. Denne veka er det òg 40% på pizza frå casa di mama, ristorante, samt alle salatar.

Joker
To Joker-klassikarar denne veka: 40% på Ali kaffi og to liter sørlandsis til 19,90 kr. Elles er tiaren denne veka Hamar-pålegg (Ha-på).

Rimi
Brukar store delar av spalteplassen sin denne veka på å promotera nye produkt. Eit dårleg teikn når det kjem til håpet om billege varer... Både lys og mørk brunost er støtt og stadig å finna til rundt ein femtilapp pr. kg. At Tine no har kome med ein mellomting - "Millom" - er slik uinteressant. Me går for å heller smelta saman eller ta eitt lag med kvar av dei i ein sokalla dobbeldekkar. Fersk skinkesteik til 39,90 kr/kg er likevel ikkje å forakta, sjølv om me har sett det billegare.

Mega
Køyrer denne veka på med 10-kronersmarknad, rett nok med ei noko utvida forståing av dette innarbeida omgrepet. To stratosplater for tre tiarar er eit godt døme på dette. Sjølv går eg for ein liter biola for to tiarar.

ICA Nær
Byr på pærer til 9,90 kr/kg, samt 400 gram kjøtdeig til 24,90 - Ok, korkje meir eller mindre.

ICA Supermarked
Lite å melda om. Lettsalta torsk til 89,90 kr/kg er ikkje allverda å skryta av.

ICA Maxi
Har heil laks til 39,90 kr/kg, noko som nok ein gong stadfestar at laksen mistar sin høge status, om ikkje anna så vertfall prismessig - og det er godt nytt.

Obs!
5 x dr. Oetker pizza for 100 kr er ein fin pris om ein trur ein ikkje har tid til anna. Det same er 12 x éin liter appelsinjus frå coop viss du tykkjer den frå Firstprice er vorten noko vassen.

Framkalling av bilete

2012-01-18T20:40:00.001+01:00

av SR

Viss du er som meg har du over mange år samla opp digitale bilete, men aldri fått dei framkalla på papir, trass ein sterk intensjon om å gjera det. Sist veke fekk eg ånden over meg, og slo til. Det vil seia, eg bestemte meg i sommar, men har venta fram til no pga. pris.

Standardprisen på på vanlege bilete er éi krone pr. bilete, men nokon opererar òg med 1,50 kr. Hjå fotoknusen er det denne månaden tilbod på bilete. Sjølv betalte eg 300 kr for å framkalla 600 bilete! I tillegg kom ei bestillingsavgift på 50 kr når eg henta dei hjå Fotoknudsen sjølv.

Ikkje nok med det, eg kjøpte fotoalbum hjå Clas Ohlson med plass til 200 bilete til pene 39 kr.

Når det er sagt, er tilsvarande tilbod garantert å finna òg hjå andre leverandørar. Tipset er her å samla opp for å unngå "oppstartsgebyr" og få maks ut av kvantumsrabattar. Dei billegaste bileta får du får du i etterkant av feriar og høgtider.

Rett nok blir det ein sinnsjuk jobb med å setja alt inn i album, men sjå på det som ein hobby, eller finn ei scrapbookivrig dame og få ho til å gjera det.

Vekas tilbod

2012-01-16T18:38:00.002+01:00

av KR

* Joker
Eit høveleg bra tilbod denne veka er 400g kyllingkjøtdeig til 16,90 pr pk. Eit sokalla "maks 5 per kunde"-tilbod, lausskjegg og hatt om du planlegg hamstring. Vekas tikroning er 570g ketchup frå Heinz, framleis rådyrt i høve til FirstPrice sin ketchup.

* Spar
Sokalla fryseshow denne veka òg. 40% på alle produkt frå Findus kan romme nokre bra tilbod, til dømes den famøse "Kapteinens fyllte"-serien. Spar fell igjennom på kyllingkjøtdeiga denne veka, sokalla "fast lavpris", der dei legg seg heile 36% over Joker.

* Obs
Sokalla rabattfestival denne veka. Me er imponerte over daglegvarebransjen sin storslagne språkbruk. Obs leverar ut gratis festivalpass, heiter det vidare. Jaha, så kva artiklar har de på dykkar hypermarknadscene, spyr me oss. 30% på frukt og grønt, 25% på kyllingfilét, 20% på kvikklunsj med meir. Ingen prisar er oppgitt. Her ligg det an til å gå rett i baret, så hald deg heime og styr unna denne festivalen!

* Mega
40% rabatt på dasspapir frå rådyre Lambi er eit tilbod me firstpricebrukarar tørkar oss bak med! For ikkje å snakke om nøkkelholmerka karbonadekjøtdeig 400g til 39,90. Me ler av slike prisar og slik merking. Mega sin fiskedisk vil me imidlertid tilrå denne veka, 89,90 for steinbitfilét let seg høyre rett frå disken - men bruk sansane!

* Prix
Inga kundeavis denne veka.

* Rimi
Kjøtdeig av svin 400g til 21,90 tilrådast berre om du er tom for farse, har absistens på svinekjøt og ikkje tålar kyllingkjøtdeig (jf Joker). Strimla svinekjøt til 54,90 pr kg er nok uansett eit betre tilbod. Varmrøykt påleggsmakrell til 7,90 pr 100g er derimot å tilrå med større styrke. Elles er det som vanleg tomt i tilbodshyllene til Rimi.

* Kiwi
Reklamerar for sitt Go'helg-tilbod som er laksefilet til 84,50 kr kg. Me er sterkt tvilande og minnar om den billege, runde auren i frysedisken som oftast ligg i underkant av 30 kr kg.

* Ica
Maxi sel bog/høgrygg av storfé til 59,90 kr kg, eit ypparleg og billeg grytekjøt. Underteikna har sjølv laga eindel gryter i det siste, men då frå botnen av sidan Toro har prisa seg fullstendig ut dei siste åra. Gryterett med storfékjøt er ein billeg middag som kan nyttast til såvel kvardag og fest. Ica Nær sel 400g kjøtdeig til 24,90 denne veka, me tilrår som kjend berre kjøtdeig under 20 kr.

Tilbod veke 2

2012-01-09T18:27:00.000+01:00

av SR

Spar
Har ti-kronersmarknad òg denne veka. Byr mellom anna på billeg leverpostei, suppe, kjeks og 2 x avokado.

Joker
Like før hjarta stogga her i bladstova når eg såg Norvegia og 29,90. Dette kunne blitt ein rekordstart på året, men det var altså 29,90 for 500 gram. Likefullt er 59,80 kr/kg ikkje feil det heller. Elles får du isbergersalat og Ritz-kjeks for 10 kr.

Mega
Satsar på sjømat denne veka. 40% på fiskemat frå Findus og torsk til 59,90 kr/kg er godt nytt. 99 kr for 1,1 kg ferske kyllingfiletar er billeg for å vera nettopp det det er, men me tilrår heller first price sine frosne filetar til omlag 110 for 2 kg.

Rimi
Strimla svinekjøt til 54,90 kr/kg er ikkje berre bra, men faktisk billegare enn kjøtdeig på tilbod. Men la det bli med desse strimlane.

ICA Nær
Gule, grøne og raude eple til 9,90 kr/kg. Punktum.

ICA Maxi
Til liks med Spar er det òg her ti-kronersmarknad, men er tradisjonelt med betre utval.

ICA Supermarked
Òg her er det ti-kronersmarknad!

Bunnpris
Ingen endringar på dagstilboda til bunnpris i høve til i fjor.

Obs!
Liten tvil om kva som er tilbodstrenden for 2012! Òg Obs! har ti-kronersmarknad denne veka. Her er det berre å søka over alle butikkane, og plukka med seg dei beste tilboda.

Nytt Kiwi-raid

2012-01-03T15:20:00.000+01:00

av KR

Som meldt under vekas tilbod kom eg i går kveld over eit parti kjøtvarer med utgongsdato 04.01 på Kiwi. Desse kunne følgeleg hentast gratis i dag, ut i frå Kiwi sin før omtalte datogaranti.

Det gjaldt å møta tidleg i døra, slik at beteninga ikkje rakk ryddene hyllene før meg. Like etter opningstid i dag tidleg trappa eg difor opp, spaserte inn og henta dei 6 pakkane med Gilde langtidsmørna flatbiff av storfe. Veni, vidi, vici!

Totalt 12 biffar, over 2,3 kg til ein verdi av 440 kr. Dette kjem på toppen av dei 11,5 kiloane med filetkjøt eg raska til meg like før julaftan. Fleire månadar med gratis middagar, og eg trur sanneleg det er meir å hente. Ikkje berre nær utgått på dato, men langtidsmørna også frå produsenten - det er Gilde det!

Årets fyrste tilbod

2012-01-02T19:28:00.001+01:00

av KR

Året byrja ofseleg godt! For der det slapp på Kiwi, heldt det jommen fram; i dag henta undertekna heim ein gratis komlemiddag frå Fjordland. Endeleg slo antakelsane til - Fjordland-hylla må vera eit eldorado for utgådde varer. I tillegg lyt eg ta turen innom i morgon tidleg òg, for då er det ei hylle med storfekjøt som går ut... Sjølv om Kiwi har ope til kl 23 kan dei umogleg rekke å rydde den unna før eg kjem i morgon tidleg?

So til vekas tilbod:

* Joker
Klassikaren Findus fiskegrateng 450g til 10 kr er ein sparebloggklassikar, og no har eg faktisk berre ein att i frysen sidan sist - optimal timing frå Joker denne veka. Frokostjuice frå Eldorado 1,5 liter til 10 kr trur me er eit luretilbod, jf Coop, vatn er uansett å føretrekke i ein sunn kropp. Resterande del av tikronarsmart'n rommar mykje rape, men Tine Kremost og Denja-salatar til 10 kr stk kan tilrådast.

* Rimi
Epler 9,90 pr kg er då umåteleg billeg til Rimi å vera, all frukt under 10 kr kg tilrådast av Sparebloggen. Elles er Rimi eit langt gjesp også denne veka.

* Spar
Sler også til med tikronarsmarknad. Ein kilo "kyllingsnacks" (dvs div knokar og klubbar) selgast til 10 kr kg frå pakkar á 2,2 kg. Tilrådast på det sterkaste i supper og gryter. Fiskegratengen går også att her, ilag med 400g fløtepudding, blodpudding og 2 kg appelsiner - også til 10 kr stk. Ingen grunn til skjørbuk i 2012 heller. Diverse kjekspakkar er også eindel av tikronaren.

* Obs
40% rabatt på Findus denne veka, men dei kan neppe konkurrere på fiskegratengen lell! Coop sin juice 1,5 l selgast 4 for 50 kr. Lite å hente på matvarefronten, men manglar du ei lita kasserolle får du ein 1-litar til 49 kr.

* Kiwi
Forutan utgådde varer, momskutt og nøkkelhol... har ikkje Kiwi nokre særskilde tilbod denne veka.

* Ica
Maxi lanserar nakkekotelettane på denne tida av året, 29,90 er då ein sumarpris me kan tilrå om du vil ha avvenning frå julematen... Elles er det pika deg 10-kronarsmarknad hjå Ica òg. Anar me eit samarbeid her? Tine Kremost, fiskegrateng, blodpølse og div kjekspakkar til 10 kr kan tilrådast som vanleg.

* Mega
Norvegia 59,90 pr kg er då ikkje nett billeg, men er du i beit for ost kan me innvilge dispensasjon for hamstring inntil 1 kg denne veka. Elles går diverse frukt til 9,90 pr kg også her.

* Prix
Me har fått ei skrape då me skriv lite om Prix, denne veka kan me nemne 400g kyllingkjøtdeig til 17,40!

Julekvelden kom tidleg - Sparebloggen på razzia hjå Kiwi!

2011-12-21T11:35:00.002+01:00

av KR

Velsigne juleskrømtet, for det har vore godt mot meg i år - og held fram så det steamar. Høyr berre her! I går kveld skulle eg nett innom Kiwi for å kjøpe meg ein pose kaffi. Eg plar stoppe så vidt ved kjøthyllene berre for å sjekke korleis dei ligg an med datoane, vel vitande om garantiordninga som vedkjem halvt og heilt utgådde varer. Brått peikte ein kylling på meg. Nærare bestemt litt av ganske mange kyllingar. Eg kvapp til; 1,2 kg kyllingfilet med utløpsdato 21.12.11. Eg stod der dagen før dagen.

Faktaboks:
Kiwi gjev deg vara gratis dersom ho går ut den dagen du handlar eller dagen etter. Du får erstatningsvare dersom vara er utgått på dato, og pengar dersom erstatningsvare ikkje fins/kan gjevast.

Roleg og beherska la eg i frå meg kaffiposen, bretta opp eitt erme og skreid til hyllene! Meir kyllingfilet venta, datoar vart sjekka og varer lagt i korga med smil om munnen. Så langt totalt 4,8 kg kyllingfilet frå FirstPrice. Ikkje berre billeg, alt skulle vera gratis. Eg dobbeltsjekka med beteninga, fekk stadfestinga. Vidare til hyllene. To pk grytekjøt frå Gilde kom også fram, totalt nærare ein kilo. Sum 650 kr gratis kjøt denne dagen. Nok til å koke middag for i ein heil månad. Alt av finaste, reinskore kjøt. Det bugna av gratisvarer i hyllene, og eg merka straks at enkelte datoar fordra retur neste dag og dagen der på.

Dag 2. Juleferien er i gong, enno betre tid til å romstere i hyllene til Kiwi. Denne morgonen galdt det å koma seg til hyllene før beteninga luktar lunta (les: varene). Eg hadde spesifikk kjennskap til eit par entrecôtar frå i går, som skulle vera merka 22.12.11 - og følgeleg kunne plukkast gratis i dag. Skuffelsen var stor, eg hadde i min kyllingrus dagen før sett feil pakkedato - ikkje utløpsdatoen. Eg ante likevel råd; gårsdagen synte at dei ikkje hadde kontroll i hyllene. No måtte eg gå grundigare til verks, sjekke kvar ei vare i kvar rad og hylle. Suksess! Ei heil hyllerad med kyllingstrimlar, totalt 10 pakkar (4 kg) merka utløpt 22.12.11. Eg raska det til meg. Alt gratis etter garantiordninga, og til alt overmål også nøkkelholmerka. Ikkje berre gratis, sunnast i klassen skal det vera dette Prior-kjøtet. Eg som har forbant meg på denne merkinga. Turen gjekk vidare. Kalkunfiletar ramla opp i korga, også det merka 22.12.11. Så møtte eg motstand i hyllene til Gilde. Mykje merka såvidt over nyttår, eg la det på minnet - og leita vidare. Langt bak dukka det opp nokre gamle varer merka 16.12.11, faktisk utgådde på dato i ordets rette forstand. Det var tale om langtidsmørna-serien til Gilde, faktisk tala. 2 pk pepparbiff og 1 pk indrefilet. Garantiordninga sikra her erstatningsvare og dagen var fullendt.

Kjøpmannen som passerte burde kunne ane uråd der han såg meg lesse korga full av dyrt kjøt, men han ante nok ein god handel og helste pent. Heilt korrekt! Ein sjeldan god handel: 11,5 kg reinskore, fint kjøt til ganske nøyaktig 1500 kr samla over to dagar. Alt gratis.

4 x 1,2 kg kylling, FirstPrice, sum 469,20
2 x 450g grytekjøt av storfe, Gilde, sum 172,49
10 x 400g kyllingstrimlar, Prior, sum 499
2 x 300g kalkunfilet, Prior, sum 123,80
1 x 240g langtidsmørna indrefilet av store, Gilde, sum 93,34
2 x 410g langtidsmørna pepparbiff av storfe, Gilde, sum 140,62

Når slike mirakel skjer så stutt oppunder jol, fer det meg til å tenkja på juleskrømtet - og Elias Blix. Gledeleg jol! Med dette gode gamle ordet helsar me kvarandre i denne sæle joletida. Yver heile sparebloggredaksjonen gjeng songen til dei mange tusund munnar der ute:

Glade jol! Heilage jol!

Tilbod veke 51

2011-12-19T17:14:00.002+01:00

av SR

Spar
40% på pære, eple og appelsin i laustvekt, samt Evergood-kaffi. Elles berre luretilbod.

Joker
Skinkesteik til 29,90 kr/kg er ein god gamal jokerklassikar. 330 gram twist til 39,90 trur me er ein bra pris.

Rimi
Krydra svineribbe til 39,90 kr/kg er bra for den som ikkje gidd å krydra sjølv, eller som oppdagar for seint at ribba ikkje er krydra. Klementinar til 8,90 kr/kg er bra, men me hadde rekna med at det skulle bli billegare på denne tida av året. Lutafisk til 17,90 kr/kg er vel kanskje av den billegaste fisken ein kan få.

Mega
40% på diverse småis og dessertar frå Diplomis. Elles får du 40% på lettbaka brød frå coop. Kva som ligg i dette, vitast ikkje. Heil torsk til 69,90 kr/kg er heller ikkje til å klaga over.

ICA Nær
Har denne veka pinnekjøt til 99 kr/kg, men pass opp for berre bein. Vidare får du klementinar til 8,90 kr/kg og kalkun til 29.90 kr/kg. Det er òg fem store sjokoladeplater for 99, men her vil det heller lønna seg med Rema sitt 2 for 30-tilbod.

ICA Supermarked
òg her på du heil torsk til 69,90 kr/kg, klementinar til 8,90 kr/kg og 330 g twist til 39,90.

ICA Maxi
Fem sjokoladeplater for 100, men Rema er som sagt betre. Elles lite å skryta av.

Obs!
Byr på pinnekjøt frå Henriettes til 139,90 kr/kg, noko som er billeg for så god kvalitet. Elles får du 10 x 1,5 liter Pepsi/Pepsi Max for 100 kr. Kalkun til 24,90 kr/kg er heller ikkje å forakta. Du får òg 1,5 liter farris til 9,90.

Konklusjon: Ikkje den mest imponerande veka eg har sett, men ok pluss. OBS imponerar med Henriettes, men eg saknar framleis billeg kvitost!

Planka

2011-12-15T17:48:00.003+01:00

av SR

Som me tidlegare har vore inne på er skilje mellom sparing og snylting stundom minimal, og med ein desj skamløyse kjem ein langt. Ein av våre lesarar tipsa oss på facebooksida vår om fenomenet Stockholmsfenomenet planka. Planka er likevel berre i Oslo.

Som Planka Oslo sjølv skriv på si heimeside er:

Planka Oslo er en aksjonsgruppe som jobber for en avgiftsfri, skattefinansiert kollektivtransport. Gruppa ble startet opp i januar 2011, etter inspirasjon fra svenske planka.nu. I tiden fremover vil vi jobbe for en bedre, mer inkluderende og en arbeider- og brukerstyrt kollektivtransport i Oslo.

Medlemmene i Planka Oslo er organisert gjennom P-kassa: en ordning hvor medlemmene kollektivt betaler eventuelle bøter de enkelte medlemmene måtte få. Planka Oslo er i tillegg en del av den verdensomspennende sosiale bevegelsen Free Public Transports.

Månadsavgifta er 250 kr, med andre ord ein del rimelegare enn eit vanleg månadskort. Me har ikkje sjølve testa dette ut, så me oppmodar til å undersøkja nærare før du eventuelt betalar deg inn. Når det kjem til den etiske vurderinga, kan det vera greitt å rådføra seg med lommeboka.

Vekas tilbod

2011-12-12T18:17:00.006+01:00

av KR

* Joker
400g karbonadedeig til 29,90 er kanskje billegare enn vanleg, men denne karbonadedeigsvindelen hiv ikkje me oss på. Vent heller nokre veker og kjøp 400g kjøttdeig til sedvanlege 19,90 eller lågare. 40% rabatt på ferdigrettar frå Findus kan romme nokre billege middagar, me tilrår her særleg å sjekke prisen på pastarettane - som no burde ligge godt under 20 kr (2 porsjonar). Forutan dette er det tynt i hyllene, men me tek med oss pærer til 10 kr kg.

* Spar
Iskake frå Diplom til 17,90 kan vera greitt å ha i frysen når det nærmar seg høgtid for kaffibesøk. Elles vil feinsmeckaren finne 4 kg mandelpoteter til 39,90, ikkje av dei billegaste mandelpotetene me har sett - men gitt at julaftan nærmar seg går me god for dette tilbodet om du har råd til å skeie ut i jula. Prisane på surkål må imidlertid koma kraftig ned dei neste to vekene, 5,90 pr pk er ikkje godt nok!

* Obs
Kalkunen ligg på rabatterte 24,90 kr kg, men ser me under 20 kr kg før nyttår? 1,5 liter Farris itl 9,90 er då billeg nok til å plukke med seg, om ein har for vane å betale for vatn med co2. 6-pk Clausthaler til 19,90 kan me også gå god for, om du køyrer til julebordet. Epler og klementinar til 9,90 pr kg er også prisa til eit forsvarleg nivå.

* Mega
Ingen særskilt gode tilbod denne veka, når 40% rabatt på Fjordland sine dyre ferdigrettar er det beste dei kan hoste opp, så styrar me klårt unna Mega denne veka.

* Prix
Er framleis for dyre på både kalkunen og ribba, til at me kan tilrå julehandelen hjå Prix. Det same må seiast om surkålet som går til latterlege 13,90 for 450g. Ikkje akkurat Prix si veke dette.

* Ica
Maxi let skinkesteika gå til 29,90 pr kg denne veka - kan tilrådast! 40% rabatt på diverse taco-varer kan vurderast. Me tek elles med oss brunosten til 44,90 pr kg.

Sparebloggen sine gulljulegåver

2011-12-10T22:37:00.002+01:00

av KR

Me reknar med dei færraste av dykk har kjøpt julegåver enno. Ikkje fordi det er så travelt eller vanskeleg i desember, men for at pengane skal forrente seg lengst mogleg på kontoen. Sparebloggen serverar her årets gulltips på julegåvefronten, me rår til to butikkar dette året:

Sparkjøp
* 3pk truser kr 99, det sler aldri feil med truser under treet - ein sikker vinnar i alle kjønn og aldrar.
* Stillongs og trøye kr 99 pr del, kven kan vel gje ei sur mine når ein får ulltøy på kaldaste vintaren?
* Ullhandskar kr 39 pr par, budsjettalternativet til den som frys om vinteren.
* Lue, skjerf og sjal frå kr 39,50, ditto!
* Bestefarstrøye kr 249, helst i dyraste laget - passar nok best til den som også har bursdag i romjula.
* Sokkar frå kr 7,50 pr par, aldri meir hol ved ankel eller storetå.
* Fritidssko i skinn m/ borrelås kr 99, bli moteriktig med Sparkjøp!
* Hovudskjerf kr 4,75, alle kjenner ein Little Steven-lookalike.

Play.com (fraktfritt)
* Borat's mankini, gjer det klar til badesesongen for berre 5 pund!
* 5CD Rock 100 hits, alt frå Alice Cooper til The Troggs til berre 1 pund per CD!
* Diverse skjerf og huer til 5 pund pr stk, om du ikkje finn fram til Sparkjøp.
* Oppblåsbar spasérstokk 5 pund, må brukast med varsemd når det er kaldt i lufta.
* Narnia gjekk via NRK si avdeling på 80-talet og rett på DVD. Kostar no 5 pund, dvs 45 kr.
* Når me fyrst er inne på NRK, 'Allo 'Allo sesong 1 og 2 til berre 5 pund.
* Diverse Pixar-filmar til berre 5 pund, billegsal på kvalitetsanimasjon.
* Diverse Family Guy 5 pund, eit fantastisk tilbod for den som ikkje har tilgong til thepiratebay!
* 3 pk Puma-sokkar til 5 pund, for den motebesvimte sparar.
* Diverse Alan Partridge 5 pund, utgitt med støtte frå Radio Norwich!

Ei veke på det jamne

2011-12-05T19:04:00.006+01:00

av SR

Spar
Den gamle men ikkje fullt så imponerande spartravaren kjøtdeig til 24,90 er teken opp av hatten. Meir imponerande er 40% på div. frosne grønsaker og bær frå eldorado. Elles bryr spar på vekas mest oppfinnsame: Bananar til 7,90 pr. pose - storleiken på posen er ukjend.

Joker
Har denne veka bananar, pære, appelsin og eple til 12,90 kr/kg. Vidare er det 40% på sørlandsis. 10-aren denne veka er 370 g flattbrød frå Ideal.

Obs!
For oss som har byrja på siste osten frå sist hamstring er det godt nytt med norvegia til 59,90 kr/kg. Berre så synd overteikna ikkje har ein Obs i ei avstand eg ikkje er avhengig av buss. 1,5 liter cola til 10 kr er heller ikkje feil for dei som likar slikt. Du får òg 40% på ulike tannhelseprodukt frå Colgate.

ICA Maxi
Byr denne veka på røykt svinekonke til 19,90 kr/kg! Elles er det heller ikkje noko å seia på lasagne frå Knorr til 10 kr pakken og 40% på alt frå Findus.

Ica Supermarked
Me har sett den ferske lettsalta torsken billegare, men 89,90 kr/kg er høveleg. Du får òg 40% på pizza tradizionale, samt appelsiner til 9,90 kr/kg.

ICA Nær
Imponerar ingen denne veka.

Mega
Det er denne veka 40% på både big one, originale og gul og raud kaffi frå Coop. Røykt svinekam til 29,90 kr/kg er det heller ikkje noko å seia på. Det er òg 30% på div. sun-produkt. Sjå likevel opp for billegvariantane. Er du samyrkemedlem kan du gleda deg over appelsiner til 7,90 kr/kg.

Rimi
Same som sist veke - lite å ta turen for anna enn appelsiner til 9,90 kr/kg.

Konklusjon: Det er ei veke på det jamne. For min del nærmar det seg slutten på sist hamstring av kvitost, så mitt store ynskje er at kvitosten kjem på tilbod att i ein nærare butikk neste veke.

Til sist eit lite tips i smørkrisa. Folk har ikkje berre gått av skaftet mtp. lågkarbo, men det har òg pris. I Sparebloggen held me oss til heimelaga høgkarbobrød, og styrar pent unna dyrt smør. Margarin er smakar det same, funkar til det same og kostar mindre, og aller billegast er First Price og Landlord. Lat dei galne om galskapen kivast!

Fyrste luka er opna!

2011-12-01T18:02:00.001+01:00

av KR

Me trur det er fyrste adventsdag i dag, sjølv om fyrste sundag i advent var for nokre dagar sidan. Me ber ikkje om nokon logikk, alt me ventar på er nemleg romjulssalet - og då er som kjend "ventetida" over. Likevel ynskjer me å markere denne fyrste dagen i advent, ettersom fyrste luke for underteikna kom frå FirstPrice i form av reklamasjonsvarer. Sant skal seiast, det byrjar då å verte ein vane. Når ein nesten har gløymt kva ein reklamerte på, så har ein anten snev av dårleg hukommelse eller reklamerar ofte nok. Beinsplint i FirstPrice-fårepølsa var det, og beinsplinten kastar godt av seg må vite:

* 155g pasta formaggio - rett nok utan blåmuggost, men 1,1% ostepulver får duge.
* 2 par vaskehandskar - nett som bestilt frå oven då det alt er to hol i mine gamle.
* 25 serviettar ansiktsrens - er dette eit forsøk på ein fornærmelse?
* 1 boks champignon 184g - ei forbruksvare god som noko
* 2x150g sjokoladecookies - omsider noko attåt kaffien
* 2x246g tomatsuppe med makaroni - 8 porsjonar = middag i 8 dagar!
* 8 stk firstpricebatteri - bør eigentleg batteri sendast ilag med matvarer?

Dette var ein rørande adventspresang frå FirstPrice, som nok eingong står til gull kva kjem til kundeservice!

Vekas tilbod

2011-11-28T19:31:00.005+01:00

av KR

* Joker
40% rabatt på alle fiskeprodukt frå Findus kan romme nokre gode tilbod, og me tilrår alltid kapteinens fylte til under 20 kr. Elles går 1 liter Nora eplejuice til 10 kr, sikkert billeg for den som har dyre vanar.

* Spar
Zzz, familieribbe og tynnribbe til 29,90 pr kg. Berre latterlege tilbod frå Spar denne veka, lammelår til 199 kr kg, svinefilet til 149 kr kg og Ali kaffii til 21,90 pr pk. Styr unna!

* Rimi
Appelsiner til 9,90 pr kg går me god for, fersk svineribbe til 39,90 pr kg er ikkje godt nok.

* Kiwi
Kalkunen kostar 29,90 pr kg, Sparebloggen har spådd priskrig på denne vara i år - framleis forheld troppane seg i ro. Vekas Go'helg-tilbod er pepparbiff til 112 kr kg, kan romme nokre gode stykker - men bruk sansane!

* Obs
Der kom kalkunen me har venta på, førebels årsbeste til 24,90 pr kg! Kan Sparebloggen ha truffe spikaren kva gjeld årets priskrig på julevarer? Me tilrår å vente i det lengste før ein handlar på 24,90. Elles plukkar me med oss bananar til 9,90 kr kg, all frukt er billeg under 10 kr kg.

* Mega
40% rabatt på pålegg frå Gilde, men framleis dyrare enn FirstPrice. Skinkesteik til 29,90 er høveleg billeg om du vil ha forandring i høve til dine mange ribbemiddagar i november... Elles lite imponerande, men Coop-medlem får epler til 7,90 kr kg denne veka.

* Ica
Lite å hente hjå Maxi denne veka, til nøds fiskekaker til 39,90 kr kg - strengt tatt ikkje noko å hoppe i taket for. Supermarked-kjeda sel fisk frå Findus og diverse chips med 40% rabatt. Elles forundrar det oss stadig at Ica held fram å tape ein halv milliard i året med desse prisane. Ica Nær har årets billegaste pinnekjøt så langt, 89,90 kr kg - men som tidlegare åtvarar me mot billege fettslintrar av noko pinnekjøt.

Konklusjon: Ingen høgdepunkt for ein kresen sparar, men no skal det eindel til for å imponere underteikna prismessig.

Test: First Price sjampo

2011-11-23T18:09:00.004+01:00

av SR

Produkt: First Price Sjampo.
Pris: 7,90 for 500 ml.

Funksjonalitet 5 av 5
Berre det at flaska er stor gjer at eg får lyst å gje toppscore. Når det i tillegg er ei kork som er veldig enkel å opna og lukka, samt eit praktisk design på flaska, er dette ein klar femmar.

Kvalitet 3 av 5
Sjampoen har fin fylde, noko som trekk opp. Det som derimot trekk klart ned er at lukta ikkje er heilt slik den skal vera. Det er ei udefinerbar lukt som ikkje er heilt slik me er van med frå andre leverandørar. I tillegg blir det lite skum, noko som gjer at det blir meir ei sjamposørpe som renn ned i augene. I tillegg følast det som at sjampoen svir meir enn vanleg. På den andre sida slå blir ein faktisk rein, som jo er det viktigaste med sjampo, så det er grenser for kor mykje dette kan trekka ned.

Ettersom eg har gått over til klyppemaskin med innstilling på 12 mm, er det vanskeleg å seia noko om korleis sjampoen påverkar glansen i håret.

Tilråding: Her er det eit stort sprang mellom kvalitet og det praktiske, og det er ikkje alltid samanheng mellom kvalitet og kvantitet. Produktet fungerar, og er du ein kresen sparar, kan eg på det varmaste tilråda sjampoen som kroppssåpe, slik at du sparar den dyrare sjampoen til berre å nyttast i håret.

Ei bra veke!

2011-11-21T17:10:00.004+01:00

av SR

Spar
Sjølvplukk av eple, pære og appelsiner til 14,90 kr/kg er ein bra pris, men skal du ha appelsiner får du dette billegare ma. hjå ICA Nær. Elles er det òg denne veka 30% på hygieneprodukt for gapet frå Colgate, det same med diverse luftfriskarar frå Surf. Dårleg veke.

Joker
Byr denne veka på svinekotelettar til 29,90 kr/kg, både for ferske og frosne. 1,5 liter coka cola til 9,90 er heller ikkje feil for dei som likar slikt. Mango og avokado til 10 kr stykk er relativt bra, men me minnar om at desse studom dukkar opp til to for 10.

Mega
Denne veka er det 40% på alle store sjokoladeplater frå både Freia og Nidar. 40% er det òg på produkt frå Biola. For den som likar smågodt, og føretrekk eit større og mindre nedstøva utval enn det som er på europris, kan me tilrå Mega denne veka - 7,90 kr/hg. Du får òg lys og mørk brunost frå Synnøve til 29,90 for 500 gram. Etter kiloprisen å dømma kan me lett få det billegare, men om ein har eit lite forbruk, er dette billeg for denne storleiken. Som om ikkje dette var nok, får du òg fersk seifilet til 39,90 kr/kg. Som medlem av samyrkelaget får du òg klementinar til 7,90 kr/kg. Litt av ei veke!

Bunnpris
Familieribba får du her til 29,90 kr/kg. Denne skal som kjendt ned med tida. Heil røykelaksside får du for 79,50 kr/kg. Mi erfaring er likevel at røyksmaken kan vera så som så, men eit triks her er å strø på meir salt oppå heile sida. Brokoli til 6,90 pr/stykk er heller ikkje feil.

ICA Maxi
Har denne veka fersk torsk til 49,90 kr/kg, noko som er ein veldig fin pris. Det blir òg lokka med 40-90% på is frå Hennig Olsen.

ICA Supermarked
Pinnekjøtet er no nede i standardprisen 99 kr/kg. Etter fjoråret å dømma kan me ikkje venta noko særleg lågare enn dette, men det er ingen grunn til å forhasta seg. Elles er det 30% på diverse spekemat. Du får òg 4 kg poteter til 24,90, noko som er bra.

ICA Nær
Ikkje før hadde eg skrudd ned forventingane mtp. prisen på pinnekjøt, så slår ICA Nær til med 89,90 kr/kg. Dette er likevel gryteklart, med andre ord utvatna. Dette gjer at du får mindre kjøt pr. kg, men òg mindre arbeid. Appelsiner får du til 12,90 kr/kg.

Vekas tilbod

2011-11-14T19:07:00.006+01:00

av KR

* Joker
Hiv seg på ribbetrenden og tilbyr familieribbe til 29,90. Det er maks pr 5 kunde, men ingen familieformrestriksjonar. Elles fallbydast Freia-sjokoladen 40%, uvisst kva veiledande pris her er - men me tippar at ein no kjem ned på standardtilbodet smått under 20 kr pr 200g. Kaffi har så smått vorte ei luksusvare når Ali kaffe 250g kostar heile 19,90 - me hugsar denne gjekk for 10-12 kr berre for få år sidan. Spar difor på gruten.

* Spar/EuroSpar
Oh, du herlega jul. Kalkunen kostar no 29,50 pr kg, og det er ikkje ein gong nattefrost på desse kantar. Elles er me vitne til årsverste på kveitemjølet når Spar let det gå 17,90 kroner per 2 kg. Dobbel pris og vel so det, skammeleg! For våre premenstruelle lesarar kan me tilrå OB til 19,90 kr.

* Rimi
Tynnribba går til 29,90, elles tynt i rekkene.

* Ica
Maxi sel denne veka Findus fiskegrateng 500g til 20 kr pr stk. Dei som var innom Coop Obs førre veke fekk 450g til 10 kr pr stk, me har bunkra opp! Ica har ingen nye tilbod denne veka.

* Mega
Nygrilla kylling til 39,90 er for stivt, her må ein slå av 10 kr sjølv om dette er monsterkyllingar (1,1 kg). 30% på eindel frysevarer frå Findus er ikkje godt nok for Sparebloggen, vel FirstPrice-alternativet i same frysedisk. Du får òg denne veka 40% på jogurt frå Go morgen og Sprett, samt diverse reinhaldsprodukt.

* Obs
Klassikaren 400g kjøtdeig frå Gilde til 19,90, bunkre opp om du ikkje sikra deg hjå Joker i førre veke! Det er påfallande kor jamnt desse tilboda fell omlag kvar 10-12 veke, underteikna har akkurat tømt frysen før neste 19,90-tilbod dukkar opp. Elles er lutefisken alt komen i disken, men då til 39,90 pr kg - noko som er dobbel pris. Me betalar hòn ikkje nærare 40 kr kg for fisk som er ille førebudd i lut. Om du ikkje nytta deg av Sparebloggen si fenalåroppskrift tidlegare (59,90 kr kg), må du no ut med heile 199 kr kg for fenalåret.

* Kiwi
Også her førar dei ribbe til 29,90 kr kg, og FirstPrice sitt pinnakjøt er nede i 94,90 pr kg. Me frårår desse fett- og beinslintrane av eit pinnekjøt på det sterkaste, unn deg heller noko til tredoble prisen julaftan. Når det gjeld pinnekjøt er det faktisk ein samanheng mellom pris og kvalitet, og det er noko Sparebloggen langt i frå kan seie om dei fleste andre varer i handelen.

Konklusjon: Om du gløymde deg ut på kjøtdeiga førre veke, kan me tilrå hamstring. Elles var det ikkje rare greiene på tilbodsfronten denne veka, men me er då også kresne!

Smalhans

2011-11-09T17:13:00.006+01:00

av SR

Med kokeboka Smalhans har Gunda Djupvik levert eit standardverk i matlaging for spararar, og eg vil gå så langt som å ty til tidenes floskel i desse tider: Denne boka kjem til å liggja under juletreet til mang ein sparar.

Med kapitteloverskrifter som "«Gått ut på dato»", "Å redde mat" og "Å planlegge innkjøp" er det vanskeleg å ikkje få ein klump i halsen for oss som snur på femøringen. Dette er verkeleg boka me har venta på, og noko så sjeldan som eit litterært verk som varmar hjarterota til ein sparar.

Når den i tillegg blir toppa med velplasserte spark mot matvarebransjen som lurar kundane sine til å betala meir enn me må med sine luretilbod og villeiing rundt kva varene kostar. Når det i tillegg er gode og billege oppskrifter, toppa med flotte bilete, kan me vanskeleg be om meir.

Som ein ekstra bonus kan eg nemna at boka er fri for cupcakes. Den har på den andre sida oppskrifter på gode gamle blåbærmuffin. To sikre teikn, i tillegg til spareprofilen sjølvsagt, på at det ikkje er nokon rosabloggar som står bak boka.

Me tilrår denne boka både til eige hushald, som gåve til spararar, og ikkje minst til dei som ikkje er spararar, men alltid er blakke. På toppen av det heile er den òg relativt billeg. Og kjøper du på nett får du den endå billegare. Sparebloggen gir med tryggheit Smalhans sitt godkjendstempel!

Vekas tilbod

2011-11-07T20:39:00.003+01:00

av KR

* Joker
Det er alarm! Ein tilbodsklassikar denne veka, 400g kjøtdeig 19,90 - maks 5 per kunde. Me tilrår hamstring og lausskjegg. Elles er det lite å hente på Joker.

* Spar
Stor tikronarsmart vert det reklamert, men mart'n er spekka med luretilbod. Me tilrår likevel kremosten, jædersylta og påleggsalatar frå Denja. Likevel; dette var skuffande for å vera 10-kronarsmarknad. Den sokalla familieribba ligg på 29,90 pr kg, me avventar hamstring og forventar prisras fram mot jul.

* Obs
2 Pizza Originale til 40 kr samla er kanskje ein rask middag, men langt i frå noko Sparebloggen kan stå inne for. Kystens fiskegrateng 450g til 10 kr kan me imidlertid tilrå på det kraftigaste. Med poteter attåt har du her middag til 6 kr per person. Skal du på tikronarsmarknad denne veka er Obs å føretrekke, mellom anna inkluderast yoghurt 500g, gulrøter pr kg, bananar pr kg, denjasalatar, kremostar, div tex mex og blodpølse 400g i tikronarsmarknaden. Dette er ein tikronarsmart slik me hugsar den frå gamledagar.

* Mega
Ein parodi av dei sjeldne, karbonadedeig 400g m/ nøkkelholmerke til 39,90. Haha, me ler der me heller plukkar 400g kjøtdeig frå Joker til 19,90 u/ nøkkelholmerke.

* Rimi
Også her går ribba, men då tynnribba, til 29,90 pr kg. Let's play the waiting game. Klementinar til 12,90 pr kg kan tilrådast om du er på randen til skjørbuk.

* Kiwi
Klagar sin nød over at Regjeringa no vil auke matmomsen, etter at Kiwi har kutta denne på somme varer dei seinare åra. Regjeringa gjer berre det einkvar annan god kjøpmann ville ha gjort når nokon tek rekninga på den måten Kiwi har gjort i tilfellet matmomsen. Lat Regjeringa auke, og Kiwi kutte på nytt!

* Ica
Maxi førar denne veka 6 Pizza Originale til 100 kr samla, eit tilbod under tvil kan tilrådast. 3 stk Kapteinens fylte til 100 kr kan også vera bra om du vil skeie ut, med poteter gjev det middag under 20 kr per person. I overkant dyrt for hardcorespararar.

Konklusjon: Turen går garantert innom Obs og Joker, der det skal storhamstrast fiskegrateng og kjøtdeig.

Sparebloggen sine straumsparartips

2011-11-02T21:31:00.002+01:00

av KR

Kong Vinter kjem krypande, seier klisjéane, men me legg oss ikkje flate for vinterkulda. Oktober til mars er den viktigaste perioda for straumsparing, slik me ser det. Sjølv om straumbørsen Nordpool peikar mot vesentleg lågare prisar i år enn i fjor vinter, let ikkje den gode sparar seg lure til å fyre litt ekstra - for slik å skru opp straumprisane. Her serverar me straumsparartipsa du aldri får lære av Enova.

Redd ein kubikk vatn, spar ein kwh! Sparebloggen syner deg korleis:

*Gløym sparedusjen, bruk heller vaskefat og klut. Der ein sparedusj kostar deg 10 liter vatn i minuttet, vil eit vaskefat romme éin liter i timesvis. Er du så skitten at du treng dusje, burde du skamme deg!

*Senk all varme til eit minimum nattestid, det er steikje kaldt å stå opp uansett!

*Hald maksimalt temperaturen på 16 grader, og kle deg heller godt innomhus. Kast ikkje av deg ullgensaren og ullsokkane straks du kjem inn, lat heller plagga vera på. Det er ikkje meininga å gå med tskjorte inne i norske hus midtvinters. Ta aller helst på deg ullundertøy om du skal sitje i ro framføre TVen.

*Invitér folk til gards, det er mange kwh i kvar kropp - særleg om dei er gode og mette før dei kjem.

*Tøm ikkje ut potetvatnet, lat det stå i daglegstova og varme opp rommet. Alternativt tømmer du potetvatnet på termos, og nyttar det i varmeflaska i senga seinare på kvelden.

Del gjerne dine beste sparetips i kommentarfeltet. Det er miljøvennleg å spare straum, følgeleg også moderne!

Tilbod

2011-10-31T17:16:00.007+01:00

av SR

Spar
Byr denne veka på 10-kronersmarknad. Mykje bra, slik som 2x200 g tomatpure til 10 kr. Sjølv er eg mest spent på kva pæreeple (2 for 10 kr btw) er for noko. Blir nok ein tur innom Spar denne veka, men som vanleg: Sjå opp for luretilbod!

Joker
Denne veka er det 40% på kaffi frå evergood og farmers. Har du tyggis som ei last i kvardagen, får du 2 x extra for 10 kr. Det er òg billeg storfe ("høyrygg" utan bein), berre 99 kr/kg.

ICA Nær
400g kjøtdeig til 24,90 er ikkje så mykje å skryta av. Men me tilrår 4 kg poteter (ukjend sort) til 24,90. Det er ikkje på gamle høgder, og sjølv har eg raida åkeren og fylt opp kjøleskapet.

ICA Maxi
Gir berre ein liten teaser på nett, då dei satsar på avisene. Men røykeknoke til 19,90 kr/kg er veldig bra. I same slengen kan du òg få produkt frå Lilleborg til 40%.

ICA Supermarked
Byr på nygrilla kylling (1000-1100 gram) til 29,90, 450 gram røyka kjøtpølse frå Gilde til 24,90, klementinar til 12,90 kr/kg.

Mega
40%-aren denne veka er snacks frå Kims. Viss du ikkje hamstra ost for nokre veker sidan, får du Norvegia til 59,90 kr/kg. Du får òg kjøtdeig av svin til 19,90 for 400 gram. Høyryggen får du her med bein til 69,90 kr/kg. Filet av torsk til 99 kr/kg er ikkje kjempebilleg, men sett med den føresetnad at det ikkje er like mykje vatn i denne som den Rema har i frysedisken, kjem det omlag likt ut. Blåskjell til 34,90 kr/kg er mogleg billeg, har aldri kjøpt det før, då eg har trudd det har vore dyrare. For den hårfine er det 25% på ei rekkje hårprodukt.

Rimi
Denne veka får du klementinar til 12,90 kr/kg, 400 g julepølse 12,90 kr/kg. Vidare er det klar at tynnribbekrigen blir eit fenomen òg i år. Fyrste bud er 29,90 kr/kg, nokon billegare?

Bunnpris
I tillegg til dei faste dagstilboda, får du òg her klementinar til 12,90, i tillegg til store sjokoladeplater frå Freia til 3 for 2, det same med go'morgen-jogurt.

Oppsummering: Ei bra veke, og ein bra start på juletilboda.

Avslørt gjennom nøkkelholet

2011-10-26T20:01:00.004+02:00

av KR

Ein av våre sparevennar har tipsa oss om at det no er påvist at nøkkelholkampanja til Kiwi ikkje gjev ei billegare handlekorg for folk flest. Folk biter på og kjøper fleire nøkkelholprodukt enn tidlegare, ei varegruppe som generelt er overprisa i høve til alternativt produkt.

Akkurat dette spådde Sparebloggen dagen då Kiwi slapp bomba, og Rema og Rimi forflytta troppane og heiv seg inn i priskrigen. Den smarte merkevarebygginga rundt kvasisunne nøkkelholprodukt har over tid medført prisauke til den naive forbrukar. I tillegg ser me av Dine Penger sin artikkel at priskrigen på desse produkta også er eit spel for galleriet. På 23 av 25 varer har Kiwi og Rema på øret identisk pris. Dette vitnar meir om lyssky kikking gjennom nøkkelholet til konkurrenten, enn ein reell priskrig på nøkkelholprodukta. Akkurat slik Sparebloggen tenkte seg i mars. Det heile er ei velregissert PR-kampanje for å styrke nøkkelholmerkevaret, og der igjennom selge fleire varer med høge marginar.

Me gjentek oppmodinga, sjå på pris - ikkje på merkevare!

Vekas tilbod

2011-10-24T19:36:00.004+02:00

av KR

* Joker
Norvegia går til 59,80 kr kg denne veka, men då frå pakkar á 500g. Om du er tom, og absolutt treng smaklaus ost, kan me tilrå ein pakke. Normalt plar me vente til osten kjem ned på 50-55 kr kg. Vekas tilkroning er 1 kg gulrøter frå Gartner, ein fair pris no på haustparten. Elles var det tynt i hyllene til Joker, det vert neppe ein tur denne veka.

* Spar/EuroSpar
Grilla kylling til standardprisen 29,90 pr stk (1,2 kg). Ein får billege middar ut or dette beistet av ein kylling, og særdeles om ein kokar gryte/suppe på skrotten. Kan fôre fem mann på ein kylling i dag. Kyllingkjøtdeiga går elles til 19,90 per 400g, ein pris me tilrår om du likar kyllingkjøtdeig. Elles går Fiskemannen sin fiskegrateng 450g til 14,50 - i grunn ein bra pris ut i frå pris per middag - men skammeleg når ein kjenner Rema sitt standardtilbod på 8,90 og dei sedvanlege gratengane på tikronarsmarknad.

* Rimi
Frå ein versting til ein annan, lyt ein vel seie. Rimi flaggar 4x1,5l Pepsi Max til 57,90. Om dette er billeg anar ikkje Sparebloggen, då me drikk vatn (eller gjer det om til vin).

* Obs
40% rabatt på alle varer frå Findus, det burde bety FirstPrice-prisar i frysedisken til Coop. Elles er det eindel rabattert sjokolade denne veka. Til sist nemner me klassikaren Snurring til 24,90. Snurring er eit festmåltid, men hermetikkprisane i dette landet har for lenge sidan fått Christian August Thorne til å snu seg i grava.

* Mega
Det er ikkje berre juletider no, det er nyttår snart òg! Kalkunen er denne veka i handelen til 29,90 pr kg, me tilrår at spararen drøyar han i det lengste. I fjor såg me kalkun ned til 19,90 pr kg. Kjøtdeig frå Gilde 400g til 22,90 er ikkje godt nok til å medføre hamstring. Me ventar til ein bikkar under 20 kr.

* Ica
Maxi har denne veka 40% på Findus-varene sine, kan romme nokre hyggelege tilbod - mellom anna dei ferdige gryterettane og kaptein-serien. Elles var det tynt i rekkene, og når Tine Yoghourt 0,5 l til 14,90 lanserast som eit tilbod, seier vel det det meste om ståa - det er då veiledande pris, Ica! Supermarked-kjeda har 40% på pizza frå Stabburet, med dette får du vel ein Grandiosa til prisen av ein større, fyldigare heimelaga pizza...

Konklusjon: Ei laber tilbodsveke. Det vert neppe handletur på underteikna, måtte i tilfelle vera ein tur innom Ica Maxi for å sjå i frysedisken etter ferdigrettar... Eg har min ringe tvil.

Instruks for first price-tannkrem

2011-10-20T21:44:00.010+02:00

av SR

I mars hadde me ein test av first price-tannkrem, ein av firstpriceperlene. Me fekk då tilbakemeldingar i fleire medium om at det var vanskeleg å spretta forseglinga. Her kjem difor ein instruks.

Før du tek tak i den nye tannkremtuba er det viktig å sikra seg at den gamle er heilt tom. Her ser du ei eksemplarisk tømt tube. Legg merke til brettinga heilt fremst i tuba som gjer det lettare å få ut dei siste slantane:

Slik ser den nye tuba ut:

Når ein skrur av korka møter ein denne forsegla tuten, og det er denne som skapar problem for mange:

Det som bokstavleg tala er nøkkelen til å opna forseglinga. Denne finn du på toppen av korka:

Nøkkelen for å opna forseglinga nyttar du på denne måten. Trykk korka ned, og ha eit hardt trykk medan du skrur rundt:

Når dette er gjort er forseglinga laus, og kan enkelt fjernast:

Tilbod veke 42

2011-10-17T16:10:00.008+02:00

av SR

Spar
Slår til med 40% på alle pølse frå Gilde, Prior og Findsbråten. Mykje er dyrt i utgangspunktet, men her er det mogleg å frysa ned fancy pølser til grillsesongen 2012. Grøne druer til 19,90 kr/kg og tomatar til tilsvarande er heller ikkje feil.

Joker
Karbonadedeig er etter vår meining kjøtdeig i ei dyrare innpakking. Skulle du likevel sverja til denne farsa får du den til 29,90 kr for 400g denne veka. Langt under standardpris med andre ord. Det er òg 40% på tex-mex frå Old el Paso. Det er òg to gode 10-arar denne veka: 1,5 liter Cola vanleg og zero, samt tomatar i lausvekt (historisk billeg?).

Rimi
Rimiklassikaren smågodt til 8,90 kr/hg er attende, det same er skinkesteik til 38,60 kr/kg. Norske eple til 19,90 kr/kg er dyrt for oss som er van med å ha det i hagen, men billeg i ein butikkmålestokk.

Mega
Etter å å kjøpt nærare 10 kg ost til heimen (eitt pålegg i kjøleskapet-prinsippet) til bra pris sist veke har Mega gått opp i kurs hjå meg. Likevel ikkje noko like imponerande denne veka.

40%-aren denne veka er div. kyllingfiletar frå Prior. Me tilrår likevel framleis frosne frå Firstprice til omlag 115 kr for 2 kg. Biola til 19,90 er òg billeg for dei av oss som har lagt til seg dyre vanar. Nygrilla kylling (1125 gram) til 39,90 er òg ein fin pris på ein rask middag. òg her er det eple til 19,90 kr/kg.

Bunnpris
Ikkje noko nytt utover dagstilboda.

ICA Maxi
Har ikkje kundeavis denne veka, og synar til annonse i avisene. Ikkje akkurat i samsvar med vår ideologi å heller kjøpa annonseplass enn å leggja ut på eigne nettsider.

ICA Supermarked
Tikronersmarknad denne veka. Som vanleg gjerld det å løfta på prislappane for å sjå kva det vanlegvis kostar.

ICA Nær
6 x Go Morgenjogurt for 49,90 er billegare enn vanleg, men me er framleis ikkje nøgd. Har sjølv ikkje handla det sidan tilsvarande var til 39,90. Eple får du òg her til 19,90 kr/kg.

Gratis mat

2011-10-12T20:46:00.004+02:00

av KR

"There's no such thing as a free lunch", skreiv Milton Friedman. Og sjeldan har vel ein nobelprisvinnar i økonomi teke så feil! Ikkje berre delar daglegvarebransjen ut gratis lunsjar, dei delar ut frukostar, middagar og kvelds også. Dette kan me no sjå og lære på NRK.

Det dreiar seg sjølvsagt om dumpster diving, friganisme eller berre romstering i søppelbøtter om du vil. Sparebloggen rapporterte tidlegare i år at dette no både var kome på moten og funne prisverdig. Det er her tale om utmerka mat, ofte godt lagra og modna, som kastast pga datohysteriet i norsk daglegvarebransje.

Sparebloggen har tidlegare oppmoda samtlege om å snakke med sin kjøpmann eller -kvinne, og be vedkomande halvere prisen på varer som er i ferd med å gå ut. Underteikna har sjølv opplevd kjøpmannen sin motvilje mot dette, då han heller føretrekk å kaste godt lagra og modna mat. So kan det vera. Vil du ikkje selge godt lagra og modna mat til 50%, kan eg godt plukke den opp att frå dynga bak lageret ditt!

Sparebloggen oppmodar med dette samtlege om å romstere i djupe søppelbøtter i skumle bakgater rundt om det ganske land. Men romstere forsiktig, så de ikkje vekkjer rottene (les: kjøpmenna).

Vekas tilbod

2011-10-10T11:47:00.007+02:00

av KR

Joker
40% rabatt på pizza frå Stabburet. Prisane på ferdigpizza har dei siste par åra stige vanvittig, så denne rabatten medførar ikkje noko meir enn ordinære prisar. Farris Bris 1,5l er vekas 10-kronar. Ali kaffi er på tilbod til vanvittige 19,90. Dette siste ranet oppsummerar veka hjå Joker, me styrar unna.

Spar
40% på ferdigrettar frå Findus, noko som burde bety Carbonara og Bolognese 600g til 17-18 kr. Ein rimeleg middag for to om du sper på med nokre brødskiver. Kyllingkjøtdeig 400g til 19,90 er billeg og kan tilrådast prismessig.

Obs
Held sokalla Is-Show denne veka, det involverar ikkje disneyfigurar på skøyter, men 50% rabatt på all Diplom-Is. Forutan dette er det usedvanleg tynt i tilbodsrekkene til Obs.

Rimi
Når lammelåret går til 119 kr kg, seier det seg sjølv at me ikkje eingong vågar oss innanfor døra. Stryk til Rimi atter ein gong, kor lenge kan me halde fram med å rapportere frå dette underbruket av underskotsføretaket Ica?

Kiwi
Lammelår til 69,90 pr kg, elles lite å hente utanom ordinære prisar.

Mega
Held fram med sine dagstilbod for på ein slik måte å lokke spararar i det ganske land innom bua kvar dag! Nuvel, alt er ikkej gull. Måndagstilbodet er 3 stk tortillaposar frå Santa Maria til 30 kr samla. Eit par kroner billegare enn lefsene frå FirstPrice. Torsdagstilbodet er 3 valfrie BigOne til 100 kr, ihvertfall billeg i høve til veil pris. Ingenting av dette får oss til å gå mann av huse. 40% på Norvegia er likevel bra på ein fredag, men me minnar om at EuroShopper og FirstPrice har billegare kvitost.

Ica
Maxi har denne veka (også) sokalla "gigantisk 10 kroners marked", for vår del unnlét me å kommentere gigantiske skrivefeilar her på bloggen. Av tikronarane dukkar fleire varer som normalt prisast til 8,90 og 9,90 opp, både pasta 500g og kokesjokolade 100g. Det same gjeld nok fiskegratengen frå Enghav, om ein kikkar til Rema. Tine Kremost er imidlertid ein klassikar og kan godt tilrådast til 10 kr når veil pris no ligg kring 15 kr. For å vera ein tikronarsmart var dette imidlertid skuffande og neppe verdt turen.

Konklusjon: Det vert neppe nokon tur på kolonialen for underteikna, for dette må vera årsverste på tilbodsfronten.

ALARM!

2011-10-06T20:35:00.002+02:00

av SR

Var nettopp innom ICA i Nygårdsgaten i Bergen. Der var det 400g kjøtdeig grå Matmesteren til 19,90. Dette er same kjøtdeiga som eigentleg kostar 29,90 på "tilbud". Grunnen er at den går ut på dato 8. oktober. Nullstress joggedress, fyll opp frysen! Her i husstanden er tolv pakkar klar for frysing.

Tilbod

2011-10-03T19:32:00.004+02:00

av SR

Spar
Du får denne veka 400g kjøtdeig frå Gilde til 22,90 kr. Dette er omlag same prisen som for frosen kjøtdeig. Du får òg 40% på tex-mex-produkt frå Santa Maria. Det har òg kome ein serie hausttilbod, mellom anna mexikansk gryte til fine 19,90.

Mega
40%-aren denne veka er diverse produkt frå Lano, Solidox og Sun. Du får òg røykt svinekam til 49,90 kr/kg og lammelår til 79,90 kr/kg. Lammelåret skal ned i pris.

Joker
800 gram karbonader får du denne veka til 29,90. Det er òg 40% på gryter frå Toro. 10-aren denne veka er lasagne frå Knorr.

Rimi
Fårikålkjøt av lam får du denne veka til 49,90 kr/kg. Elles er det ikkje noko å rapportera om.

Bunnpris
Har lammelår til 69,90 kr/kg. I tillegg til pastakrakk og dagstilboda, er det denne veka òg fryseshow! Dette tek seg tilsynelatande opp, men prisane er likevel stive som hoftene til ein 100-åring.

ICA Maxi
Har denne veka head and shoulders shampoo og balsam til 14,90. Elles ikkje noko å skriva heim om.

ICA Supermarked
40% på big one og tropicana jus, samt norske eple til 19,90 kr/kg er etter forholda fint, men likevel alt for dyrt.

ICA Nær
Poteter i lausvekt til 7,90 kr/kg er ok, men det blir billegare utover hausten. Elles er det mange luretilbod.

Billig rus

2011-10-01T11:59:00.017+02:00

av AH

Nå når høstmørket endelig senker seg og det er slått fast en gang for alle at sommeren aldri kom, er det lett å la tankene vandre bort til spritskapet. Selv oss sparere vet å sette pris på en god rus, men så snart man ser prislappen på polet er man mer edru enn noen gang. Hjemmebrent er heller ikke alltid så lett, og man skal ha både plass, tid og smørevillige naboer for å få det til. Håpet kan raskt blekne i møte med slik en hverdag, men frykt ikke! Det finnes flere lovlige måter å ruse seg på som både er enkle og billige. Her er noen tips:

Feber med musikk
Du er sjelden mer fantasifull enn når du har feberfantasier. Ligger du syk hjemme med fem lag ull, så er du allerede "spacet ut" og på god vei til en rus. Sett på litt psykedelisk trance, lukk øynene og la deg lede! Dette kan bli ganske intenst avhengig av hvor kraftig feberen er, men vær ikke redd - det er helt ufarlig! Og veldig, veldig gøy. Rave/drum n bass kan også prøves ut, her er det rom for eksperimentering!

Søvnmangel med lyd- og lysorkester
Dersom du skulle være så uheldig å ikke ha feber kan samme effekt oppnås ved søvnmangel. Stå opp ekstra tidlig, men skru gjerne også på et strobelys om du skulle være så heldig å ha det liggende (selges ofte på loppemarkeder). Døende lysstoffrør kan også benyttes.

Kaffe á la Trygve Berge
Dette er et hot tips fra vårt lands eneste yrkesfossil. Kok litt ordentlig sterk kaffe (helst kokekaffe eller annet ufiltrert) og sprut et eggeglass (eller mindre, etter behov) inn i anus. Dette skal gi en god og helsebringende rus. Gjør Berge det, kan du det også!

Hjernebølgestimulering
Lite kjent blant menigmann er såkalt "Brainwave Entrainment". Dette går ut på å spille bestemte frekvenser som stimulerer hjernen til hva det måtte være: konsentrere seg, slappe av, drømme søtt eller rett og slett trippe litt. På nettet finnes det flusst med prøveversjoner av programmer som gjør slikt, for eksempel Neuro Programmer. Undertegnede bruker selv dette, blant annet til såkalt "lucid dreaming". Dette kan gi deg rus både i våken tilstand og mens du sover. Noe lesing før bruk må påregnes.

Rød fluesopp
Fullstendig lovlig, benyttet av sjamaner i tusenvis av år og høyst sannsynlig voksende et steinkast unna utgangsdøren din! De fleste tror at denne soppen er dødelig, men dette er helt feil - faktisk har så godt som ingen dødd av rød fluesopp. Plukk det du kan, men pass på å tørke soppen før du spiser den, helst med litt varme. Den smaker forferdelig (og er ikke det sunneste du kan få i deg), men er da også gratis! Innta heller ikke brus eller annen kullsyreholdig væske sammen med soppen (men ha gjerne litt mat i magen). Og husk: ikke vær grådig, noen få gram kan være nok!

Rå løk
Dette tipset kommer rett fra selveste KR. Dersom du hiver i deg en hel, rå løk, er det mulighet for et "galloperande hjarta og noko som kunne minne om ein kort rus", for å sitere sparesjefen.

Test: Tørkerull frå First Price

2011-09-28T17:47:00.004+02:00

av SR

Det er lengje sidan me har testa billegprodukta som er på marknaden, men no er me endeleg attene!

Produkt: First Price tørkerull.
Pris: 33,90 for to rullar a 100 meter.

Funksjonalitet 5 av 5
Tørkerull kan nyttast stort sett til det meste. For min del går det mest med til å tørka av teflon gryte/panne etter å ha vaska med vatn. Fara med det store bruksområdet er at papiret blir eit lettvindt og dyrt alternativ. Til dømes kan ein bruka klut til å tørka bordet.

Dette er av typen som mange vel å ha i ein haldar, alla offentlege toalett. Ikkje berre er det noko kvalmande å ha noko som gir slike assosiasjonar på kjøkenet, men det er òg unødig bruk av pengar. Rullen står seg fint åleine, og det er enkelt å riva av papiret du treng.

Appetitt 5 av 5
Papiret loar ikkje, og syg godt til seg både vatn og anna meir tjuktflytande. Det kan unekteleg vera litt lite delikat å måtte halda i papiret som er fullt av noko du helst vil ha fjerna frå bord, golv ol., men det ligg i tørkerullen sin natur, og det kan slik heller ikkje trekkjast noko her.

Fordøying 1 av 5
Dette er ein test som primært er meint for matvarer. Punktet om fordøying må likefullt med, og papiret er testa, og står til strykkarakter på dette punktet.

Tilråding: Viss du er eit tørkerullmenneske er dette eit bra og rimeleg alternativ. Sjølv brukte eg sist år under éin pakke på mi einmannshushaldning, så du får mykje for pengane her!

Vekas tilbod

2011-09-26T16:49:00.005+02:00

av KR

* Joker
Tidenes billegaste beinfrie surra svinesteik denne veka til fantastiske 29,90 pr kg! Sjå Sparebloggen si oppskrift og få deg middag til under 10 kr alt inkludert. Elles tilbyr Joker 500g pastasaus til 10 kr, noko som er eit godt tilbod og høver som basis til alt frå pasta til gryter. Forutan om dette plukkar me ikkje med oss meir denne veka.

* Spar
40% rabatt på alle findusprodukt, noko som senkar prisane ned til fristpricenivået. Med dette kan ein forvente å få kapteinens fylte-serien til omlag 20 kr, eller 10 kr pr person. Tilrådast. Spar sel denne veka surra svinesteik til 49,90 kr kg, altfor stivt når Joker har kutta prisen til 29,90!

* Mega
40% rabatt på diverse Toro-produkt, herunder supper og gryterettar. 200g-sjokolade til 19,90. Elles lite å hente.

* Rimi
Stivt prisa fårikålkjøt 49,90 kr, me styrar unna.

* Coop Obs
3 Pizza Originale for 60 kr er kanskje eit raskt måltid, men ein temmeleg dyr pizza per gram. Bak din eigen! Då er Kystens fiskegrateng frå Findus til 10 kr noko heilt anna. Mange føretrekk denne tikronarklassikaren over Rimi sin billege variant, då den inneheld meir fisk og er generelt meir smakfull. Ein slik grateng er nok til to pers eller middag i to dagar, me reknar 6 kr per middag inkl poteter. Andre tikronarfavorittar hjå Obs denne veka er kremosten, div påleggsalatar, blodpølsa, div såpe og meir til!

* Ica
Maxi sel som tidlegare i september storfekjøt til 59,90, dette må tilberedast i gryte sjå Sparebloggen si oppskrift. Elles dalar potetene ned til nesten fornuftige nivå, Ica tel no 7,90 pr kg for nypoteter. Supermarked-delen av Ica sel denne veka fiskegrateng til dobbel pris i høve til Obs, me styrar klar.

Konklusjon: Eindel bra tilbod denne veka, me trekk særleg fram Joker si steik og tikronarsgratengen til Obs.

Prissjokk VI

2011-09-21T18:47:00.006+02:00

av OH

Prissjokk-spalta er tilbake - verre enn nokonsinne.
Rimi har ikkje fått toppkarakter for gode tilbod under vekas tilbod. Det er gjerne ikkje så veldig rart når dei presterer å prise italiensk salat frå Delikat til blodpris. Spesielt 200 gram for same prisen som 350 gram.

Betre lukke neste gong, Rimi!

Tilbod veke 38

2011-09-19T19:08:00.004+02:00

av SR

Spar
Historisk bra veke hjå spar! Kvit Synnøve til 49,90 kr/kg, 40% på fiskepålegg frå Stabburet, samt heil, nygrilla kylling til 29,90. Dette er det berre å klappa for!

Joker
Har denne veka 40% på ei rekkje frosne fiskevarer frå Findus. 10-aren denne veka er 350 gram rømmegraut frå Fjordland. Dette er på det jamne med fastpris frå Nordfjord hjå Rema.

Mega
40 % på jus frå tine og coop. Elles får du Freia melkesjokolade til 19,90 og 25% på ei rekkje hygieneprodukt. Elles er det høg grad av luretilbod denne veka.

Rimi
Same utilgjengelege tilbodsavisa denne veka som sist veke.

ICA Maxi
Gjer seg vanskelege denne veka - annonserar i avisene, ikkje på nett...

ICA Nær
Satsar på fårikål denne veka: Kjøt frå lam til 49,90 kr/kg, sau 39,90 kr/kg og kål til 1,90 kr/kg. Me tilrår å avventa kjøtkjøpinga nokre veker. Elles får du store plater frå Freia til 19,90.

ICA Supermarked
Heil og fersk torsk til 69,90 kr/kg er etter sesongen bra.

Bunnpris
Same gamle. Me er kjende med at det er mange som møter tomme tilbodshyller hjå sin lokale Bunnpris. Me tilrår å forfatta eit tårevått og sirleg brev til Bunnpris der ein klagar over at ein alltid møter tomme hyller. Då dukkar det brått opp eit gåvekort om du kan kunsten. For deg som ikkje kan kunsten, les her.

Lag ditt eige bondesmør!

2011-09-16T00:53:00.005+02:00

av KR

Kvifor i all verda skal ein kjøpe smør når ein kan lage sitt eige på fem minuttar, og samtidig halde i hevd stolte tradisjonar og seterkultur? Sparebloggen gjev deg svaret!

For 500g smør treng du:
1 liter fløte
2 boksar rømme
6-7 teskjeer salt

Bland alt i miksmastar eller anna kjøkkenmaskin, og lat køyre for full maskin. Om du ikkje vil ha buttermilk og smørklattar på tapetet kan du dekke til kjøkkenmaskina. Etter 3-4 minuttar vil det ha danna seg smørklumpar som du pressar saman til eit feitt smørstykke. Gratulerar! Du har nettopp kasta bort 75 kroner og fleire minutt av ditt liv. Kvifor i all verda skal du gjera dette når 500g smør frå FirstPrice kostar 9,90? Dropp dette tullet, og kjøp FirstPrice-smør du òg!

Spenol - Norges beste kjøp?

2011-09-14T21:11:00.004+02:00

av AMS

Glem svindyre fuktighetskremer, kvinner og menn! Glem all reklame om hvilken fuktighetskrem som er best – og billigst. Spenol slår alle andre fuktighetskremer ned i støvlene - også i fjøset. Grei kvalitet til uovertreffelig pris. Her er priseksempler på 250 ml Spenol i oslobutikker: Kr 8,40 (Kiwi) og kr 8,90 (Bunnpris). Vi har også undersøkt prisen hos Joker, som må gå i skammekroken: Kr 15,90. Uhørt. Joker kan være glade for at vi ikke lenger har en prislov med forbud mot urimelige priser! Hvorfor bare smøre inn spenene? Gakk hen og gjør likeså!

Tilbod

2011-09-12T21:59:00.004+02:00

av SR

Kiwi
Ein ivrig lesar har tipsa om fårikålkjøt til 29,90 kr/kg. Dette er ein bra start på hausten!

Spar
Denne veka er det 40% på alt oppskåre pålegg frå Prior, Gilde og Findsbråten. Vidare får du mørk og lys brunost frå Tine til 59,90 kr/kg. 19,90 kr/kg for grøne druer er uvanleg billeg. Synd det er lite eigna for hamstring!

Joker
Har 10-kronersmarknad, og byr mellom anna på 300 gram røykt kjøtpølse, stor boks med makrell i tomat er alle gode tilbod. Fiskegrateng til 10 kr er bra, men på rema får du til 8,50 fast, men det er truleg noko mindre fisk i rema sin.

Rimi
Har gjort "tilboda" sine veldig lite tilgjengeleg på nett, men det eg såg var ikkje noko som imponerte meg.

Bunnpris
Har denne veka, som dei tidlegare, pastakrakk, samt dagstilboda på laks, kjøtpølse, strimla svinekjøt, kjøtdeig og kylling.

Mega
40%-aren denne veka er eit utval tørke- og toalettpapir. Vidare får du 700 g Jarlsberg til 59,90 kr - ikkje billegost, men økonomisk for den fisefine. Vidare får du pizza ristorante til 19,90, noko som er bra. òg Mega byr på lys brunost til 59,90 kr/kg denne veka. Store sjokoladeplater frå Nidar får du for 19,90.

ICA Nær
Hovudkål til 1,90 kr/kg lovar bra for fårikålen, men kjøtet er endå ikkje billeg nok. Vidare får du store sjokoladeplater frå Freia til 19,90.

ICA Maxi
Denne veka får du 40% på all kaffi frå Friele. Vidare er fersk seifilet til 49,90 kr/kg bra.

ICA Supermarked
Har tilbod på kjøtdeig i lausvekt denne veka - 59,90 kr/kg. Dette er likevel ikkje noko å ropa hurra for. Hovudkål til 1,90 kr/kg får du òg her, i tillegg til wasa knekkebrød på 30% tilbod.

Underhaldning

2011-09-08T10:09:00.006+02:00

av SR

Det er ikkje noko nytt at me er faste sjåarar av Luksusfellen, og den hakket drøyare Lyxfällan frå Sverige. "Skallen" er vår helt og vår ledestjerne, og ikkje minst er skadefryd den beste fryd. Me reagerar likevel sterkt på dei feite gåvene deltakarane får fordi dei har vore så "flinke" den siste veka. Men me seier som Kjell Kjellen Bigset, "la gå!", for me er sjølvsagt i ekstase over nye episodar på skjermen. Kan nesten ikkje venta med å sjå neste episode med han som har fått varsel om utkasting neste veke.

Men det er ikkje berre Skallen som stiller opp med god underhaldning for oss spararar. Det er meir regelen enn unntaket at rosabloggarane er reine sløsebloggarar. Eit kort sitat frå alle rosabloggarar sitt store idol, Jan Thomas, seier meir enn tusen ord: "14 800 kr er jo ikke noe for en pen veske!".

Sjølv kjem eg til å følgja denne bloggen i tida framover, og eg trur nok denne bloggaren bør svinse innom her ein tur òg. Særleg med tanke på at fyrste innlegg hadde tittelen "Ting jeg måtte ha som jeg ikke visste".

Vekas tilbod

2011-09-05T21:11:00.014+02:00

av KR

* Joker
Grandiosa til 19,90 er nok billeg, men ikkje særleg bra for deg! 1 kg Synnøve-ost til 49,90 - ein klassisk og tilrådd pris her på bloggen. Det byrjar verte lenge sidan me har sett kvitosten under 50-lappen, og me tilrår difor storhamstring.

* Spar
40% rabatt på BigOne og Originale, me tilrår heller Grandisen om du skulle befinne deg mellom dei to. 200g nøttesjokolade frå Freia 19,90. Ferdig pizzabotn går til 29,90, noko som visst nok skal vera under veiledande pris. Me tilrår at du heller bakar di eiga deig til 5 kr (0,7 l mjøl, 0,3 l vatn og 0,5 pk tørrgjær).

* Mega
Me gir oss ende over, det er litt av ei tilbodsavis Mega har denne veka. Det beste tilbodet til Mega denne veka er nok ferdig pizzadeig til 36,90. Dette skal òg tilbodspris. Styr unna! Kva skjer i dette landet, har folk vorte fullstendig åndssvake? Me tek til sist med druene til 14,90 pr kg, men ein tur innom fristar ikkje etter dette.

* Prix
Fårikålkjøtsesongen er så smått i gong, 34,90 pr kg for fryst sauekjøt gjev ein billeg middag. Kyllingfilet til 85 kr kg er heller ikkje så gale, men langt i frå årsbeste.

Bunnpris
Det er krakk hjå Bunnpris no, påstår dei, 30-50% rabatt på diverse pasta. Do a killing in pasta this week!

* Rimi
Rimi har droppa den tradisjonelle kundeavisa denne veka, og det er kanskje like lurt når dei frontar tilbodet sitt som er 500g druer i kurv til 24,90. Årsverste i grøntdisken.

* Kiwi
Har heller inga retteleg kundeavis denne veka, dei reklamerar framleis for momssvindelen sin.

* Ica
Ica Supermarked har denne veka 40% rabatt på pålegg frå Gilde og varer frå Findus. Ica Maxi har måndag til onsdag storfebog/høgrygg til 59,90 pr kg, billeg middag som kan tilrådast. Du har her to alternativ. Sørg for å få eit mørna stykke, eller lat det mørne heime hjå deg sjølv (dvs lat ligge over datomerkinga). Brunast fyrst nokre få minutt. Reserver deretter steikomnen i 2,5 timar om steika per 1,5 kg, lat steike på 125 grader. Alternativt kan du lage gryterett av kjøtet, del stykket opp i høvelege bitar på 100g, hell i høveleg med poteter, gulrot, erter og purrelauk - og lat småkoke i minst ein time. Tidsklemme? Pføy! Denne middagen gjer seg sjølv i omnen, så cut the crap.

* Obs
Sel denne veka Norvegia til 59,90 pr kg, styr unna til fordel for Joker sitt Synnøve-tilbod. Diverse frysevarer nedsett med 40%, dette er typisk overprisa ferdigmiddagrettar som no kjem ned til 20-25 kr pk. Bananar til 9,90 pr kg kan tilrådast. Hovudkål til 2,90 pr stk er kanskje billeg, men ikkje i fårikålsesongen - vent til me ser krona! Til sist tek me med ein liten luring frå Obs denne veka, 1 kg karbonadekaker til 30 kr kg for medlemmar (club de exclusive) av Coop. Denne klubben møtast ikkje i Nedre Vollgt 19, men er open for medlemskap.

Studentposar

2011-09-02T12:46:00.005+02:00

av SR

Studiestart er tradisjon tru gratis vareprøver. I skrivande stund sit eg med to stykk studentposar som eg fanga med meg på veg attende til lesesalen etter å ha førehandsrøysta.

Innhaldet er historisk bra, og det er som me seier i Sparebloggen: Det er ikkje noko som speglar velstanden i samfunnet så godt som studentposane. På store delar av sist tiår var studentposane ein oase. Men rundt årsskiftet 2007/2008 kom finanskrisa. Dette gjekk hardt utover innhaldet i posane. Det var mykje gratis papir, men lite det faktisk gjekk an å bruka til noko.

No er alt på stell igjen, og det er mindre papir enn nokon gong tidlegare. Dette lovar bra for framtida!

Vekas tilbod

2011-08-29T21:23:00.004+02:00

av KR

* Joker
Horre steikje! Spareblogg-klassikaren 400g kjøtdeig frå Gilde til 19,90 er tibake i hyllene (5 pr kunde). Gjer klar for hamstring, lausskjegg og falsk legg. Elles er det lite å hente på Joker denne veka.

* Rimi
For den som likar mild ost er Norvegia til sals for 54,66 kr kg (pk á 730g). Elles må me gratulere Rimi med "tilbodet" på kjøtdeig, som berre er 67% dyrare enn Joker denne veka.

* Spar
Når ikkje heilt opp denne veka med milde Norvegia til 59,90 pr kg. Ikkje godt nok.

* Kiwi
Pushar framleis dyr karbonadedeig. Vekas "Go'helg"-tilbod er kyllingfilet 160g til 16,90. Ingen höydare.

* Obs
Fløtemysost og Gudbra...nei, brunosten går denne veka til 49,90 pr kg. Lettsalta torskefilet til 79,90 pr kg er heller ikkje gale.

* Mega
Sel aurefilet til 99 kr kg denne veka, styr unna - og plukk heller med deg rund aure frå frysedisken til 25-30 kr kg.

* Ica
Maxi har framleis stor 10-kronarsmarknad. Elles er det lite å hente på Ica.

Konklusjon: Vekas tilbod er kjøtdeiga til klassiske 19,90, vekas kaktus går til Rimi si kjøtdeig.

Sokalla spareferie

2011-08-26T23:37:00.010+02:00

av KR

På oppfordring er eg beden om å referere frå min sokalla spareferie. Det går nemleg rykter om det. Spareferie?! Pfføy, seier no eg! Høyr berre her:

Det heile starta med ein køyretur frå sørvestlandet og nordover 30 mil i bil. Ikkje så blodig som illustrasjonsbiletet indikerar, men blodraude tal i rekneskapen likefullt! Bensinprisen tør vera kjend, bompengar og ferjesamband like så. Berre bilturen kosta meg over 500 kr. Så var det dagesvis med tapte kilokaloriar, og tilhøyrande tapte feltrasjonar og spekemat. Eg tør knapt anslå matbudsjett, fyringskostnadar og overatting, men lat oss seie 300 kr for ei langhelg. Så var det å vende nasen nedover i dalen, og attende til sivilisasjonen. Der gjaldt det å leve på andre nok til å tene inn att reisekostnadane. Det gjekk vel med 8-9 dagar med fullpensjon hjå mine foreldre, som naturlegvis ikkje kunne ta seg betalt for mi veitsle. Der levde eg som ein pleietrengande til eg måtte returnere sørover, ei reise som kosta meg nye 500 kr i bil og billettar. Ferietur nr 1 kom inn på 1300 kr. Argh!

Så var det ferietur nr 2, ikkje særleg meir kreativ - då vinnarresepten i grunn vart funnen i ferietur nr 1. Bilturen gjekk denne gongen noko lengre nordover, men med same målet; feltrasjonar og fulle spisskammers. Nøkkelen bak spareferiar er nemleg gratis overnatting og apostlenes hester. Sparebloggen vil difor nok eingong minne om at det er gratis ferdsel og overnatting i utmark heile året. Me vil tilrå nødbuene som står kringom i landet, som gratis overnattingsalternativ om teltet skulle vera søkkvått, og Sparebloggen vil her særleg framheve den eksklusive Lordehytta. Her finn du både gratis benk og ved - er du heldig også noko hermetikk i skapet! Sjølv fann eg berre tomme etterlatenskapar av tysk fabrikat (Erdnüsse). Gratis er det likevel langt i frå å reise rundt i dette landet, for ferietur nr 2 kom inn på 1500 kr - 1 veke i utmark og 1 veke i innmark. Sum ferie nr 1 og 2 = 2800 kr. Dobbelt-argh!

Trøste og bære, berre 95% av feriepengane gjekk på sparekonto dette året.

Tilbod veke 34

2011-08-22T16:10:00.002+02:00

av SR

Spar
Òg denne veka er det 10-kronersmarknad. Det ligg an til taco til middag når alle tex-mex-produkt frå Old el Paso er til 10 kr!

Joker
Ulike supper frå Toro til 9,90 kr er ikkje feil. Svinekotelettar til 29,90 er ein gamal slager, men me har sett billegare tidlegare i sommar. 10-aren denne veka er isbergsalat. Fint for den som ikkje vil påspandera gjestane agurk og tomat.

Bunnpris
Har denne veka 30-50% på alle typar pasta. Dette inkluderar òg first price-pasta! I tillegg kjem dagstilboda som me tok opp att sist veke. Ikkje verst dette her!

Mega
40%-aren denne veka er diverse pålegg frå Gilde. Elles får du 1125 gram grilla kylling til 39,90, noko som er bra! Du får òg brunost frå Tine til 49,90 kr/kg.

Obs!
Denne veka er det 40% på alt av frukt og grønt. Elles er det lite å skriva heim om, med mindre du er coop-medlem om skal kjøpa koss porta pro. Det får du til 189 kr denne veka. Me er usikre på om eit Nikon 03000 speglreflekskamera (testvinnar) til 2990 kr er billeg, men me heller mot at dette kan vera eit bra kjøp.

Rimi
Har same tilboda som sist veke. me tilrår osten.

ICA Maxi
Har 10-kronersmarknad denne veka òg. Elles kan eg melda om at eg kjøpte 10 kg poteter til 49 kr på maxi i Åsane sist veke!

ICA Supermarked
Har same gode ostetilbod som sist veke. I tillegg får du 6 go morgen-jogurtar til 49,90 - me avventar.

ICA Nær
Same som sist veke.

Billeg overnatting

2011-08-17T16:21:00.005+02:00

av SR

Det seiast at ferie både er dyrt og luksus, og er det ein ting som er sikkert, så er det at det må førast som ei ekstrautgift som kunne vore unngått. Nokon av dykk vil nok retta dette til "tap".

Eg skal ikkje seia meg ueinig i dette, men stundom kan jo sjølv me spararar unna oss litt luksus. Om ikkje anna kan me kalla det ei studiereise til livet me gjer narr av resten av året.

Tidlegare har me kome med ei rekkje tips om korleis ferien kan bli både billeg, gratis og noko ein tener på. I fortsetjijnga av dette vil eg fortelja om noko eg prøvde ut denne sommaren.

At München kan vera ein dyr stad å overnatta er det liten tvil om. Til alt hell kom eg difor over The tent. Som namnet seier har dette hostellet innreia ei rekkje store party/sirkustelt med senger. Når ein opererar med 100-mannsrom blir det naturleg billeg, og for ei matte på golvet kan du få overnatting til 7,5 euro, og for ei seng 10,50 euro. Ikkje noko å seia på slike prisar. I tillegg fekk eg ei oppleving for livet då broren til Borat sov i senga under meg. Minneverdig på mange måtar med andre ord. Dette er eit alternativ som er midt i blinken for dei som vil bu billeg, likar teltlivet, men som helst vil sova i ei seng likevel. Sparebloggen går god for denne plassen, og set vårt godkjend-stempel på The tent.

Diverre vart sparinga med denne overnattinga overskugga av at eg blei svindla for 20 euro av ein gjeng døvstumme i Paris [sic]...

Og til slutt ein liten teaser: Neste veke kjem KR med eit referat frå sin spareferie!

Tilbod veke 33

2011-08-15T11:35:00.003+02:00

av SR

Spar
Tradisjon tru på desse tider av året er det 10-kronersmarknad på Spar. Ikkje alt er like bra, men suppe, fiskegrateng, leverpostei og ulike typar kjeks er gode tilbod. Styr unna det som normalt ligg på tilsvarande pris - havregryn, go'morgen jogurt ol. - det er ikkje noko poeng å hamstra her. Faktisk frå du havregryn hjå rema til under 9 kr.

Joker
Har denne veka 40% på oppskore kjøtpålegg og posteiar. I tillegg er det 40% på 200-gramsplatene med sjokolade frå Freia. I tillegg får du 30% på munnhygiene frå Colgate. Her minnar me likevel om at både first price og landlord har tannkrem til under fem kroner.

10-aren denne veka er Hamarpålegg, betre kjend som HaPå

Rimi
Den billege osten er attende i hyllene. 730 g Norvegia til 39,90 gir ein kilopris på 54,66, noko som er bra. Sjølv har eg allereie vore på Rimi og teke med meg seks pakkar til mi hushaldning. Osten går ut i slutten av oktober, så her er det berre å sikra seg. Sjølv vurderar eg ei runde til.

Elles får du appelsiner til 9.90 kr/kg. Ut over desse to tilboda vil me tilrå å ta handelen ein annan stad. Kjøtdeig på "tilbod" til 33,20 for 400 gram er jo til å bli flau av.

Bunnpris
Har framleis dagstilboda sine. Desse er:
Måndagar: 4x100 gram laks til 29 kr.
Tysdagar: 840 gram røykt kjøtpølse til 19 kr.
Onsdagar: 300 gram strimla svinekjøt til 19 kr.
Torsdagar: 750 gram kyllinglår til 29 kr.
Fredagar: 400 gram kjøtdeig til 19 kr.

Denne veka får du òg Norvegia til 59,90 kr/kg, noko som er bra, men ikkje like bra som hjå Rimi.

ICA Maxi
I tillegg til 10-kronersmarknad, får du denne veka same tilbodet på Norvegia som på Rimi - 39,90 kr for 730 gram.

ICA Stormarked
Òg her er det 10-kronersmarknad denne veka.

ICA Nær
Butikk nummer tre som har 730 gram Norvegia for 39,90 kr! Fersk kjøtdeig til 24,90 for 400 gram er greitt, men me tilrår heller å ta turen innom Bunnpris på fredag, eller å kjøpa frosen kjøtdeig.

Mega
Har denne veka 40% på skiva ost frå Synnøve og Tine. Dette er likevel sinnsjukt dyrt. Norvegia, som du får til under 55 kr/kg i ei rekkje butikkar denne veka, kostar omlag 85 kr/kg etter rabatten!

Du kan få 800 gram kjøtkaker til 39,90, noko som er heilt ok.

Obs
Har du blitt urban i løpet av ferien, kan me tilrå 3x iskaffi frå Starbucks til 30 kr. Elles er 3x pizza originale for 60 kr heller ikkje feil. Er du hard på kvikk lunsjen kan me tilrå 4 x 6-pack med kvikk lunsj (!) til 100 kr. Elles er det òg her ei rekkje varer på 10-kronersmarknad.

Elles
Denne veka er det studiestart for mange av våre lesarar. I den samanhengen vil me tilrå å styra unna øl frå dei dyre bryggeria. Ein gylden regel er at du vertfall ikkje skal betala meir enn 40 kr/literen. Men her er det mogleg å komma ned på vertfall 35 kr/literen. For vindrikkarar er det berre å gå for det billegaste som er på polet - amigo på treliterskartong. Smaken er ikkje topp, men du kjem uansett ikkje til å hugsa noko av smaken viss du er på fadderarrangement.

For den seriøse spararen er det likevel eit anna og betre alternativ - brygg sjølv!

Vekas tilbod

2011-08-08T18:40:00.007+02:00

av KR

* Joker
Nok ei veke med 40% på diverse ferdigpizza, denne gongen Joker. Er det verkeleg slik at daglegvarebransjen har oppdaga at folket ikkje vil betale 60-70 kr for ei tynn pappskive med ost? Vekas tikroning er 1 kg 4-kornmjøl med gjærpose, tilrådast på det sterkaste! Dette er perfekt som basis i mjølblanding for brødbakst. Sjå Sparebloggen sitt heimelaga brød.

* Spar
1 stk grilla kylling, på storleik med høns, til 29,90 gjev fleire middagar og opptil 10 liter suppe.

* Kiwi
Som førre veke.

* Mega
20 kr for bogskinke 325g er ikkje sumarens billegaste. Elles held Mega 10-kronarsmarknad denne veka. Klassikaren 400g blodpølse er verdt å plukke med seg, ilag med 400g fiskepudding til same prisen. Diverse denjasalatar til 10 kr er også bra nedprisa.

* Obs
900g røykt kjøtpølse til 29,90 er billeg, men pass på kolesterolen! Surra oksesteik 99 kr tilrådast.

* Ica
Maxi selger diverse kyllingrestar til 19,90 pr kg (klubbar og vingar). Perfekt for suppe eller gryter.

Brannfakkel: Noreg er Europas billegaste land målt etter inntektsnivå!

Lisenskontrollen sendt på dør

2011-08-02T18:34:00.005+02:00

av KR

Ahh, nok ein lisenskontrollør sendt på dør med følgande beskjed: "Nei, eg har ikkje TV - eg har nett-TV!" Denne kontrolløren gjekk også med på at eg ved å sjå NRK via nett-TV nytta meg av eit utilsikta hol i regelverket, som ikkje har vorte revidert i takt med den rivande utviklinga. Samtalen vart avslutta med ein god latter frå begge partar. Slikt varmar nesten like mykje som dei sparte tusenlappane.

Sparebloggen vil på ny nytte høvet til å be samtlege spararar kvitte seg med TVen, og få ein god latter på kjøpet!

Vekas tilbod

2011-08-01T18:16:00.005+02:00

av KR

Framleis sumarstille på Sparebloggen, men her kjem vekas tilbod!

* Joker
400g karbonadedeig til 34,90 er kanskje under veiledande pris, men ein horribel pris samanlikna med 400g kjøtdeig og sparebloggprisen 19,90. Eit anna luretilbod frå Joker denne veka er 250g Ali kaffi til 19,90. Styr unna!

* Spar/EuroSpar
Sumarklassikaren bokskinke 325g går til akseptable 14,90. Spar legg på 100 kr på ytrefilet av svin, som selgast til stive 189 pr kg. Ikkje godt nok!

* Coop Obs
Framleis usunne tilbod der Grandiosa selgast med 40%, samt 10 flasker 1,5-liter Pepsi til 100 kr. Kyllingfilet derimot selgast inn som tilbod til 122 kr kg, me som kjenner frysedisken og FirstPrice-kyllingfileten veit me får 2 kg til den prisen. Elles nemner me at Obs denne veka sel Phillips hårklyppar til 199 kr, tilrådast!

* Rimi
Ei kundeavis nærast utan oppgidde prisar er kanskje lurt dersom du trur kundane dine er sumarsløve. Sparebloggen handlar i mindre og mindre grad på Rimi.

* Ica
Ica Maxi selger flintsteik til 29,90 pr kg, ein pris som kan tilrådast. Bogskinka derimot selger Ica Nær til doble prisen av kva den kostar på Spar denne veka, så pass på!

* Kiwi
Etterkvart ein klassikar i daglegvarebransjen, 3 x 600g grillpølser frå Gilde til 49,90 (27,72 kr kg). Elles nemner me Go'helg-tilbodet frå Kiwi, som denne veka er grillmarinert svinefilet 240g til 16,90 (70 kr kg). Det er to filetar i pakken, og med poteter attåt har du rask middag til under tikroningen.

Tilbod veke 29

2011-07-18T17:08:00.003+02:00

av SR

Spar
Denne veka får du sommarkotelettar til 19,90 kr/kg. Det verkelege kuppet er likevel ytrefilet av storfe til 149 kr/kg.

Joker
29,90 for 500 gram marinerte laksestykker er særs bra, kan faktisk ikkje minnast sist dette skjedde, så her er det berre å hamstra! 10-aren denne veka er 500 g potetsalat frå Denja.

Obs
40% på coop-kaffi og nidarfavorittar luktar det kaffibesøk av. To pakkar med karbonadedeig for 60 kr er heller ikkje feil for dei som ikkje tykkjer kjøtdeig er bra nok. Bananar til 8,90 kr/kg og t-skjorter frå adidas, puma, quicksilver mm. på 50% sal er absolutt noko eg kan tilrå.

Mega
40%-aren denne veka er jus frå Sunniva og coop, noko som er bra. Picnic-skinke til 19,90 er billegare enn vanleg, men det er likevel ikkje grunnlag for hamstring. Er du coop-medlem får du 1,5 liter bris til 6,90 + pant, noko som er veldig bra. Du får òg aktivia jogurt til 25% rabatert pris. 25% er det òg på sjampo og balsam frå head and shoulders.

ICA Maxi
På same måte som sist veke er det 10-kronersmarknad denne veka.

ICA Supermarked
Lite å melda om, einaste måtte vera 30% på jus frå sunniva for dei som ikkje har høve til å gå på Mega.

Rimi
Er framleis mest oppteken av alt mogleg anna enn å presentera tilboda denne veka.

Tilbod veke 28

2011-07-12T17:01:00.006+02:00

av SR

Spar
Denne veka er det 40% på sørlandsis, heilgrilla kylling til 29,90 kr og jordbær frå Noreg til 19,90 pr. korg. Dette er bra, men sjølv var eg ein tur i åkeren, og eigaren skulle berre ha 50 kr for 5 kg.

Joker
Skinkeboks til 14,90 er populært i våre kretsar. 10-aren denne veka er ballerinakjeks. Elles lite å melda om.

Bunnpris
Reklamerar stort for grillmat. 600 g grillpølse til 15,90 er på ingen måte feil. I tillegg kjem dei faste tilboda som varierar frå dag til dag. Det er i tillegg 3 for 2 på kjeldsberg-kaffi.

Obs
Fire lano-produkt til 50 kr, tre flytande blenda- eller omo-produkt til 100 kr, tre literskartongar med Sunniva-jus til 30 kr og tre brød til 39 kr er fine kvantumsrabattar.

Eple til 12,90 kr/kg og 40% på ulike diplomis-isar er heller ikkje feil.

Mega
40%-aren denne veka er skiva ost frå Synnøve og Tine. Kva som er bra pris på nektarinar er me litt usikre på, men me trur 12,90 kr/korg skal vera bra. 500 g scampi til 49,90 kr er bra om du skal imponera ein kveld.

ICA Supermarked
40% på ulike "multipack" med is. 79,90 kr/kg for laksefilet er heller ikkje feil. Du får òg 40% på pizza ristorante.

ICA Maxi
69,90 kr/kg for laksefilet er ein bra pris. Vidare er det 10 kr for ei rekkje varer, mellom anna cherrytomatar, leverpostei frå Grillstad og mellomstore boksar med makrell i tomat ol..

ICA Nær
9,90 kr/kg for vannmelon og 29,90 for 6-pakk med kroneis er bra begge delar. Elles lite å melda om.

Rimi
Skal rimi forventa at me skal ta turen innom, må dei laga ei meir oversikteleg tilbodsannonse. Det eg fekk med meg var likevel ikkje noko å hoppa i taket for. Blomkål til 9,90 går likevel an.

Vekas tilbod

2011-06-27T22:16:00.008+02:00

av KR

* Joker
Ferske nakkekotelettar til 29,90 pr kg kan me tilrå. Elles er det ikkje stort å hente, frosne reker til dyre 29,90 er eitt av mange gjesp hjå Joker denne veka.

* Spar/EuroSpar
40% rabatt på allereie overprisa kaffi, ferdigkutta salat og brød. Sommarskinka går til svindyre 99 kr kg, surra svinesteik skal under 40 kr kg for å vera bra (sjå prisstatistikken). Årsverste frå Spar.

* Rimi
Sommarskinke til 59,90 kr kg er framleis for dyrt for oss. Frosne reker til 19,90 er imidlertid OK, men langt i frå billeg. Flintsteika går atter eingong for 49,90 kr kg. Heller inga bra veke for Rimi.

* Kiwi
Go'helg-tilbodet denne veka er ytrefilet av svin til 105 kr kg, ikkje særleg billeg - men OK i små mengder.

* Mega
Nakkekotelettar til 39,90 er ikkje godt nok denne veka heller, sjå Joker. 40% rabatt på Tine yohurtar kan romme nokre greie tilbod, me nemner her 500g-begeret til veil 14,90 - no under tikronaren.

* Obs
Dei frosne sumarkotelettane frå Gilde går framleis til 27,90 kr kg, og elles er det skuffande lite å hente på Obs denne veka.

* Ica
Maxi har umarinert flintsteik (dvs ferskare) til 29,90 kr kg, noko som er særs billeg. Supermarked har 40% på frosenpizza, medan Ica Nær legg doblar prisen på flintsteika (marinert) i høve til Maxi. Oppsiktsvekkande dyr marinering frå Ica!

Konklusjon: Ei skuffande veke, men flintsteika på Ica Maxi trekkast fram som vekas høgdepunkt.

Tilbod veke 25

2011-06-20T18:19:00.004+02:00

av SR

Spar
Sommaren er unekteleg komen, og denne veka får du 40% på alle "sparepakkar" med is. 19,90 for ulike typa grillpølser frå Gilde er heller ikkje feil. Elles lite å melda om.

Joker
500 g grillpølse frå Findsbråten til 14,90 er kanskje årsbeste, om ein ser vekk frå dei frosne som det aldri blir reklamert for. På ispinnefronten får du Isabella og Friskis til 16,90, noko som gir ein finfin stykkpris. 10-aren denne veka er 350 gram rømmegraut, sjå heller Obs.

Rimi
Reker til 19,90 kr/kg er smaken av sommar, men me ventar oss ein endå sterkare smak dei kommande vekene, men det er likevel grunnlaget for ein billeg middag. 129 for 24 boksar med cola er ikkje spesielt billeg. Ikkje lengje sidan eg såg det same til 89 og 99.

Mega
Marinert flintsteik til 49,90 kr/kg er korkje fugl eller fisk (det er svin høhøh). Ikkje noko å hamstra etter med andre ord. Spekematen til Jonsokafta kan du kjøpa hjå Mega, der det er 40%. Men styr unna rømmegrauten, den er dobbelt så dyr som på Joker. 1 kg nektarinar til 12,90 kr er rimeleg bra.

Obs!
3x600g grillpølse får du til 48,90, noko som er bra. Du får òg treningsskjorte og shorts frå kappa for tilsaman 199, noko som er veldig bra! 800 gram rømmegraut til 19,90 er ein veldig fin pris, det same er 40% på ei rekkje Findusprodukt.

ICA Supermarked
Norvegia til 59,90 kr/kg er verdt å kjøpa meir av, men ikkje for mykje. Elles diskast det opp med pærer til 9,90 kr/kg.

ICA Maxi
Lite å melda om frå denne kanten, einaste er Koss porta pro til 199 kr. Hugs kvitteringa, så har du hovudtelefonar resten av livet - det er livstidsgaranti!

Det er herleg å vera norsk i Danmark!

2011-06-15T11:07:00.010+02:00

av SR

Det nærmar seg ferietid, og me har jo tidlegare gitt tips om gratis tur med Hurtigruten. I denne samanhengen tenkte eg å fortelja om min helgatur til Danmark. Den totale prisen på turen blei 32 danske kr for tre dagar. Korleis kunne dette skje?

Nei, det heile gjekk ikkje føre seg framfor ein tv- eller pc-skjerm. Eg var faktisk i Danmark.

Trikset var å reisa med svigers. På den måten var både fly, hotell, mat, drikke og inngangsepengar på jazzfestival dekka. Ikkje nok med det blei tax free-kvota påspandert òg! Moralen er med andre ord som i fjellvettreglane, legg aldri ut på tur åleine.

Men kva gjekk så dei 32 kronene til? Postkort sjølvsagt. Heilt klart eit potensiale for sparing, særleg i og med det eine ikkje kom fram pga. ca tusen nummer for høgt postnummer.

Takk for ein fin og økonomisk tur til Danmark!

Vekas tilbod

2011-06-13T15:03:00.012+02:00

av KR

Sparebloggen tek ikkje pinsefri, her kjem vekas tilbod.

* Joker
Ein klassikar i smårettar, skinkeboks 325g til 16,90. Elles er diverse BigOne-pizza prisa ned til 29,90, men det er framleis ein stiv pris gitt heimelaga alternativ (td med ei halv skinkeboks i fyllet). Vekas tikroning er Oreo-kjeks. Kall oss umoderne, men me kjenner ikkje til veiledande pris - kjekspakke til 10 kr er likevel i det billege hjørnet.

* Rimi
1,2 kg grillpølser til 36,60 er billeg frå den kanten, men Rema har pølser til 19,90 pr kg. Entrecôte av storfé til 118,90 kr kg er billeg, og kan tilrådast. Det same kan Gilde sine karbonader 800g til 39,90, men berre i små mengder - me har sett det til 29,90 tidlegare. Elles er det frosne reker til 19,90 kr kg, akseptabel pris som nok vil koma ned nokre kroner til utover sumaren.

* Spar/EuroSpar
Nygrilla kylling til 29,90 pr stk (omlag 1,2 kg) kan gje middag til ein stor familie, eller vare ei heil veke om du koker suppe på den. Kvitost frå Synnøve til 59,90 er i dyaraste laget, og kjøpast berre om du er tom og ikkje kan oppdrive EuroShopper sin til 55 kr kg.

* Kiwi
Pushar framleis dyre varer (med nøkkelhol) til svakt nedsett pris.

* Ica
Framleis tikronarsmarknad på Ica Maxi. Ica Supermarked sel 400g kjøtdeig til 19,90, kan tilrådast i store mengder. Ica Nær har ingen særskilt gode tilbod denne veka.

* Mega
40% rabatt på Grandiosa er kanskje billeg for den som et papp. Skinkeboks til 19,90 styrar me klar, då joker sel tilsvarande til 16,90. Ytrefilet av svin til 119 kr er også for dyrt, me forventar at Mega slår av ein liten femtilapp her. Elles sel Mega rund makrell til 29,90 pr kg. Sparebloggen vil her koma med eit ultrasparetips: Kontakt næraste fiskemottak og spør om å få kjøpe ei 25-kiloskasse med agn (mellomstor sild eller makrell). Denne kostar deg truleg 100 kr eller 4 kr kg.

* Obs
Har også prisa ned BigOne, men 3 for 100 kr er framleis dyrt. Det same gjeld skinkebokstilbodet 2 til 40 kr, som er dyrare enn Joker denne veka. Elles held Obs stor tikronarsmarknad. 430g fiskekaker, 500g yoghurt, diverse Denja-salatar, 150g servelat og blodpølse 400g er alle varer me tilrår til 10 kr stk. Til sist vil me tilrå Philips hårklyppar kr 199 på det sterkaste!

Ferietips: Gratis hurtigrutetur!

2011-06-08T23:03:00.004+02:00

av KR

M/S Nordnorge sig frå kai i Bergen 16.06.11 kl 19:45, og seglar nordover heilt til 22.06.11 kl 09:45 -- og du kan få vera med heilt gratis! Turen går i sin heilskap på nyskapande NRK2, og er ein naturleg oppfølgar av kassasuksessen Bergensbanen minutt for minutt.

God tur, og god ferie i sofaen får ein vel seie! Me snakkast ombord, erm ja -- frå sofaen.

Tilbod veke 23

2011-06-06T19:00:00.004+02:00

av SR

Spar
Denne veka er det sokalla fryseshow frå Findus. 40% på alle Findus sine fiskeprodukt. Du kan òg få heil melon til 9,90 kr/kg, samt isbergsalat til 9,90 kr pr. hovud.

Joker
Sommarkotelettar frå Gilde til 29,90 kr/kg er greitt, men me har sett billegare. Står valet mellom 2 liter sørlandsis til 19,90 og ispinnar, tilrår me to-litaren. 10-aren denne veka er vannmelon, pr/kg sjølvsagt.

Rimi
Startar veka med å pissa på oss forbrukarane. For å kjøpa sommarkotelettar og "filetkotelettar" til 116,33 kr/kg må ein vera både full og dum. 1,2 kg grillpølser til 36,60 kr er derimot bra, det same er laksefiletar til 72,80 kr/kg. Vekas hit er tydeleg vannmelon, òg Rema tek 9,90 kr/kg. Anar me ein framtidig priskrig? Du får òg Lollipop og Pin Up til 24,50 for ein tipakning.

Bunnpris
Ikkje så mykje å skriva heim om, utover dei faste dagstilboda. Biola med smak til 25,50 er billegare enn vanleg, men det er på ingen måte grunn til å bytta ut den nøkkelholsmerka mjøka frå Kiwi.

ICA Nær
Det er uvisst kva ein "Grillrakett" består av, men mykje tilseier at det er svinekjøt. Sett i lys av at den er marinert er 99 kr/kg ein fin pris.

ICA Maxi
Inga kundeavis, men det ryktast om "Gigantisk 10-kronersmarknad".

ICA Supermarked
Måndag og tysdag får du makrell til 39,90 kr/kg. Utover det er det lita å melda om.

Coop Obs!
Byr denne veka på norvegia til 59,90 kr/kg, for dei som ikkje fekk hamstra til 49,90 for nokre veker sidan er dette tilrådeleg. Elles må karbonadedeig til 29,90 kr/kg vera rekord, men som me tidlegare har vore inne på er det ikkje verdt pengane i høve til vanleg kjøtdeig. Treng du nye sandalar tilrår me deg å ta turen til Obs, der du får sandalar frå Timberland til 299 kr. Du får òg 40% på ei rekkje varer: mellom anna Fun light-saft, ketchup frå Idun, jejeje heimelaga frå Gradiosa og sjokoladeposar frå Minde. Er du coop-medlem får du i tilleg sekspakk med kroneis til 29,90 (19,90 på Rema), Bris til 6,90 for 1,5 liter og 40% på kaffi frå coop.

Mega
Fersk grillribbe til 69,90 kr/kg er bra for sorten, men du kan få meir kjøt pr. krone andre stadar. 40%-aren denne veka er pølser frå Gilde. Utover det KAN du gjera nokre kupp på 3 for 69. Sett deg godt inn i dei opphavlege prisane, og kjøp det dyraste.

Ymse
Me kan denne veka få hjelp til sparinga! Det blir mogleg bankstreik, noko som gjer det vanskelegare å bruka pengar. Takk til fagforeiningane!

Elles skal eg denne veka nytta meg av Fjordland sitt introduksjonstilbod på fire nye rettar. Du kan kjøpa ein, og få att pengane om du fyller ut eit skjema, og sender kvittering i posten. Det er berre éin pr. husstand, men her er det mogleg å vera kreativ. Studentar har minst to. Adresser gjerne til arbeidsplassen, studiestaden og liknande i tillegg til hytta, hybelen og heimen.

Prisstatistikk

2011-06-02T12:54:00.010+02:00

av KR

Etter oppmoding frå ein av våre lesarar, har me her utarbeidd Sparebloggen sin prisstatistikk. Statistikken rommar prisar på tilbodsvarer som her er publisert sidan hausten 2009. Du vil med andre ord ikkje finne luretilbod og andre stive prisar i denne statistikken, berre låge prisar og utviklinga på tilbodsfronten. Me kan sjå at prisnivået svingar til dels kraftig på enkelte varer, og særleg der det er sesongmessige variasjonar. Likevel er totalinntrykket er at prisnivået på typiske tilbodsvarer held seg nokonlunde stabilt, og at gode tilbod alltid kjem att om ein er tålmodig. Klikk på bileta for å studere nærare.

Vekas tilbod

2011-05-30T13:41:00.012+02:00

av KR

* Joker
Kjøtdeig 400g 19,90 - ein sparebloggklassikar! Og dette kom på eit særs gunstig tidspunkt, då underteikna sitt farselager faktisk gjekk tomt på fredag. 40% på sjokolade frå Nidar kan romme godbitar. Elles er det mykje overprisa grillmat her som på diverse andre kolonialar for tida. Vekas tikroning er 2 posar potetmos (90g), kanskje ein rask middag - men dyrt når poteter går til 4 kr kg.

* Spar
40% på alt fersk pålegg frå monopolistane Gilde og Prior (kva seier du til den Steensnæs?!). Med dette når ein kanskje ned på FirstPrice-prisar. 200g sjokolade for 18,90, godt under veiledande men me har sett det billegare. Elles byr Spar på skinkesteik til 99 kr kg, regelrett skammeleg å kalle dette eit tilbod når desse skinkene jamnleg dukkar opp til 30-40 kr kg. Lite og ingenting å hente på Spar denne veka.

* Rimi
Held fram kotelettsalet til 27,90 pr kg, noko som gjev ein billeg middag. Kven seier det er dyrt å leve i Noreg til slike prisar? Skinkesteika går til 59,90, framleis dobbel pris av det me er vande med. Lite å hente hjå Rimi denne veka, sett bort i frå det etterkvart så vande tilbodet på kotelettar.

* Kiwi
Grillpølser 27,72 kr kg frå pk á 3x600g. Vekas Go'helg-tilbod er filet av svin til 70 kr kg, som selgast frå pk á 2 filetar til 16,90. Middag for to til 20 kr med poteter og steikesky attåt. Kven seier det er dyrt å leve i Noreg?

* Coop Obs!
Også her finn me det vitgjetne kotelettilbodet 27,90 pr kg. Elles er det mykje dyrt og marinert kjøt å finne i disken til Obs. Bananar til 9,90 kr kg er bra, og Farris Bris 6,90 + pant til medeigarar av Coop-imperiet.

* Coop Mega
Pushar denne veka ytrefilet av svin til 119 kr kg. Minst 40 kr for dyrt pr kg, sjå heller Kiwi sitt tilbod om du er lysten på svinefilet. Sjokoladeplater á 200g til 19,90, ikkje billegast denne veka.

* Ica
Maxi har denne veka 40% på alt frå Findus, og med det når me nesten FirstPrice-prisar også her. Elles er det heilt utruleg kva Ica får seg til å servere som tilbod denne veka, ta til dømes hamburgarar til 100 kr kg.

* Bunnpris
Grillpølser 26,50 kr kg er uvanleg billeg til Bunnpris å vera. Elles lite å hente også her, og særleg gjeld det i den overprisa grilldisken.

Konklusjon: Joker frå premie for sitt tilbod på kjøtdeig 400g til 19,90. Elles er det eindel billeg kotelettar og grillpølser kringom i landet. Sparebloggen bevisar nok ein gong at det ikkje er dyrt å leve i Noreg!

Tilbod

2011-05-23T17:35:00.003+02:00

av SR

Spar
650 gram ferske kyllingfiletar til 69,90 er ikkje spesielt bra, uansett kva Spar måtte påstå. 22,90 kr for 400 gram kjøtdeig er derimot greitt viss du treng fersk kjøtdeig. Utover det er det berre ein haug oppskrifter og dårlege prisar Spar byr på denne veka.

Joker
Har denne veka svinekotelettar til 29,90 kr/kg og Norvegia til 59,90 kr/kg. Bra, men det blir betre. Reker til 19,90 kr/kg kan òg tilrådast.

Rimi
Har denne veka frosne sommarkotelettar til 27,90 kr/kg. Blå druer til 19,90 kr for 500 gram er greitt, og 6 sandwich til 29,90 er ein fin pris. Blir nok ein tur innom Rimi denne veka. 500 gram kyllingpølser til 17,90 er òg bra, særleg for dei som alltid endar opp med å kasta dei to siste pølsene i 600-gramspakken

Mega
Denne veka får du Norvegia til 49,90 kr/kg. Her er det berre å rekna på datoen og rydda plass i kjøleskapet. Utover det er det 40% på ei rekkje produkt frå Findus, samt fersk flintsteik til 49,90 kr/kg. Er du glad i noko litt meir ekstravagant enn dei vanlege grillpølsene når du grillar, kan me tilrå 3 for 69-tilbodet. Men ver obs på luretidboda. 4 x 1,5 liter coopjus til 50 kr er heller ikkje verst.

Obs
Denne veka får du 8 x 1,5 liter coopjus til 80 kr. Då går det an! Du får òg Synnøve sin brunost (800 gram) til 39,90, og er ikkje first price-såpa bra nok til deg, får du fire lanoprodukt til 50 kr. òg her får du sommarkotelettar til 27,90 kr/kg. Det er òg 40% på potetgull, snacks og nøter frå Kims denne veka.

ICA Maxi
Har denne veka ikkje kundeavis, men ber oss vera vakne i regionsavisene. Spørs om me kostar på oss det.

ICA Supermarked
Fersk makrell til 39,90 kr/kg er greitt, men me tilrår heller å finna ein lokal sildestim, og kasta ut sluken der.

Billeg 17. mai

2011-05-18T20:18:00.007+02:00

av SR

17. mai kan fort bli ei dyr affære. Uteplassane veit å smi medan bunaden er varm, og kvir seg ikkje for å krevja godt over hundrelappen for litt is og nokre jordbær. Så til glede for dei som svidde av litt for mykje på grunnlovsdagen skal eg dela mi 17. mai-feiring:

Det heile starta med at eg var invitert til frukost - 0 kr

Turen gjekk vidare til sentrum for togunderhaldning i 2 til 3 timar - 0 kr

Etter toget sto gratis pølse og pils på univeristetet for tur - 0 kr

Så var det tid for middag, og det var sjølvsagt rømmegraut som sto på menyen. Eg kjøpte 900 gram frediglaga graut for 19,90, samt vossafår til 22,50. Halvparten av grauten, og 5-6 skiver vossafår var nok - 15 kr.

På ettermiddagen var det sosialt samkvem, kaker og leikar. I dette høyrer det med litt øl - ein svenskimportert og ein ekstravagant nasjonalromantisk norsk ein - 60 kr

Med god hjelp frå vêrgudane fekk eg pressa dagen godt under 100-lappen, grunna fråveret av is. Totalt blei dagen på 75 kr, og eg understrekar at det var ein upåklageleg dag.

Vekas tilbod

2011-05-16T15:33:00.006+02:00

av KR

* Joker
600g grillpølser frå Gilde til 19,90 er eit høveleg bra tilbod, men pass på Kiwi er billegare denne veka. Det same gjeld klassikaren 200g assortert freiasjokolade til same prisen. Vekas tikroning er pastasaus frå Dolmio. Denne er god som basis, og gjev ein billeg middag. 10 kr kg for importepler er heller ikkje billegare enn kva det må vera for omtale hjå oss. Karbonadekakene styrar me imidlertid klar, 49,90 for 800g kan gjerast mykje betre - som i april då Joker hadde tilsvarande vare til 29,90. Atter ein gong ser me at innhaldet i tilbodsavisene kan vera tvilsame også andre stadar enn Rimi.

* Spar
2 kg Sørlandsis til 19,90 er etterkvart ein klassikar. Elles lite å hente hjå Spar denne veka, ytrefilet av svin til 199 kr kg er ei stor skam.

* Kiwi
3 x 600g grillpølser frå Gilde til 49,90 (27,72 kr kg) er eit særs godt tilbod. Go' helg-tilbodet er pepparbiff til 113 kr kg, porsjonar á 16,90, eit høveleg bra tilbod trass i varierande kjøtkvalitet.

* Rimi
Plasserar seg mellom Kiwi og Joker kva gjeld gildepølsene. Elles er kotelettane nede i 34,90, me tilrår ikkje hamstring før ein bikkar under 30 kr. Grillvarene er komne i hyllene, som i fjor prisast gamalt kjøt til det tredoble straks det er kome i marinade. Styr unna.

* Obs
5 grandis til 100 kr er billegare enn normalt, men likevel ingen god pris mtp det låge næringsinnhaldet. Kotelettar til 27,90 er noko me kan tilrå. Elles er det mykje overprisa marinert kjøt her som på Rimi. Moccamaster til 899 kr er bra, og her kan ein sikre seg ein traktar med livstidsgaranti. Eit anna solid elekronikktilbod frå Obs denne veka er klassiske øyretelefonar Koss Porta Pro til 299. Treng du joggesko førar Obs denne veka Asics til 399 (str 37-47).

* Ica
Maxi har denne veka "2 for 1"-tilbod, mellom anna får du 2 x skinkeboks for 33,90 og 2 x pizza originale for 31,50. For oss ser det ut til at utgongsprisen per vare er sett opp med 20-25%, men sluttprisen er likevel attraktiv.

* Mega
Ei rekke varer er prisa ned 40%, men utgongsprisen er som kjend høg - og ein kjem med tilboda ned i det me reknar som FirstPrice-sjiktet. Typisk kjem Tine-varer ned i prisen av alternativ vare frå FirstPrice. Elles førar også Mega freiasjokolade 200 g til 19,90, og legg på Farris til 9,90. Til sist nemner me 40% rabatt på shampo frå Sunsilk. Me er usikre på prisen her, men kan seie sopassa at Mega også sel Zalo til 26,90...

Ein dråpe er nok! God 16. og 17. mai.

Tilbod veke 19

2011-05-09T21:32:00.002+02:00

av SR

Spar
Det nærmar seg vår, og denne veka får du alle typar melonar 40% billegare enn vanleg, samt 600 g grillpølse til 19,90 kr. Elles styrar me klar "spar".

Joker
Sommarkotelettar til 39,90 kr/kg er greitt, men ikkje objekt for hamstring. Isbergsalat til 10 kr er bra, for dei som vil vatna ut salaten.

Mega
Mega hiv seg på trenden frå sist veke med 40% på dessertisar og ispinnar ol.. Du får òg 40% på reven ost frå Tine (denne jobben klarar du fint sjølv), shampoo og balsam frå Sunsilk, samt ulike kakeblandingar frå Toro. 200 gramsplater frå Freia til 19,90 er greitt om du er i nød (i den grad ein kan vera det med sjokolade). Treng du jordbær til champagnen, så får du ei korg (500 gram) til 19,90.

Rimi
Same som sist veke, samt 500 gram jordbær til 19,90 òg her!

Bunnpris
Kvardagstilboda som blei landserte står framleis ved lag. Mykje bra her!

ICA Maxi
Òg her er det jordbær til 19,90 for 500 gram. I tillegg får du fersk sei til 29,90 kr/kg, fersk laks til 39,90 kr/kg. 40% på mineralvatn frå Ringnes, samt 30% på butikkpakka ost (altså dei små som er i ostedisken med plastfolie rundt). For den som vil ha litt kraftkost, kan me tilrå bjørnekjøt. Har sjølv smakt bjørn, og det er noko for seg sjølv! Rett nok er kiloprisen stiv (899 kr/kg), men tips ein du kjennom om det, og sei at du er ein racer på viltkjøt. Viss han spanderar, så kan du laga det. Skyld på bjørnen om det går feil.

Obs!
Denne veka får du 40 rullar med lambi toalettpapir, eller 20 rullar med lambi tørkerull til 99 kr. Du får òg 3 x 400 gramsposar frå Minde med sjokolade til 99 kr. Frosne sommarkotelettar frå Gilde får du til 27,90 kr/kg.

Uventa utgiftspost: Fartsskatt

2011-05-03T22:49:00.005+02:00

av KR

Det er naturlegvis på sin plass at UP prioriterar skatteobjekt som meg, der eg skjødeslaust er litt sein med nedbremsinga frå 80-sona til 60-sona (som er knappe 500 m lang før ny 80-sone ventar!). Eg prøvar ikkje å frifinne meg sjølv, for eg vil heller berømme UP for taktisk og kløktig plassering - samt god ressursbruk (og -inndriving). Eg føresler at fleire valdssaker i Hordaland henleggast, og at fleire stiller seg opp i Vaksdal for å melke denne gyldne halvkilometeren av ei 60-sone. Me i sparebloggen er gode betalarar, gjev alt for statskassa og fartsskatten er alt betalt! Likevel ligg det an til budsjettsprekk, for me budsjetterar ikkje med slikt. I den kommande tida vil me difor følgje innsparinga, og mottek gladeleg tips til utprøving.

Som sparar flest nyttar eg meg at gode tilbod heile tida, og kjem stadig over ekstrainntekter. Desse fell utanfor i dette prosjektet, då det er sjansar som ville dukka opp uansett. Det er her tale om ekstraordinær innkniping i eit allereie stramt budsjett, sparing som eine og åleine fremjast grunna statskassa sin inngripen i budsjettposten "andre utgifter".

Lat oss fyrst raskt gå over budsjettet. Det er 4000 kr per mnd eks husleige/straum, elles er alt inkl. Tatt ut her er mobiltelefon og andel av bilkostnadar, som er betalt av arbeidsgjevar. Budsjettet har sine rom for innsparingar, då det er lagt inn noko luksus (les: øl), sjølv om faktiske kostnadar per mnd i 2010 enda på 3548,50 eks husleige/straum. For å illustrere kor stram dette allereie er, så føreset Statens institutt for forbruksforskning (SIFO) sitt standardbudsjett at eg brukar 9620 kr pr mnd på dei same postane. Me snakkar her altså om eit budsjett som alt er på 1/3 av SIFO sin standard. Dette skal i dei kommande månadane kuttast ytterlegare til beinet!

Til dette treng eg kreative innspel frå kjernen, lesarane, men de skal vite at her er det allereie kjøpestopp på nips, klede, møblar - og eg fyller berre bensin sundag kveld og har ikkje TV-abonnement. For vidare innsparing må det kløktige tips til, og her veit eg de kan hjelpe.

Som ein lett start til spareprogrammet er følgande ekstraordinære innsparingar i hushaldsbudsjettet føretekne siste 10 dagar:

* totalstopp i yoghurtinntaket, ca 45 kr spart
* fekk to middagar gratis, ca 40 kr spart
* droppa eit par utepils trass i sumarvarmen, ca 120 kr spart
* reduksjon i rømmeinntaket, ca 15 kr spart

Sum 220 spart, 2680 står att.

Det vert ein lang sumar.

Tilbod

2011-05-02T16:43:00.006+02:00

av SR

Spar
Har denne veka nygrilla kylling til 29,90. Her har du kjøt til fire middagar. Vidare får du store sjokoladeplaret frå Nidar til 16,90 kr. Elles lite å melda om.

Joker
Denne veka er det 40% på all pizza frå Stabburet, altså grandis, big one osv. 10-aren denne veka er ostepopp.

Rimi
Det nærmar seg 17. mai og sommar, og tradisjon tru slår Rimi i bordet med 18 kroneisar til 89,90. Dette er ein sikker vinnar. Til grillen får du flintsteik til 49,90 kr/kg, men styr unna sommarkotelettane til godt over 100 kr/kg. Eit typisk rimi-"tilbod". Laksefiletar til 81 kr/kg er likevel bra.

Mega
Har 40% på alle typar Grandiosa denne veka. I tillegg går du Go'morgen jogurt til 7,90, noko som er bra. Fire 1,5-litarar med coop-jus til 50 kroner er heller ikkje å forakta.

ICA Nær
Her har dei sommarkotelettar til 29,90 kr/kg. Framleis ikkje optimalt, men synar galskapen i Rimi godt.

Obs
Enno billegare på kotelettane, 27,90 kr/kg for dei frosne til Gilde. 1,5 liter Farris 9,90 + pant.

ICA Maxi
Nok ein gong er det 10-kronarsmarknad, ikkje alt er like fantastisk, men det er verkeleg verdt å ta turen innom.

Bunnpris
Har byrja eit nytt konsept med tilbodsvarer på ulike dagar. Mellom anna fire laksestykker i 100 grams-porsonar til 29,90 kr på måndagar, 840 g middagspølse til 19 kr på tysdagar, 300 g strimla svinekjøt til 19 kr på onsdagar, 750 g grilla kyllinglår til 29 kr på torsdagar og 400 g kjøtdeig til 19 kr på fredagar.

Dette går an å lika!

Vekas tilbod

2011-04-26T18:46:00.018+02:00

av KR

Påska er omsider over, og oppstandelsen er her! Me forsterkar med dette måndagsfølelsen, her kjem vekas tilbod:

* Joker
Bogskinka er ein klassikar, og tilbyr høveleg billeg skinke når tilbodet er 16,90 per boks (325g). Det fins billegare kjøtressursar, må vite, men alt til sin tid! Elles er det lite å hente hjå Joker, sumarkotelettane til 49,90 pr kg er stivt - me ventar til halve prisen er kutta.

* Spar
40% rabatt på all pizza frå Stabburet kan gje nokre gode tilbod, men pizza er framleis best og ofte billegast som heimelaga. Minst det same kan seiast om 40%-tilbodet på "gamaldags" brød, sjå sparebloggbrødet i kokeboka.

* Rimi
Du veit det vårast når flintsteika og aspargesen kjem for sal på Rimi, men så ofte før er prisane for stive på denne sida av nasjonaldagen. Me ventar på sumaren.

* Kiwi
Framleis meir opptekne av momsen enn av gode tilbod.

* Coop Obs!
Halleluja! Våre bønnar er høyrde, 19,90 pr kg for kyllinglår er ein bra start på våren. Elles held Obs ein større 10-kronarsmart denne veka, alle standardvarene er med: Kremost, blodpølse, mjølblandingar, salatar - og ikkje minst fiskegratengen. 450g fiskegrateng til 10 kr går ein aldri lei av. Elles tek me med 400g kjøtdeig til 20 kr, ved kjøp av 5 pk (sum 100). Moccamastar til 899 kr skal òg nemnast, som eit dyrt alternativ - men eit særs godt tilbod. Luftrensar til 1999 kr er tvert om, me tilrår at du heller opnar eit vindauge!

* Coop Mega
Flintsteika er her nede i 39,90, me trur ikkje botnen er langt unna - og tilrår forsiktig hamstring til denne prisen. 40% priskutt på diverse ost frå Tine kan romme nokre tilbod. Har Steensnæs sitt utval noko med dette å gjera? Neppe, skal me tru landbruksministar Brekk!

* Ica
Maxi førar denne veka ein sokalla gigantisk 10-kronarsmarknad. Klassikarane som nemnt over er med, og i tillegg nemner me fattigmannspålegget krabbepostei - 2 for 10! Elles plukkar me villig med oss nakkekotelettar til 29,90 pr kg. Ein joker på Maxi denne veka kan vera 1 kg storfelever til joviale 10 kr. Dette steikast gjerne i skiver i panne. Frysevare som dette kuttast ved halvtint tilstand, kutt bort hinner. Steik på sterk varme i 2-3 minutt, rikeleg med salt og pepar. Avslutt prosessen med å tømme noko mjølk eller fløte i panna, og du får god skysaus. Serverast med poteter og anna tilbehøyr som naturleg høyrer til lever, gjerne lauk, gulrot, erter og sopp. Me snakkar her herremåltid til 5 kr per pers!

Konklusjon: Ein god start på våren!

Tek påskeferie

2011-04-19T13:11:00.002+02:00

av SR

Me tek påskeferie, men me lovar å koma sterkt attende. På den andre sida av høgtida kan du sjå fram til ein serie om korleis KR sparar inn ein uventa utgiftspost.

Senk matbudsettet!

2011-04-14T18:50:00.004+02:00

av SR

Etter at eg i lunsjpausa røpa at eg har eit matbudsett på maksimalt 7-800 kr i månaden blei eg oppforda til å komma med eit blogginnlegg om korleis dette kan gå. Tanken var fyrst å fylla ei handlekorg, men eg slo då frå meg, då innhaldet vil variera frå person til person. Eg baserar difor det heile på gyldne reglar, og ynskjer med dette velkommen inn i mi verd:

- Gjer få, men store innkjøp. Gå berre i butikken ein eller to gongar i veka. På den måten unngår du å komma på ting på "berre må ha".
- Bruk litt tid på å laga ei handleliste. La den gjerne henge på kjøleskapet slik at det som det er behov for, og ikkje noko anna, blir ført på.
- Kjøp så få halv- og heilfabrikat som mogleg. Ikkje berre er det usunt, det er dyrt i tillegg! Gå i stikkordsregisteret i margen til venstre, og finn fram til "kokebok", der finn du ein del tips til korleis du kan laga saker og ting frå botn av.
- Ikkje ver redd for å gjera store innkjøp. Varer er som regel billegast i stort kvantum, her er 5 kg-sekkane med poteter eit godt døme. Ikkje ver redd for å svi av ein del i starten, du får det att i tida som kjem.
- Ha alltid kontroll på tilbodsvarene. Skaff deg ein frysar, og fyll opp med det som er billeg denne veka. Så slepp du å kjøpa tilsvarande vare til full pris.
- Sjå alltid på tilbodsvarene si datomerking. Ikkje noko er surare enn å ha hamstra for mykje, slik at det går ut. Men ver obs, dette går òg den andre vegen. Det er ingen grunn til å kjøpa éin kg tilbodsost, når det er 3-4 månadar til den går ut på dato. Då kan du like godt fylla opp kjøleskapet.
- Ikkje nedvurder restemiddagen. Ikkje høyr på bakteriefreaksa sine tvangstankar. Middagsmat held seg godt i kjøleskapet 2-3 dagar. Kall gjerne restemiddagen for tapas om det hjelper.
- Aldri ha meir enn 2-3 typar pålegg i kjøleskapet samstundes. Mange typar pålegg er ferskvare, og før du veit av det må halvparten kastast.
- Bak ditt eige brød. Det er meir mat pr. skive (lågare forbruk av pålegg), smakar betre og er veldig lett. I tillegg er ofte ferdigblandingar på 10-kronersmarknad.

Hugs at det ikkje er noko problem å laga middag til under 20 kr pr. mann, berre du gjer store og riktige innkjøp.

Vekas tilbod

2011-04-11T21:18:00.028+02:00

av KR

* Joker
Nakkekotelettar 29,90 pr kg er eit bra tilbod. Den røynde spararen klarar seg med ein halv nakkekotelett per hovud per middag, med poteter og skysaus har du då middag til 5 kr. Er du det sløsne hjørnet, doblar du porsjonen og et middag til under 10 kr. Elles gremmar me oss over luretilbodet frå Joker denne veka, skinkesteik (med påskeemballasje) til 99 kr kg berre veker etter at den same skinka (med ordinær emballasje) gjekk for 30-35 kr kg?! Dette vert for dumt.

* Spar
Senkar prisane på lammelår. 59,90 kr kg er tåleleg bra sjølv for frysevare og det som må vera fjorårets lam. Elles er det labert på tilbodsfronten, minigulrøter til 50 kr kg får ikkje oss i påskestemning!

* Rimi
Fell akterut med sitt lammelårtilbod 69,90, me hamstrar hjå Spar. Elles er kvikklunsjen i hyllene, og ein 6-pk til 29,90 verkar då billeg. Det er då interessant at matvarekjedene senkar prisane på ei vare som alle må ha kring påske. Etter Sparebloggen sitt skjønn burde Rimi flå kundane sine også på denne vara, slik dei har for vane elles om året! Påskeskinka til Rimi er rett nok berre 59,90, likevel ein god 20-kroning over normal tilbodspris på skinkesteik. Appelsiner til 8,90 kr får oss imidlertid i påskestemning.

* Kiwi
Inga tilbodsavis denne veka, berre ei påminning om at dei har kutta momsen på dei dyre nøkkelholprodukta sine. Zzz.

* Ica
Maxi har denne veka Norvegia til 59,90 pr kg, tåleleg bra sjølv om me plar vente til 49,90. Nykverna kjøtdeig til 59,90 pr kg er imidlertid eit tilbod det går an å nytte seg av, om du har mista siste tids 19,90-tilbod. Hamstre likevel forsiktig, og be til høgare makter om 19,90 over påske. Supermarked har denne veka eit luretilbod, kjøtkakene frå Gilde som me plukka opp hjå Joker førre veke til 29,90, går denne veka til 59,90 hjå Ica. Skammeleg.

* Obs
Lammelår til 59,90 også her, me tilrår. Appelsiner til 8,90 for kiloen plukkar me med oss på veg ut. Underteikna har lenge vore på jakt etter ei større kasserolle, etter å ha mista denne sjansen, men seier nei til 10-litaren til 249 kr. Gje meg det gamle 10-litartilbodet før eg vert galen!

* Mega
Røkt svinekam til 39,90 kan vurderast i desse tider, surra oksesteik til 99 kr kg er heller ikkje så halvgale. Lammelåret til 79,90 er imidlertid godt over samanliknbare tilbod denne veka, så styr unna. Mega førar òg 6-pk kvikklunsj til 29,90.

Konklusjon: Ja til lammelår 59,90 pr kg, sjølv om det er sekunda vare. Hugs at dette ikkje treng gå i komfyren, det kan til dømes spekast og nytast når sumaren kjem. Fenalår er ingen kunst å lage, sjølv om veiledande prisar skulle tyde på noko anna:

1. Feinsmeckaren byrjar med å trykke og kna innsida av låret med tomlane, slik at årer tømmast for attverande blod.
2. Finn fram ein badestamp, og kast bornet ut med badevatnet. Dekk låret til med grovt salt, berekne 2 kg (10-12 kr i butikk). Lat ligge kjølig i to dagar per kilo lår, altså ofte ei knapp veke.
3. Ta fram låret att, og skyll av saltet.
4. Lat låret henge kjølig, luftig og tørt i 2-3 mnd.

Plukk opp att den der!

2011-04-06T22:32:00.010+02:00

av KR

Kvar fjerde matvare eg kjøpar går rett i søpla, påstår VG Nett. No er det vel strengt teke berre VG eg let gå i søpla. Nuvel! Dei har no fått ånden over seg og vil bedrive folkeopplysing, og forklarar her skilnaden på datomerking:

"«SISTE FORBRUKSDAG»
(Kan være helsefarlig å gå over dato!)
«BEST FØR»:
(Kan spises etter datostempling!)"

Datohysteriet har innteke redaksjonen, forstår me. Ikkje desto verre ser det ut når VG presterar å plassere eit "siste forbruksdag"-stempel på entrecôte med perfekt marmorering, og oppmodar lesarane om å kaste denne ved passert dato. Hårreisande! Best etter, plar eg seia om kjøtmerkinga (farse her unnateke). Ein veterinær på sørvestlandet plar seia at skrottar helst skal parterast med klype føre nasa. Me er samde, for ein har mykje å gå på i høve til "siste forbruksdag"!

Den same merkinga plasserar VG på frukt/grønt og mjølkeprodukt. Dette er då berre tull. Det er berre krigshissarane hjå Folkehelseinstituttet som vil påstå at det er helsefarleg å eta ei vassen plomme eller ein skilde yoghurt. Ja, og Mattilsynet som med sitt offisielle råd frårår konsumering av utgådde varer. Eit råd som openbart er gått ut på dato! I går fekk omsider Tristram Stuart norsk pressedekning for si mangeårige romstering i søppelbøtter i britiske bakgater. Konsumering av utgådde varer er solidarisk og miljøvennleg -- og følgeleg moderne!

Dessutan lønnar det seg. Gode kjøpmenn dumpar varer nær datoen til halv pris. Støtt opp om desse! Andre norske kjøpmenn derimot kastar til saman 50 000 tonn mat årleg "fordi den er i ferd med å gå ut på dato", skal me tru informasjonssjef Søyland hjå NorgesGruppen. Me snakkar her om fyrsteklasses mat, ofte godt modna, lagra eller mørna. I våre augo skulle dette medføre ei prisauke, ikkje raka vegen åt containaren. Desto meir fristande å romstera bak butikken nattestid?

Daglegvarebransjen bør snarast gjeninnføre halv- og heilutgådde varer til halv pris, og gjera ein slutt på dette globale og groteske matsløseriet. I mellomtida bevæpnar me oss med frysekapasitet. Sparebloggen oppmodar samtlege lesarar å ta opp dette emnet med sin lokale kjøpmann!

Vekas tilbod

2011-04-04T19:21:00.007+02:00

av SR

Spar
Har denne veka 400 g karbonadedeig til 34,90. Billegare enn vanleg, men me tilrår som kjendt vanleg kjøtdeig. 40% på tex-mex-produkt frå Old el Paso derimot er bra, særleg mtp kor overprisa dei produkta som ikkje har konkurranse frå First Price er. Skinkesteik til 59,90 kr/kg er greitt nok, men me reknar med at det blir feite tilbod på påskeskinke den komande tida.

Rimi
Har denne veka lammelår til 69,90 kr/kg (frå i fjor). Dei med ein kremmar i magen kan her salta og tørka dette, og vips har du rekordbilleg fenalår. Elles er sommarkotelettane på marknaden - 29,90 kr/kg er bra. Du får òg appelsiner til 8,90 kr/kg, sekspakning med Kvikk Lunsj til 29,90 og 1,2 kg grillpølser frå Gilde til 39,90. Det er òg mogleg å fylla opp påskeegget med smågodt for 7,90 kr/hg, men her er det ikkje urimleleg at me kan venta 6,90 når det nærmar seg påske. Ikkje verst dette frå Rimi.

Mega
Har denne veka 40% på jus minus coopjusen. Dette er bra, og gir moglegheit for litt luksus i kvardagen. Du får òg 800 gram brunost frå synnøve til 49,90 kr/kg. Dette er ikkje særleg å skryta av. 49,90 er nærast standardpris for 1 kg brunost for tida, så avvent her med mindre du er i naud. Picnic-skinke til 19.90 er billegare enn vanleg, men så vidt me veit er standard tilbodspris framleis rundt 17 kroner.

ICA Nær
40% på tex-mex frå Santa Maria samt mineralvatn på 1,5-litersflasker. Elles ikkje så mykje å melda om utover at du får store sjokoladeplater frå Freia til 19,90 kr.

ICA Maxi
Har frå måndag til onsdag flekksteinbit til 29,90 kr/kg (andresortering?). Dette er særs billeg fisk! I tillegg er det 40% på eit utval varer slik som jogurt, pasta, brødblandingar, kjøtpålegg, smørost, tex-mex og nyvinninga kyllingpinnar.

Bunnpris
Har fått nye varer på tilbod! Du får 2 stykk Freia Bergene melk for 29,90 kr. i tillegg får du 2 kg appelsiner frå First Price til 9,90 og 600 gram grillpølse for 19,90. Elles lite å melda om frå denne kanten.

Joker
Har 800 gram karbonader til 29,90. Saman med heimelaga potetstappe kan dette bli ein billeg middag. 10-aren denne veka er lasagne frå knorr, men kva skal vel du med det, når oppskrifta til SR ligg gratis på bloggen? Elles får du 400 gram kyllingkjøtdeig til 19,90, men minnar her om at Kiwi har tilsvarande til 17,90 fast.

Obs!
Har denne veka Synnøve sin kvitost til 59,90 kr/kg og 1,5 liter Farris Bris til 8,90. 5 kg poteter til 29,90 er òg bra på denne årstida. Me lengtar til hausten og 19,90 hjå First Price!

For den som er medviten på mote, og ikkje på pris, får du Hunter-stølvar til 799!

Sparebloggen når nye jaktmarker

2011-04-01T08:41:00.005+02:00

av SR

Som ein direkte konsekvens av at me berre leser aviser på nett ligg me naturleg nok litt etter på denne fronten. Gleda var til gjengjeld stor når eg kom over denne notisen frå ei av Aftenbladet sine novemberutgåver:

Den glade bodskapen har spreidd seg òg til den trykte dagspressa. Kva blir det neste?

Vekas tilbod

2011-03-28T18:07:00.006+02:00

av KR

Direkte inne frå Sunnmøre, for tida her nord på studietur. Tradisjonen tru, her følgjer vekas tilbod!

* Joker
Grandis til 19,90 er rett nok billeg, men lite for pengane i høve til heimelaga pizza. Kyllingfilet til over 100 kr kg styrar me klar, sjå heller etter FristPrice sin 2-kilos til halve prisen i frysedisken. Gryter frå Toro kan du framleis plukke opp til store rabattar hjå Bunnpris, Joker sitt lokketilbod 29,90 lurar ikkje oss.

* Spar
Nygrilla kylling, på storleik med høns, til 29,90 pr stk. Dette er tåleleg bra, og etterkvart ein gjengongar. Prøv å koke suppe på dette beistet, og du har middag i 7 breie og 7 lange! Tapp 2 liter vatn og gjerne nokre buljongterningar om du har slikt. Ha beistet ned i vatnet, og gje det eit lett oppkok. Kapp deretter opp 2 store løk, 2 gulrøter, 1 purre, 2-3 fedd kvitlauk og smak til med salt, pepar og gjerne noko basilikum om du er fin på det.

* Bunnpris
Framleis priskrakk på Toro-gryter!

* Kiwi
Dei har kutta momsen på dei dyraste varene i butikken, men nøkkelholprodukt er framleis dyrare enn billegmerka.

* Rimi
500g Findus fiskegrateng til 19,90 er kanskje ein billeg middag for to, men det er doble prisen i høve til 450g Findus fiskegrateng til kr 10 på einkvar tikronarsmarknad landet i kring. Vent difor på neste 10 kr-sjanse. Elles lite å hente her, unnateke nokre 200g sjokoladeplater til 17,90. Me merkar oss at surra svinesteik, normalt 30-40 kr kg, no har fått påske-label og kostar 60 kr kg. FFS!

* Coop Obs!
40% rabatt på kjeks frå Sætre kan romme nokre tørre bomber. 3 karbonadedeig 400g for 100 kr er ikkje heilt der oppe, me ventar på kjøtdeig de ordinaire 400g 19,90. Alternativt plukkar du opp Nordfjord kjøt sin fryste 400g import til 17-18 kr i frysedisken til Coop Obs! Skinkesteik 39,90 pr kg er eit betre påsketilbod enn det Rimi serverar, men no driv dei som kjend meir lureri enn colonial.

* Mega
40% rabatt på dopapir er eit tilbod med tørkar oss bak med, så lenge dei berre legg ut det fløyelsmyke og fløyelsdyre toalettpapiret med rabatt. Dette tilbodet vert ein nummer to, for me tørkar oss med einaren FirstPrice.

* Ica
Ein 2 for 1-spesial, som rommar eindel lureri. Likevel finn me umiddelbart at 2 strandamør til prisen av 1, 125 kr kg, kan vera eit bra tilbod. Det same gjeld 2 Pringles for prisen av 1, altså 19,90, er eit høveleg bra tilbod samanlikna med veiledande pris. Her skal ein ha tunga beint i munnen om ein vågar seg innom Ica denne veka.

Pizza: First Price vs Coop Xtra

2011-03-22T23:29:00.006+01:00

av AH

Vi lever i en hektisk hverdag. Arbeidet krever sitt, og kemneren finner stadige nye triks for å fravriste deg dine sårt oppsparte skilling. Derfor kan det i latskapens navn av og til være rom for å nyte noen av fruktene av vår moderne og høyteknologiske levestandard. Jeg snakker så klart om frossenpizzaen: Både uoffisiell nasjonalrett, ungkarens redning og alenemorens dårlige samvittighet. Matvaren vi elsker å hate, og hater å gå tom for.

Hvordan skal så en sparsom kar ta del i denne orgien av ferdigmat? Grandiosa, som for 10-15 år siden var den nye silden, er nå priset for å flå. LOs mulighet til endelig å engasjere seg i noe av betydning blir dog forspilt - men det er en annen artikkel.

Likevel, håpet er ikke ute. Takket være lavtlønnede EU-borgere er det mulig å få seg en slik frossenpizza uten å miste en finger. Som en god sparer har du sikkert lagt merke til First Price sin variant til 16,90. Men litt mindre kjent er også Coop sin nye Xtra-pizza til to kroner mindre. Vi har skrudd på ovnen og testet dem begge!

First Price

First Price sin pizza formelig bugner av fyll. Ikke bare er det den største (460g vs 420g), den har også mest fyll. 14,5% mozarellaost (fancy fett) og hele 12,5% skinke. Men ikke nok med det - denne skinken er så og si uten vann og dermed fri for lureri. Bravo, First Price! Det virker ikke som det er spart på noe annet enn prisen, hvilket varmer et sparerhjerte (og der hjertet er varmt trengs mindre fyring).

Smaken er det heller ikke noe å si på. Bunnen er sprø utenpå og myk inni, og rangerer blant de beste frossenpizzabunner jeg har smakt. Virkelig fortreffelig! Nok engang applauderer vi First Price, deres fornuftige produkter samtidig som vi noterer oss at den er produsert i Tyskland; et kvalitetstegn for slike matvarer.

Fyllet og osten fungerer godt sammen, og vissheten om at vi fråtser i skinke høyner smaksopplevelsen. Bedre enn dette kan man nok ikke få for 16,90. Skal vi allerede utrope en vinner av testen? Nei, det ville vært uprofesjonelt. Vi må gi Xtra-pizzaen en sjanse (selv om den nok ikke har noen, ho ho).

Men så skjer det. Det blir overskyet, hornmusikken surner og en merkelig følelse stiger frem. Det er noe galt med pizzaen, magen føles ubehagelig. Sulten er ikke lenger gjeldende, samtidig som metthetsfølelsen glimrer med sitt fravær. De siste par stykkene svelges pliktskyldigst, og det som for litt siden var en solskinnsfylt sommerdag med fuglesang og livsglede er nå en litt kjedelig septembermorgen med en anelse om at alt ikke er helt som det skal være.

Noe galt er det med denne pizzaen. Kanskje vi var for grådige og bare burde spist halvparten; er det samvittigheten som gnager? Det kan forsåvidt også være på grunn av bunnens noe uortodokse sammensetning, men sikkert er det at dette endte ikke så bra.

Coop Xtra

Coop sin pizza er fra innholdsfortegnelsens side nærmest en vits i forhold til First Price. Her er det bare 6% skinke, og en temmelig utvannet som sådan. Like fullt, også her brukes det jåleost (12%). Vi hånler, putter pizzaen i ovnen og plystrer gammel jegermarsj mens vi venter.

Etter endt steking er det tydelig at deigen er av en ganske annen type. Den har hevet kraftig og minner om tilsvarende hos Big One (eller den nye 100-kroners Grandiosaen, om du (gud forby) skulle ha kjøpt smakt denne). Den ser litt tørr og fæl ut, og fordommene strømmer på. Nei, her må det handles! Og vi setter tennene i.

Men nok en overraskelse venter på oss, for denne var slett ikke så ille! Tomatsausen er smakfull (med en anelse om at det kan gå begge veier) og totalopplevelsen ganske all right. Ikke samme frelse som med First Price, men man er samtidig skånet for skjærsilden etterpå. I tillegg tar det mye lenger tid å spise opp hele (den krever sine tygg), noe som drøyer ut og kan være til stor hjelp dersom det er knapt ved middagsbordet. Det bør også opplyses at den, sine skarve 420 gram til tross, gir en ok metthetsfølelse og lar deg unngå depresjon post-euus.

Oppsummering

First Price
Pris 16,90
Vekt 460g
Pris pr gram 3,67 øre
Kjøtt 12,5%
Ost 14,5%
Smakskurve Ekstatisk -> trivelig -> svikefull

Coop Xtra
Pris 14,90
Vekt 420g
Pris pr gram 3,54 øre (-3,6%)
Kjøtt 6%
Ost 12%
Smakskurve Trivelig -> trivelig -> behagelig

Prisene er henholdsvis fra Kiwi og Coop Prix.

Hver pizza har sine fordeler, og First Price er på papiret en overlegen vinner. Like fullt, det er opplevelsen som teller, og vi ser oss derfor nødt til å utrope Coop Xtra som vinner av denne duellen. God middag!

Tilbod

2011-03-21T18:38:00.006+01:00

av SR

Spar
Denne veka får du 40% på frosenpizza frå dr. Oetker og Casa di Mama. Her kan det vera greitt å vera obs på at Rema vertfall sist veke hadde 600 gram fersk taco-pizza til 19 kr. Elles får du Synnøve Finden til 49,90 kr/kg. Rimeleg bittert for meg som kjøpte to kilo til 59,90 sist veke. Du får òg 40% på ferdigsalatar frå Dole, men så lat og dum er du vel ikkje...

Joker
Byr denne veka på ein god gamal klassikar - 400 g fersk kjøtdeig frå Gilde til 19,90. 10-aren denne veka er ein ferdigpose med vafle. Dette er billegare enn om du skal laga det frå botn av, men mykje meir usunt.

Rimi
Har denne veka har Rimi Wienerpølse til 29,90 kr for 520 gram. Eg er ikkje så stø på prisnivået på denne typen pølse, men noko seier meg at det ikkje er så veldig billeg. Elles noterar me oss at standardprisen på store Freia-plater på tilbod har gått opp med éi krone til 17,90, men det kan godtakast då det er ein billeg måte å få testa ut den nye Walters no 156. Druer i korg til 19,90 går òg an viss korga er på 500 gram eller meir.

Bunnpris
Har denne veka fryseshow på fiskeprodukt frå Findus. Reklama seier ikkje noko om før-pris, og dei prisane som er stilt opp imponerar meg ikkje. Men er du trufast til butikken med det misvisande namnet er det berre å slå til. Du får òg 400 gram Go og Mager-kjøtdeig for 19,90. For min del avstår eg frå den lokale Bunnpris etter at det blei påvist skadedyr der for ei veke sidan.

ICA Nær
Same som sist veke.

ICA Maxi
Satsar stor på 2 for 1 denne veka. Me veit at ei av våre faste lesarinner er glad i smash og har irritert seg over at det har gått opp i pris. Denne veka får du to for 49,90, Kristin! I tillegg er mellom anna bacon, kaviar, brød, kjøtpålegg og karbonader på same tilbodet.

Mega
40%-aren denne veka er tex-mex produkt frå Santa-Maria. Elles får du ferske nakke-/svinekotelettar til 34,90 kr/kg. Greitt nok, men ikkje meir enn som så.

Kiwi
Har "kutta momsen" på nøkkelholprodukta. Og hald deg fast, det er faktisk billegare enn tidlegare! Kjøpte 2x400g kylligkjøtdeig til 17,90 pr.stykk i helga. Det gjorde at det totaltsett faktisk var billegare enn å kjøpa 700 gram med first price kyllingkjøtdeig.

Obs
Har denne veka 800 gram brunost frå Synnøve til 39,90. Det er billeg. Kristin kan òg her gleda seg over billeg Smash, men rett nok til 29,90 pr.stykk, som jo er dyrare enn hjå ICA Maxi. Appelsiner får du til 7,90 kr/kg, men mi erfaring dei siste vekene er at appelsinene ikkje er særleg gode for tida...

NB! Er du Coop-medlem har alle butikkar eit utval varer til 10 kr. Mellom anna gjeld dette fleire typar ferdigblandingar med mjøl frå mølleren's.

Ei god veke

2011-03-14T17:02:00.004+01:00

av SR

Spar
Denne veka er det pølsefest, dvs. 40% på alle pølser frå Gilde, Prior og Findsbråten. Dette kan tilrådast! First Price appelsiner til 9,90 kr/kg er òg bra, særleg med tanke på at Spar har teke 24,90 kr/kg for appelsiner ei god stund no.

Joker
Har òg hive seg på trenden med 40%-arar, og slår til med tilbod på oppskåre og ferskt pålegg frå Gilde, samt posteiar. Mykje av dette er pålegg som held seg lenge, så her kan det hamstrast. Ha i minne at det snart er påske, med alt det førar med seg av fenalår og spekemat.

Mega
40%-aren denne veka er kyllingfiletar frå Prior. Ha likevel i mente at det er mykje billeg i frysedisken. Du får òg smågodt til 8,90 kr/hg, men her er Rimi billegare. Frokostjus til 12,90 for 1,5 liter er ikkje gale, og saman med bacon til 79,90 kr/kg ligg det an til ein bra frukost.

Rema 1000
Har fått insideinformasjon om at det denne veka er mange gode tilbod, mellom anna mango til 5 kr/stykk og eple til 10 kr/kg. Framleis ei gåte kvifor slikt ikkje kan bli reklamert for.

Rimi
Same som sist veke. Legg særleg merkje til Synnøve Finden til 59,90 kr/kg, smågodt til 6,90 kr/kg og appelsiner til 9,90 kr/kg.

Obs
Har denne veka 40 rullar toalettpapir eller 20 rullar tørkerull frå Lambi til 99 kr. Dette er bra! Du kan òg få fem 300g-frosenpizza til 50 kr. Bra for den med liten mage. To snøfrisk (alle typar) for 30 kr er òg ein fin pris. Obs kan òg by på årets billegaste appelsiner med 7,90 kr/kg! Saman med 40% på alle poteter er dette ei bra veke for Obs!

Bunnpris
Same som dei siste 10 vekene.

ICA Nær
40% på ei rekkje gryterettar frå Toro.

ICA Maxi
Svinekam til 29,90 kr/kg er særs bra! Du får òg 40% på Dr.Oetker-pizza og diverse middagsprodukt frå Den stolte hane. Fersk skei til 59,90 kr/kg er òg ein fin pris.

Lasagne - billegare og betre

2011-03-10T17:25:00.002+01:00

av SR

Etter litt prøving og feiling har eg kome fram til denne laurdagsklassikaren av ei lasagne. Markert billegare og betre enn både heil og halvfabrikat. Eit raskt overslag tilseier at dette får ein prislapp på omlag 60-65 kroner viss du brukar frosen kjøtdeig til fastpris. Det varierar litt alt etter kor mykje salat du lagar, men det held vertfall til tre.

Det du treng:
Salat
Lasagneplater

Kvit saus:
1 stor SS margarin
2 SS mjøl
4 dl mjølk
3 middels fedd kvitlauk
5 skiver ost

Kjøtsaus:
400 gram kjøtdeig
1 boks tomatpuré
5-6 dl vatn
4 SS mjøl
1 TS salt
1 SS oregano
1/2 TS peppar

Framgangsmåte-
Set omnen på 225 grader

Kvit saus:
- Smelt smøret i ei gryte, og bland inn mjølet med ein visp.
- Tilset mjølka.
- Press kvitlauken opp i gryta og tilset osten.
- Rør rundt så det ikkje svir seg til sausen har kokt opp. Då skal den bli noko tjukkare. Den kan då setjast til side.

Kjøtsaus:
- Steik kjøtdeiga i ei panne
- Ta ein shaker eller eit sylteglas. Hell i vatn, og tilset mjøl og tomatpuré. Rist til det ei éi masse. Hell dette så over i panna med den ferdigsteika kjøtdeiga. Det vil ofte vera ein fordel å fordela det over to runder med shaking.
- Tilsett salt, peppar og oregano.
- Rør rundt til det har puttra i 5-10 minutt. Då skal sausen ha blitt mørkeraud.

Ferdigstilling:
- Finn fram ei eldfast form
- Legg eitt lag med kjøtsaus og eitt lag med kvit saus i forma. Legg så på plater, og gjenta dette til det ikkje er meir att. På toppen bør det vera kjøtsausen som blir lagt på sist.
- Strø ost på toppen med litt oregano oppå der igjen.
- Lat det heile stå i 20-25 minutt midt i omnen.

Lukke til!

Vekas tilbod - ein kikk gjennom nøkkelholet

2011-03-07T11:48:00.017+01:00

av KR

Tidlegare dette året har Sparebloggen påvist at den varsla prisauka på daglegvare ikkje finn rot i verkelegheita. No bryggar det opp til priskrig på sunne varer i daglegvarebransjen. Det er nøkkelholsprodukta som hamnar under kniven. Denne smarte og ekskluderande merkevarebygginga har over tid medført prisauke til forbrukar, men no tek daglegvaremilliardærane samfunnsansvar! Me har imidlertid våre tvil om dette verkeleg er ein priskrig, eller om det faktisk er tale om ein PR-kampanje for å selge fleire varer med høge marginar (les nøkkelholprodukt flest). Me hellar mot det siste, og ser på framleis på pris - og ikkje på merkevare! Her kjem vekas tilbod.

* Joker
Freia 200g usortert til 16,90 er ihvertfall godt under veiledande pris, men i Sparebloggen ventar me til påske før me et sjokolade. Klassikar på tapetet året rundt: Surra, beinfri skinkesteik 34,90 pr kg. Det går ikkje an å svelte i Noreg med slike middagsprisar! Omnsbakt leverpostei 195g vekas tikroning. Ein rimeleg bra vekestart.

* Mega
Aurefilet til 99 kr kg er raka vegen i luksusfella, kjøp heller rund aure i frysedisken til ein tredjedel av prisen. 40% rabatt på pålegg frå Gilde kan romme somme bomber, særleg i servelat- og skinkeavdelinga. Mykje billegare enn den generelle nøkkeholrabatten.

* Spar
22,90 per 400g kjøtdeig frå Gilde er halvgodt. Kan du vente, så vent på heilgode 19,90. 40% rabatt på produkt frå Vita hjertego' burde borge for normalprisar hjå desse overprisa sjarlatanane. Dessutan er det mykje billegare enn nøkkelholrabatten, nytt sjansen fru Fransen!

* Ica
Tikronarsmarknad som førre veke.

* Obs
Kvitost frå Tine til 49,90 tilrådast på det sterkaste for dei som missa Joker sitt tilsvarande Synnøve-tilbod førre veke. Skinkesteika kjøper me hjå Joker, som er 15 kr billegare pr kg enn Obs. På tampen tek me med gummistøvlar str 35-46 til 169 kr pr par, eignar seg nok best på veg og i snillare terreng då solen er mjuk.

* Rimi
Me forstår oss ikkje på Rimi (eller jau me kjenner dei for godt!), som denne veka omtalar karbonadedeig 400g 39,90 for eit tilbod. Dette er regelrett svindel. Like kvalmande vert det når Rimi promoterar priskrig på nøkkelholprodukt og lanserar kyllingfilet med nøkkelhol til 167 kr kg og skinkeboks 300g til over 30 kr (veil 26,90, Kiwi 23,60). Pju og pjuk! Me trudde ikkje det var mogleg, men Rimi har no nådd eit nytt lågmål.

* Bunnpris
Me må le av Bunnpris, som atter eingong køyrer på grytekrakket sitt. Låg omsetnad på tilbodsvarene?

* Kiwi
Har teke alvor av nøkkelholkrigen, og syner før- og etterpris på sine varer. Her går det fram at dei fleste nøkkelholvarer er prisa ned med 12-13%. Prisane er likevel lite imponerande på majoriteten av varer, og denne PR-kampanjen bit ikkje på oss.

Konklusjon: Gløym nøkkelhol, følg ordinære tilbod!

Vårens vakraste eventyr

2011-03-04T23:23:00.013+01:00

av KR

Nedteljinga har i grunn byrja for lenge sidan, men no nærmar det seg skrekkeleg. Sparebloggredaksjonen skjelv i forventingsfull fryd. Luksusfellen på TV3 byrjar onsdag kl 20.30! Denne gongen betre enn nokon sinne, meinar me. Ørjasæter har joina topteamet - og sler seg no ilag med skallen Kvadsheim. E24-Ørjas burde tilføre programmet både økonomisk tyngde og slåsshandskar etter sine år som hovudjegar. Kvadsheim elles stø i faget, kjend bankmann med sparebloggfaktor.

Likevel; me har i grunn høyrt det før. "For to år siden kjøpte Janne og Thomas i Vestfossen et hus som måtte pusses opp. De økonomiske problemene tårnet seg derimot opp på grunn av Thomas sin gamle kredittkortgjeld." Difor vonar me Ørjas og skallen kan gjera programmet tøffare denne sesongen. Me er leie av silkehandskane, og må be dei gå attende til røtene. Den svenske serien. Serien der budjettavlan er eit reint helvete. Der Bofögdbestyrelsen er synonymt med døden.

Så medan de ventar på norske sossisar tilrår me ein titt på svenske Lyxfällan, samt eldre episodar på det eminente tilbodet www.tv3play.no og www.tv3play.se (gratis naturlegvis).

Test: Tannkrem frå First Price

2011-03-02T19:49:00.010+01:00

av SR

I serien der me testar kvaliteten på billegprodukt, har me denne gongen kome til:

Produkt: First Price tannkrem.
Pris: 4,90 for ei tube på 75 ml.

Funksjonalitet 5 av 5
Sjølve tuba er som andre, og det er korkje lettare eller vanskelegare å klemma ut dei siste restane. Ein dag eg får anden over meg skal eg eg laga ei fotoreportasje over korleis ein får tuba til å vara 3-4 gongar ekstra.

Elles har eg brukt mykje billegtannkrem, og då stort sett First Price. Når eg var til tannlegen i sommar, fekk eg skryt, så det er ikkje noko å seia på effekta heller.

Appetitt 2 av 5
Smaken er tam, og gir ikkje noko sterk frisk kjensle i munnen. Sjølv er eg tilhengjar av sterk mentolsmak, og slik sett er denne tannkremen skuffande. Det er likevel klart at produsenten har utbetra den noko det siste året, då det før var endå mindre smak. Smaksskilnaden frå sløsemerket Zendium er likevel ikkje så stor.

Vidare er det på det reine at den skummar lite, noko som trekk ned.

Fordøying 5 av 5
Bruk av denne tannkremen byr korkje på problem i den eine eller andre enden. Eg har likevel ikkje ete dette produktet, berre pussa med det, og kan slik ikkje gå god for eventuelle verknadar knytt til slik bruk.

Tilråding: Dette er eit produkt me kan gå god for, som eit middel for den som eine og åleine tenkjer på munnhygiene og pris. Er du nøyen på smak, er ikkje dette tannkremen for deg. Men hugs, då må du òg opp i pris!

Vekas tilbod

2011-02-28T22:07:00.010+01:00

av KR

* Joker
Svinekotelettar til 29,90 pr kg er billeg kjøt, og kan tilrådast om ein ikkje alt har frysaren full. Det same gjeld kvitosten til Synnøve for 49,90 - etterkvart ein klassikar! Den inneheld D-vitamin i følge etiketten, og med det kan ein helse farvel til den engelske sjuka etter nokre osteskiver. Elles lite å hente av gode tilbod.

* Spar
Kylling på storleik med høns 29,90 pr stk, gjev med litt FirstPrice-ris, grønsaker og kraft ein særs billeg middag - som kan vare heile veka med litt kløkt. Elles har me sansen for lammelåret til 89,90 pr kg sjølv om det er frysevare på denne tida av året.

* Rimi
Kokefaste poteter til under 5 kr/kg er tåleleg bra om du ikkje finn FirstPrice sine til under 4 kr/kg. Elles var det lovleg tynt hjå Rimi denne veka.

* Kiwi
Surra svinesteik (ZzzZzzz) til 39,90 pr kg har etterkvart vorte ein sparebloggklassikar, sjølv om me har sett den tikronaren billegare. Ein seier det går an å mette 5000 med ei slik steik, og den går me god for så lenge du ikkje bevegar deg "ner'i låndi".

* Obs!
Coop-kaffien går med 40% rabatt denne veka. Bananar til 8,90 pr kg er årsbeste. Og 400g bordsmør frå Soft flora til 12,90 er rekordbilleg. Det er ikkje ofte me kan tilrå bordsmør på tilbod, så dette var verkeleg kjærkome. Slike tilbod varmar eit sparehjarta. Det varmar godt. Og då treng ein ikkje Björn Borg-boxarar til 99 kr stk. Takke meg til Sputnik-truse.

* Mega
Aj aj aj! Det er VM-fest hjå Mega denne veka, men kvar har dei gjort av tilboda?

* Bunnpris
Nei, no må dei gje seg med dette grytekrakket. FFS!

* Ica
Stor tikronarsmart denne veka både hjå Maxi og Supermarked. Her kan ein boltre seg i alt stort sett, bort i frå polvarer. Tilrådast!

* Rema 1000
Berre faste...og so bortetter.

Konklusjon: Ein steikje bra vekestart, seier dei som har greie på det.

Tilbod

2011-02-21T21:14:00.003+01:00

av SR

Spar
Har denne veka 400 g karbonadedeig til 29,90. Dette er billeg for å vera denne sorten, men etter å ha samanlikna innhaldet opp mot vanleg kjøtdeig er skilnaden marginal. Elles får du 200 gramsplater med sjokolade frå Freia til 19,90, billeg, men avvent hamstringa til prisen er 16,90. 19,90 kr/kg for kyllinglår kan heller ikkje kallast feil.

Bunnpris
Har gryterettkrakk denne veka òg

Rimi
Same tilboda som sist veke. Appelsiner til 8,90 kr/kg er særs bra! Gode kampanjetilbod denne veka! Nokre butikkar har òg blitt sett med reklame for kjøtdeig til 19,90!

Joker
Picnic-skinke til 14,90 er så bra at du bør hamstre. Grillpølse til 19,90 for 600 g er òg bra, men rykta går om frosne grillpølser.

Mega
40%-aren denne veka er frosenpizza frå Big One og Orginale (her har Rimi konkurranse med sine 15,90). Kjøtdeig til 24,90 er greitt for dei som ikkje har tid til å tina opp frosen.

ICA Nær
Har denne veka appelsiner til 8,90 kr/kg. Elles får du store Freia-plater og Melkedrøm til 19,90, samt smågodt til 7,90 kr/hg.

ICA Maxi
Har appelsiner til 8,90 kr/kg, smågodt til 6,90 kr/hg, 40% på alle formar for nyskåre kjøtpålegg, og 30% på topping til pizza frå peppes-serien. Her bør du likevel vera obs på at du får td. pepperoni i påleggspakkar.

Obs
Byr denne veka på fem Grandiosa for 100 kr. Dette er ein bra pris, men ikkje eksepsjonelt mtp. på kor stort kvantum det er. Men har du god plass i frysen er dette tilrådeleg. Tran til 79,90 er ein bra pris. Skal du trena, kan me tilrå å kjøpa eigne treningsapparat til halv pris.

Mal for klagebrev

2011-02-17T17:09:00.006+01:00

av SR

Me har tidlegare lagt ut i det vide og det breie om våre klagebrev på varer, og kor innbringande dette er. Sjølv sit eg med planar om eitt nytt eit i skrivande stund.

Ein av våre lesarar har lete seg inspirera av dette, men etterlyste ein mal for korleis ein slik mail skal skrivast.

1) Innleiinga bør innehalda kva produkt det er snakk om (gjerne med produksjonsnummer), kvar du kjøpte det og når du kjøpte det. Dette er med på å gje det heile ein viss profesjonalitet.

2) Gå så vidare med korleis du oppdaga feilen. Her er det lov å smøra litt tjukt på, gjerne med at du hadde gleda deg lenge til å nyta dette produktet, og at nedturen difor var stor når feilen blei oppdaga. Typisk vil dette vera at du har hatt med deg ein sjokolade på ein lang fjelltur, og når du endeleg var framme, trøytt og slite, synte det seg at den var heilt utan smak.

3) Legg til at du håpar denne informasjonen (produktnummer ol.) kan vera med til å unngå at andre opplever tilsvarande.

4) Avslutt med ei hyggeleg frase, type "beste helsing". Her er det avgjerande at du legg ved adressa di i same slengen. For å verka truverdig, kan du få det til å verka som at det er slikt som alltid kjem med når du sender epost. På den måten verkar det ikkje som at du er ute etter noko.

Viss du verkeleg vil gjera inntrykk på den du klagar til kan du øva inn ei sirleg handskrift og senda det heile pr. post. Slikt set ekstra djupe spor, og er du heldig får du eit feitare gåvekort.

Vekas tilbod

2011-02-14T19:52:00.007+01:00

av KR

* Joker
Nakkekotelettar til 29,90 pr kg er eit rimeleg bra tilbod, som bør kunne gje middagar til under 10 kr pr person. Må steikast på svak varme for å unngå å verte tørre, alternativt kokast dei i saus nokre timar. Mørare kan det ikkje verta på ein mandag. Elles er det labert med tilbod, og me let oss til dømes ikkje freiste nemneverdig av poteter til 10 kr kg.

* Spar
40% rabatt på alle grandisar og BigOne. Eit tilbod er eit tilbod, men spararar veit det fins både billegare og betre middagar enn dette! Elles er det tynt mellom tilboda, merkar me prisstigninga?

* Rimi
Om du vil ha dyr innpakning og ordinære svinepølser tek du med deg "Kollengrillen" til Gilde denne veka til 45 kr kg. Omlag 50% dyrare enn FirstPrice sine ordinære og smaklause svinepølser, men for å vera Gilde er det ikkje altfor gale. Pizza Originale 15,90 kr stk, ein billeg og liten middag. Skinkesteik utan bein og med skalk til 38,90 kr kg er ein klassikar som denne veka er prissett omlag midt i fatet.

* Kiwi
Som så mange andre denne veka førar Kiwi karbonadekaker frå Gilde til 39,90 pr 800 g. Eit høveleg bra tilbod, men me såg det til 29,90 hjå Joker i fjor! Go'helg-tilbodet er kalkunfilet til 104 kr kg, ikkje nett billeg med omsyn til kiloprisen på heil kalkun (19,90).

* Bunnpris
Sokalla priskrakk på gryterettar for n-te veke på rad.

* Obs
Tikronarsmarknad der me vil trekke fram 0,5 liter Tine Yoghurt, Tine Kremost, Banos (skrella av svenskar), denjasalatar og ikkje minst klassikaren Findus fiskegrateng 450 g for berre 10 kr! Med nokre poteter kan du lett mette to personar for 12 kr samla.

* Mega
40% rabatt på allereie stivt prisa supper og gryter frå Toro burde kunne by på overkommelege prisar.

* Ica
Svinekotelettar til 34,90 kr kg hjå Ica Supermarked, me klarar oss med nakkekotelettane som nemnt over. Ica Maxi køyrer for øvrig det same nakketilbodet. 40% rabatt på fiskegrateng er ikkje godt nok, når denne går for 10 kr hjå Obs.

Konklusjon: Vekas tilbod er Findus fiskegrateng 450 g for 10 kr. Eit fantastisk tilbod.

Ikkje heilt som andre bloggar

2011-02-09T23:14:00.004+01:00

av KR

Me var ikkje inviterte på kjendisfest med bloggarane. Me var heller ikkje nominerte til noko. Me vart ikkje omtala som "dei nye opinionsdannarane" av Per Sundnes. Me vart ikkje omtala som "attraktive for næringslivet" av Petter Stordalen. Me fekk ikkje høyrd den hese stemma til Jenny Skavlan.

Om me føler oss forbigådde?

I grunn ikkje.

Tilbod veke 6

2011-02-07T17:27:00.005+01:00

av SR

Spar
Har denne veka fersk surra svinesteik til 29,90 kr/kg. Dette er bra, og me tilrår hamstring. Elles er det 40% på alle typar frosne poteter, grønsaker, frukt og bær. For min del ligg det an til eit påfyll med grøne ertre. Er du av den late sorten kan me tilrå tilbodet ferdigsalatar frå Dole - 40%.

Joker
9,90 kr pr. pakke Ali kaffi er ikkje feil, det er heller ikkje 40% på tex mex-produkt frå Old el Paso. 10-aren denne veka er ein kilo gulerøtter i beger.

Rimi
400 gram fersk kjøtdeig av svin til 18,90 er ikkje kvardagskost, og er tilrådeleg å hamstra. Det same er ein kg brunost til 49,90.

Obs! Denne kjeda byggjer om butikkane om dagen, og tømmer difor hyllene. Kom over mjølk til 6,50 kr/l på Danmarksplass sist veke.

Bunnpris
Har same kundeavis som dei to siste vekene, og oppmodinga om å kjøpa gryterettar på tilbod står framleis ved lag.

Til dei som måtte lura etter at det før helga blei annonsert at underteikna skulle prøvesmaka tacolasagne kjøpt på 50% tilbod: Det var ikkje noko særleg å skriva heim om.

Rema
Diskar opp med 800 gram middagspølse til 19,90, 880 gram grilla kylling til 19,90, 500 gram laksekotelettar til 19 kr, tre pakkar potetmos frå Toro til 10 kr, tre paprika (gul raud og grøn) til 14,90 og bananar til 9,90 kr/kg. Dette er bra!

Det som ikkje er fullt så bra hjå Rema for tida er at det kan sjå ut til at 400 gramspakkane med frosen kjøtdeig i snabb er ute av produksjon, og erstatta av 1 kilossnabbar! 44 kr for snabben er jo billeg, men når treng ein 1 kilo?

ICA Nær
Har denne veka tomatar i lausvekt til 18,90 kr/kg, 40% på tex mex frå Santa Maria, samt mineralvatn frå Ringnes. Det ligg an til taco til helga med andre ord.

ICA Maxi
Har brunost frå Tine til 49 kr/kg. Elles lite å melda om.

Mega
40%-aren denne veka er gul og raud coop kaffi. Elles får du òg her skinkesteik til 29,90 kr/kg. Lettsalta svinekjøt til 69,90 kr/kg går òg an, og passar utmerka til raspeballar.

Obs!
Har denne veka fem 400 g-pakkar kjøtdeig til 100 kr. Dette er ein bra pris for dei som vil ha storfe. For den som er glad i sjokolade får du denne veka 3 store posar sjokolade frå Minde til 99 kr, noko som er bra, og held seg lenge. Seifilet til 49,90 kr/kg er òg bra. Elles er det mange gode pakketilbod på ski og anna hjå Obs.

Berre gratis er godt nok

2011-02-03T17:15:00.006+01:00

av SR

Etter oppmoding frå ei ivrig lesarinne vil me denne veka ta føre oss kva som er verdt å bruka pengar på, og kva ein like godt kan få gratis.

I bedriftene sin iver etter å marknadsføra seg sjølv, er det eit stort utval av varer som den sløsande brukar pengar på, men som me her inne på denne sida skaffar oss gratis frå andre kantar.

Det klaraste av alle varer ein kan få gratis, er den gamle travaren kulepennen. Ei kvar bedrift med respekt for seg sjølv har pennar med sin logo på. Sjølv trur eg aldri eg har brukt ei krone på pennar. Har utelukkande halde meg til pennar eg har fått eller funne. Det er klart at det er òg dårlege pennar på gratismarknaden, men utvalet er så stort, at det er inga orsaking for å kjøpa. Ein del bedrifter har no òg produsert opp markeringstusjar, gjerne med innebygd haldar med små lappar som ein merkar av sider i ei bok med. Ingen grunn til å bruka pengar på slikt heller med andre ord.

Men det er ikkje lenger berre pennar ein kan få gratis mot ein liten logo på. For meg er det eit marakel at det framleis blir produsert buffar frå merkje Buff - slikt får ein jo gratis kvar enn du er. Kva det er bilete av på buffen ser ein jo ikkje uansett, då den jo ligg samankrølla rundt halsen uansett.

Sekkar er òg noko mange brukar pengar på utan at det er behov for det. Eg har ikkje tal på kor mange sekkar eg har liggjande i storleiken rundt 30 liter, men eg brukar berre to av dei - begge har eg fått gratis.

I denne samanhengen vil eg gjerne avsløra eit triks for korleis ein kan god tilgong på marknadsføringsvarer: Bli venn med ein marknadssjef eller seljar eller likande i eit stort selskap. Sjølv kjenner eg ein i Glava, og der er det ingen grenser, og logoen er tilnærma usynleg. Han har bidrege i skapet med, og dette er ikkje kødd: treningsdress, slips, mansjettknappar, slippsnål, boksarar (rull'n ut!), hue og hanskar. I tillegg kjem tommestokkar, pastilløskjer og mykje meir.

I tillegg er det andre varer det er fullt legitimt å berre ta med seg. Det beste døme på dette er paraplyar. Slikt ligg att på bussar, trikkar, tog, forelesingar, uteplassar osv., og ingen kjem att og hentar dei. Det er nok av folk som brukar pengar på slikt, om ikkje du òg skal gjera det, så berre ta det med deg.

Elles er finn.no si avdeling for saker og ting som blir gitt vekk alltid populært: http://www.finn.no/finn/torget/gisbort/resultat. I skrivande stund kan til dømes du som bur i Oslo få deg ein, i mine auge, strøken 2+3 setar gratis.

Lukke til!

Vekas tilbod

2011-01-31T21:01:00.004+01:00

av KR

* Joker
Byrjar veka med eit "så där"-tilbod, kjøtdeig til 22,90 per 400g. Me tilrår forsiktig kjøp, men ikkje hamstring før 19,90. 1 kg epler frå FirstPrice til 10 kr går også an i små mengder denne tida på året.

* Kiwi
Ingen særskilt gode tilbod denne veka.

* Obs
2 x 400g kyllingkjøtdeig til 40 kr får vår velsigning, særleg i desse "kvitt kjøt"-tider. Elles tilrår me bananar til 9,90 pr kg.

* Mega
1 kg kvitost frå Synnøve til 59,90 går an, men me tilrår som kjend fyrst hamstring ved 49,90 på kiloen (sjå Spar!). Sitrusfrukter til 9,90 pr kg. 40% rabatt på Grandis, ja om du et slikt.

* Rimi
6 stk Go'morgen til 39,90 er halv pris i høve til veiledande, men framleis ein dyr frukost!

* Bunnpris
Sokalla priskrakk på gryterettar frå Toro, minus 30-50% kan romme juvelar av nokre ferdigrettar. Høver godt som basis, som deretter spes ut.

* Spar
Der kom han! Kvitost frå Tine til 49,90, gjer klar ryggsekken.

Konklusjon: Ei lite imponerande tilbodsveke, med unnatak av kvitosten hjå Spar.

Elles rapporterar media at daglegvarebransjen skrur opp prisane frå 1. feb. Sparebloggen vert med dette ein enno viktigare institusjon i samfunnet, for me sparar klarar alltid å sno oss unna prisløfta! Følg med!

Ullent frå FirstPrice

2011-01-27T17:03:00.003+01:00

av KR

Ein ulldott i middagsrisen har gjeve stor økonomisk uteljing på sørvestlandet denne veka. Det kan Sparebloggen i dag avsløre.

I ein pose med 2 kg FirstPrice Middagsris fann underteikna ein blå ulldott. Rett nok var ulldotten mindre enn det eg nokonsinne har drege ut or navlen. Likevel; UNIL AS som marknadsførar FirstPrice vart kontakta om hendinga, og ei klage vart levert - og i dag kom svaret får UNIL. Dei orsaka og synte til sviktande rutiner, kanskje kunne det vera ei eingongshending? I alle høve skulle det ikkje skje att, og vedlagt låg eit gåvekort på 300 kr. Du kan leve lenge på 300 kr. Til dømes kan det rekke til over 30 kilo middagsris, og kanskje ein blå ulldott til?

Storstilt pølsefest denne veka!

2011-01-24T20:21:00.005+01:00

av SR

Spar
Denne veka er det fersk heilgrilla kylling til 29,90. Kokar du opp ris, og delar kyllingen i to, er det berre å invitera ein kamerat til karakveld - han kjøper øl. Elles er 900 g røyka kjøtpølse særs bra. Samstudest er det bittert for underteikna som sjølv kjøpte tilsvarande for ein langt høgare pris på ICA sist veke. Trøysta for vera at det var for bruka opp eit gåvekort som var resultat av ei klage. 400 g kjøtdeig av svin for 22,90 er òg bra! Ei bra veke dette her altså, men ikkje la deg freista til å ta heile handelen her, då misser du vinninga, pluss litt til.

Joker
Kan melda om pølsefest (40% på pølse frå Gilde, Prior og Finsbråten). Elles er det lite å melda om frå den kanten.

Rimi
520 g Wienerpølse til 29,90 er bra. Det same er 39,90 kr/kg på euroshopper nakkekotelettar, men det er fastpris, og slik ikkje hamstrverdig.

Mega
Denne veka er det ti-kronarsmarknad hjå Mega. Mellom anna kan dei freista med 300 g Kims potetgull, Ballerina og ei mengd frukt (ikkje alt er pr. kilo!). Sjå likevel som vanleg opp for luretilboda.

I tillegg er det nokre tilbod for to tiarar. Her kan me tilrå biola med smak. Dette er billeg for å vera Biola, og er du hard på jogurten, er dette eit bra alternativ både økonomisk og smaksmessig.

Bunnpris
Har 30-50% avslag på ei rekkje gryter (ikkje som i kjele) frå Toro. Av desse er Taco-lasagne til 17,90 kr det desidert beste tilbodet! I tillegg får du Norvegia til 59,90 kr/kg. Grøne eple til 9,90 kr/kg er heller ikkje feil (og er td. halve prisen av kva Kiwi som "har teke vekk matmomsen" tilbyr).

ICA Maxi
Har 2 for 1 på ei rekkje varer denne veka, mellom anna røykte kjøtpølse (her òg!) og Pizza Orginale. I tillegg får ein Synnøve Finden for 59,90 kr/kg. Kilopakke blir kalla for økonomipakke, men som kjend er alt mindre enn ein kilo idiotpakke.

ICA Nær
Har denne veka fryseshow, dvs 40% på ei mengd frosne varer frå Findus. I tillegg får du kjøtdeig av svin til 19,90 kr for 400g, noko som er veldig bra!

OBS!
Har denne veka 40 dorullar eller 20 tørkerullar frå Lambi til 99 kr. Dette er veldig bra, og hadde eg ikkje måtte teke buss for å komma meg på OBS, hadde eg putta pengar i det, sjølv om det framleis er dobbelt så dyrt som First Price.

I tillegg er det 40% på pølse og kyllingfilet frå Prior, samt gul og raud coop kaffi, produkt frå Proteinfabrikken (men det treng du alvorleg tala ikkje)

Test: First Price frosne kyllingbryst

2011-01-19T16:20:00.007+01:00

av SR

I serien der me testar kvaliteten på billegprodukt, har me denne gongen kome til:

Produkt: First Price frosne kyllingbryst.
Pris: 117,90 kr/2kg på Kiwi, men omlag 150 kr på Spar, så trå varsamt!

Funksjonalitet 4 av 5
Brysta er pakka inn i ein plastpose som det ikkje går an å lukke etter at den er opna. Dette gjer at det over tid dannar seg ein del snø inni posen. Dette er det einaste som gjer at femmaren glipp. Kjøtstykka er ikkje samanfrosne, og er slik lett å forsyna seg av.

Appetitt 5 av 5
Mange av billegmerka har små og slintrette kjøtstykker. First Price har derimot store og fine kjøtstykke, noko som klart aukar appetitten. Rett nok er det stundom frysemerkje på stykka, men dette er ikkje til å unngå når det trass alt er eit frose produkt. Smaken er vidare utmerkja!

Fordøying 5 av 5
Eg har sjølv ete mange kilo av dette produktet, og ikkje minst diska opp med dei lekraste rettar basert på denne kyllingen. Eg har aldri opplevd at det har vore tomt for toalettpapir etter ein slik middag, noko som talar for seg sjølv.

Tilråding: Kan absolutt gå god for dette produktet. Har sjølv hamstra tilsvarande produkt i Sverige ved tidlegare høve, men dette er klart betre. Stykka er finare, prisen er billegare og sjansen for matforgifting er mykje mindre.

Gratis trening og færre bilringar

2011-01-17T20:21:00.005+01:00

av KR

Det er visst dyrt å trene i Noreg, ja dette i følge VG. Er kanskje det grunnen til at bilringen min stadig får tilført meir luft? Uvisst! Månadsprisar kring 4-500 kr er visst standarden over heile landet, ja dette i følgje VG. Ikkje berre ét det norske folket dyrt, dei betalar faktisk dyrare for å kvitte seg med overskotsmåltida! Er det rart hushaldningsbudsjetta sprekk kring om det ganske land?

Nuvel! Etter Sparebloggen sine opplysningar er det fri ferdsel til fots i utmark heile året. For den røynde spararen tilbyr òg utmarka feriemoglegheiter, og her er du langt unna bleike, britiske solturistar og sleske, tyske bratwürster. I tillegg sparast du for ei rekke overivrige svenske reiseleiarar, og dertilhøyrande bingo- og quizkveldar.

Sparebloggen meinar at det norske folket openbart har det for godt. Livsfarleg godt. Det norske folk ét seg til døde. Byt difor ut middagsfatet med frukostfatet, og halvér porsjonane i dag! Dette sparar du pengar på i alle ledd, både overfør kjøpmannen - og ikkje minst overfor treningssenteret. Matbudsjettet kan altså lett halverast, og halverast enno ein gong om du følgjer Sparebloggen sine innkjøpstips.

Sprei den glade bodskapen, pay yourself first!

Vekas tilbod

2011-01-17T16:52:00.007+01:00

av KR

* Joker
Omsider! No er han her! Tine kvitost til 49,90 kr/kg. Mange av oss har måtte ta til takke med Europris sin til omkring 55 kr/kg, og med det følt oss regelrett svindla over lang tid. No skal det hamstrast. Maks 5 pr kunde, åtvarar Joker, men dette løysast med lausskjegg og andre props. Forutan om dette er det ingenting å hente på Joker denne veka, pfføy og fysj!

* Spar/Eurospar
400g kjøttdeig til 22,90 går til nøden, men hamstring tilrådast berre på 19,90. Elles er det tynt i rekkene av tilbod, for å gje eit døme på tilstanden er kvitost frå Synnøve 450g til 39,90. Hald dykk til Joker sin kilo til 49,90.

* Rimi
I følgje kundeavisa 400g kjøttdeig til 24,90 og tapar dermed kampen i høve til Spar-kjeda, men Rimi-butikkar i bergensområdet rapporterast å selge til 19,90! Her mottek Sparebloggen gjerne fleire forbrukarrapportar. Grandis til 24,90 imponerar ikkje, gitt alternativet som er heimelaga pizza til langt lågare pris per porsjon. Euroshopper røkt kjøtpølse til 30 kr/kg kan imidlertid vera greitt å ta med seg. Elles går eit klesvaskepulver av merke Shiny color 1,1 kg til 17,90, noko som tilsynelatande er ein grei pris.

* Kiwi
Diverse bær til stiv pris, som blåbær og bringebær til 150 kr kg, nei til moms og alt det der. Eit tips til Kiwi-kjeda er å rydde opp i fruktdisken, før dei stuar ytterlegare dårleg haldbare varer ned i båsane.

* Rema 1000
Har nok ein gong eit oppskriftshefte som kundeavis. Det høyrer med at oppskriftene føreset dyre råvarer, og me styrar klar.

* Bunnpris
2 kg appelsiner til 13,90 kr er eit kupp. Det same gjeld 250g servelat til 12,90. Kverna karbonadedeig til 39,90 for 400g er imidlertid landevegsrøveri av frekkaste sort, men noko må dei vel hente inn att tapet på appelsiner og servelat!

* Mega
40% rabatt på Findus kan by på nokre gode tilbod, men som kjend tilbyr billegmerka gode og ofte billegare alternative. Vidare føretrekk me å kjøpe Findus på 10-kronarsmart'n. 400g karbonadedeig 44,90 tek kaka denne veka, me styrar klar og gremmast over frekkheita.

* Obs
40% rabatt på all frukt - også økologisk - presiserar Coop Obs, og det trur me trengs! Vidare tilbyr dei 5 frosenpizza til 50 kr samla, tilbodet kan vera bra i ein hektisk kvardag. Elles ber Obs om hjelp til å tømme lageret denne veka. Me kan vera behjelpelege me, det står ikkje på det, men senk prisane fyrst!

Konklusjon: Vekas tilbod er kvitosten på Joker til 49,90 kr/kg. Ein etterlengta vinnar.

Tilbod veke 2

2011-01-10T20:12:00.005+01:00

av SR

Spar
Same 10-kronersmarknad som sist veke. Me går gode for mykje av varene, opp til 60-70% avslag er jo ikkje til å kimsa av.

Mega
40%-aren denne veka er toalettpapir og tørkerull, minus billegprodukta. Heilgrilla kylling til 29,90 er òg bra. 600 gram grillpølse og wiener frå Prior til 19,90 er den nye standard tilbodsprisen. Er du glad i Guldbrandsdalsost eller fløtemysost, får du det til 49,90 kr/kg, noko som jo er veldig billeg. Brokkoli til 9,90 kr/kg og tomatar til 19,90 kr/kg er bra etter at eg blei lurt inn Spar i helga, og måtte betala 49,90 kr/kg for tomatar...

Joker
Denne veka er det 40% på fiskeprodukt frå Findus. 10-aren denne veka er ein liter appelsinjus frå Nora, First Price er likevel billegare. Elles lite å melda om.

Obs
Òg Obs har 10-kronersmarknad denne veka, men heller ikkje her er alle tilboda like gode. Langrennspakke frå Rossignol med sko og bindingar for vaksne til 799 kr, og junior til 599 kr, er rett og slett fantastisk, og mykje billegare enn treningssenter.

Bunnpris
2-kilosnett med appelsiner til 13,90 er veldig bra, og kan tilrådast til hamstring. Elles har tilbodsavisa ikkje noko særleg å melda om.

ICA Maxi og Nær
Òg hjå denne svenske matvaregiganten er det denne veka 10-kronersmarknad.

Rimi
Har denne veka appelsiner til 10 kr/kg, noko som er bra, men ikkje billegast. Det same kan seiast om Grandiosa (pepperoni og kjøtdeig og lauk) og 400g kjøtdeig til 24,90 kr. Når det gjeld kjøtdeiga tek me opp att det faktum at det er billegare å finna kjøtdeig i frysen. Elles lite å melda om.

Rema 1000
Innsideinformasjon skal ha det til at det ikkje berre er faste låge prisar, men at det varierar òg her. Dette har me òg merka på kroppen når det skulle hamstrast kjøtdeig i snabb for 16,90, medan prisen var justert opp til 19,70. Rema brukar likevel denne veka 62 sider på å presentera oppskrifter, og ikkje tilbod...

Gratis internett

2011-01-06T18:46:00.004+01:00

av SR

Det er mykje god sparing i god snylting, seier eit gamalt kinesisk ordtak. Òg sanneleg kunne me ikkje sagt det betre sjølve. Her kjem difor triksa for å sleppa å betala for internett.

Det klassiske trikset er sjølvsagt å surfa på naboen sitt opne nettverk. Det har diverre blitt færre og færre naboar som ikkje veit det går an å setja passord på internetten, noko som har vanskeleggjort dette. Men fortvil ikkje, det er framleis nokre nyttige idiotar der ute, og på marknaden er det å få kjøpt eksterne antenner til pcen. Desse er mykje sterkare enn det som er innebygd i vanlege datamaskiner, og gjer slik at du får inn eit større område. Større moglegheit for å komma over eit ope nettverk.

Skulle dette syna seg å ikkje fungera, er det framleis håp. For sjølv om naboen kanskje har fått augene på gløtt for datatryggleik, er han framleis rimeleg blåaugd. Ring difor på hjå han/ho, og forklar at det er noko feil med internetten din, men at det blir fiksa innan ei veke. Spør deretter fint om ikkje du kan få passordet (det heiter å "låna internetten") den lille stunda. Dette er det sjølvsagt berre sosialt tilbakeståande som seier nei til. Når det har gått ei veke kjem du på døra att med ei flaske vin som takk for "lånet". Naboen blir då i ekstase, og inviterar deg truleg på besøk seinare, noko som betalar inn flaska fort. Sjølv har du framleis passordet, og surfar gratis. Når du er på eitt av dine middagsbesøk hjå naboen kan du gjerne klaga over at internetten din har gått sakte den siste tida. Sei gjerne noko om at sidene blir tyngre og tyngre å lasta etter kvart som teknologien spring framover, og at du har landa på gå opp ei eller to hastigheiter. Truleg vil naboen kjenna seg att, og gjera det same. Og vips, rask gratis internett!

Årets fyrste tilbod

2011-01-03T16:10:00.004+01:00

av KR

Ah, no er dei er her - og året byrjar godt!

* Joker
Tikronarsmarknad med Findus fiskegrateng (450g), Fiskemannen fiskekaker (400g), Gilde blodpølse (400g), diverse kjekspakkar og grovbakst også 10 kr.

* Spar
Tikronarsmart her òg. Me forstår det ikkje, trur det knapt. Kyllinglår 10 kr pr kg, 22 kr pr pose av 2,2 kg! Det er ingen skrivefeil har me fått stadfesta. Elles omlag som Joker.

* Kiwi
Go'helg-tilbod frå fredag, ytrefilet av svin 93 kr/kg. "Så där".

* Rema
Ei kundeavis blotta for tilbod, men spekka med dyre matoppskrifter.

* Bunnpris
Ingen særskilt gode tilbod, men mindre du gjer som Stein Erik Hagen og har to grandisar i frysen til ei kvar tid. I tilfelle må du ut med 2 x 19,90.

* Mega
Picnic skinkeboks 19,90 (325g) 1,5 l juice 9,90, epler, bananar og appelsiner til 9,90 pr kg.

* Rimi
Farris 1,5 l er akseptabelt til 7,90. Elles styrar me klar "kampanjetilbodet" der findusgratengen går til doble prisen i høve til Joker og Spar denne veka. Norvegia til 59,90 kr/kg er derimot akseptabelt, men innbyr ikkje heilt til storhamstring (tilråding 49,90 pr kg).

* Obs
40% på fisk frå Findus, men me tilrår no gratengen til 10 kr som synt over. 900g kjøtpølse frå Gilde til 29,90 er derimot bra, men pass på kolesterolen! Ytrefilet av svin til 139 styrar me klar, er du hungrig så gå for Go'helg hjå Kiwi.

Konklusjon: Året byrjar bra med høgdepunkt som findusgrateng og blodpølse til 10 kr, som tilsvarar ein rabatt i høve til veil på 70%! Kyllinglår til 10 kr kg er vidare eksepsjonelt billeg. Middagar til 5 kr stk teiknar ikkje i retning av matpriskrise, som annonsert i Akersgt for få veker sidan.

Pay yourself first!