Vekas tilbod

av KR

* Joker
Sokalla pølsefest (40% rabatt) på Joker denne veka, me gjer som Otto von Bismarck og styrar unna.

* Spar
1 kg Norvegia til 54,90 denne veka. Dette tilbodet er like smaklaust som osten, me vonar røynde spararar lasta opp med ost på Joker førre veke (1 kg 39,90). 40% på bogskinke kan tilrådast.

* Rimi
Inga ny kundeavis denne veka, me klarar oss då også fint utan!

* Coop-konsernet
Reindyrka denne veka. Coop obs sel deg kjøttdeiga til sparebloggtilrådde 19,90 per 400g, medan Mega byr på 40% rabatt på alle tex mex-varer. Her ligg det an til sleiking av munnviker og lyden av tacoskjell som brekk. Den som har Prix i nabolaget bør òg sikre seg nokre pk med karbonader til 31,13 kr kg.

Vekas høgdepunkt må vera kjøttdeiga til klassiske 19,90 per 400g.

Vekas tilbod

av KR

* Joker
Me tilrår ALI kaffe til 8,90 kr pr pk (250g). Svinesteika er dobla i pris sidan november, for no heiter den Juleskinke - styr unna. Og dei er ikkje dårlegare enn dei også sel noko dei kallar Julemandelpoteter. 7,90 per kilo for mandelpoteter er tåleleg billeg, men me skeiar ikkje meir ut enn FirstPrice-poteter til 3,90 pr kg! Den som likar innmat bør merke seg leverpostei til 10 kr eller 51 kr kg.

* Spar
Nok eingong er eg nesten tom for billeg kjøtdeig, og sanneleg, sanneleg kjem det på sal igjen til 19,90 pr 400g. Me tilrår atter eingong hamstring av kjøttdeig, denne gongen på Spar! Den sokalla Juleskinka styrar me imidlertid klar av, faktisk tredobla i pris sidan november. Julekaffe 250g frå Friele til 16,90 boicottar me til fordel for ALI sin heilårskaffe til 8,90 på Joker.

* Rimi
Som vanleg få gode tilbod, og denne veka prøver dei til og med å gøyme bort sitt beste tilbod: Surra svinesteik til 38,90 pr kg, denne er utan julestempel. Likevel når dei ikkje heilt opp ettersom Coop Marked tilbyr same vare til 29,90 pr kg.

* Coop Mega
Kalkun til 29,90 pr kg er eit bra alternativ til dyr kylling, men denne kjøpast best på Coop Obs! til 24,90.

* Coop Obs!
Forutan kalkulen tilbyr Obs! 40% rabatt på all Coop-kaffi, ver obs og jamfør mot Joker sitt ALI-tilbod.

* Coop Prix
Tilbyr denne veka lutefisk av torsk frå Enghav til 16,90 pr kg. Dette er omlag halv pris i høve til konkurrerande butikkar, og tre-fire gongar billegare i høve til Coop Obs!

Vekas høgdepunkt er kjøttdeig til 19,90 per 400g, og Coop Marked si surra svinesteik til 29,90 pr kg. Vekas kalkun må vera surra svinesteik ("Juleskinke") frå Spar til ufattelege 99 kr kg.