Ei bra veke!

av SR

Spar
Sjølvplukk av eple, pære og appelsiner til 14,90 kr/kg er ein bra pris, men skal du ha appelsiner får du dette billegare ma. hjå ICA Nær. Elles er det òg denne veka 30% på hygieneprodukt for gapet frå Colgate, det same med diverse luftfriskarar frå Surf. Dårleg veke.

Joker
Byr denne veka på svinekotelettar til 29,90 kr/kg, både for ferske og frosne. 1,5 liter coka cola til 9,90 er heller ikkje feil for dei som likar slikt. Mango og avokado til 10 kr stykk er relativt bra, men me minnar om at desse studom dukkar opp til to for 10.

Mega
Denne veka er det 40% på alle store sjokoladeplater frå både Freia og Nidar. 40% er det òg på produkt frå Biola. For den som likar smågodt, og føretrekk eit større og mindre nedstøva utval enn det som er på europris, kan me tilrå Mega denne veka - 7,90 kr/hg. Du får òg lys og mørk brunost frå Synnøve til 29,90 for 500 gram. Etter kiloprisen å dømma kan me lett få det billegare, men om ein har eit lite forbruk, er dette billeg for denne storleiken. Som om ikkje dette var nok, får du òg fersk seifilet til 39,90 kr/kg. Som medlem av samyrkelaget får du òg klementinar til 7,90 kr/kg. Litt av ei veke!

Bunnpris
Familieribba får du her til 29,90 kr/kg. Denne skal som kjendt ned med tida. Heil røykelaksside får du for 79,50 kr/kg. Mi erfaring er likevel at røyksmaken kan vera så som så, men eit triks her er å strø på meir salt oppå heile sida. Brokoli til 6,90 pr/stykk er heller ikkje feil.

ICA Maxi
Har denne veka fersk torsk til 49,90 kr/kg, noko som er ein veldig fin pris. Det blir òg lokka med 40-90% på is frå Hennig Olsen.

ICA Supermarked
Pinnekjøtet er no nede i standardprisen 99 kr/kg. Etter fjoråret å dømma kan me ikkje venta noko særleg lågare enn dette, men det er ingen grunn til å forhasta seg. Elles er det 30% på diverse spekemat. Du får òg 4 kg poteter til 24,90, noko som er bra.

ICA Nær
Ikkje før hadde eg skrudd ned forventingane mtp. prisen på pinnekjøt, så slår ICA Nær til med 89,90 kr/kg. Dette er likevel gryteklart, med andre ord utvatna. Dette gjer at du får mindre kjøt pr. kg, men òg mindre arbeid. Appelsiner får du til 12,90 kr/kg.

Tilbod veke 25

av SR

Spar
Slår denne veka stort opp ein gjenngangar i sommarsola, Gilde sine grillpølse 600 gram til 19,90. Ein fin pris, men ikkje særleg anna enn det alle andre har å tilby. 40% på Ali-kaffi kan òg tilrådast, for den som ikkje likar Cirkel. Elles bør ein stort sett styra unna denne butikken om ein kan.

Joker
Har denne veka 10-pakning med saft- eller vaniljeis til 14,90, noko som er bra. 59,90 for 1 kg kyllinglår er òg bra, men me minnar om first price sine kyllingbryst til same kilopris. 10-aren denne veka er 350 gram rømmegraut frå Fjordland, men her er me nøydd til å informera om at 900 gram rømmegraut frå Nordfjord har vore observert til 10 kr i mange Rema-butikkar dei siste vekene. Den er fortreffeleg på smak, for den som måtte lura på det.

Rimi
Billege sommarkottelettar er i vinden på fleire måtar, og denne veka får ein dei for 27,90 kr/kg. Det er ein fin pris, og gjer oss i bloggen glade. Potetsalat til 11,90 passar bra til.

Mega
Oppskåren spekemåt frå Grillstad er på 40% sal denne veka. Vidare får ein Royal is (900 gram) til 19,90. Tydleg at vekene har gått noko i surr for Mega, når det kongelege isen kjem fyrst no. Flintsteik til 49,90 passar bra for den som ikkje likar sommarkottelettane til 27,90. Er du medlem av samvyrke er 1,5 liter Bris til 6,90 å tilrå.

Obs
40% på frukt og grønt varmar oss i hjarterota i desse dagar når potetene er perverst dyre. Elles er det lite som skil seg frå andre butikkar, med unntak av ei kreativ løysing: 3x600 gram med Gilde sine grillpølse til 57 kr. Billegaste denne veka for den som berre lever på grillpølser. Kanskje noko for ein julebrusdrikkande mann i sølvjakke frå Drammen?