Tilbod for sleikmunnar og pølsefrelste

av SR

Sjølv om sparebloggen har ein klar helseprofil, er det ikkje til å skyva under stol at denne veka er prega av søtsaker på tilbod. Me er difor pragmatiske og presenterar òg desse tilboda, sjølv om nok mange av dykk vil påstå søtsaker er å kasta pengar ut vindauget i utgangspunktet, unødvendig luksus og med til å skapa nye og store ekstrautgifter.

Rimi
Rimi stiller med smågodt til 6,90 kr/hg. Dette er i grunn ein bra pris, særleg sett utifrå det relativt store utvalet dei har. Gode sparar vil nok reagera på dette, då det jo er ei kjend sak at Europris har fast pris på 5,90. Det er likevel på det reine at ting ein skal putta i kjeften som kjøpast på Europris må minimum vera i vakum, helst hermetikk, pga. at dei til synelatande sparar inn på reinhald.

Dei stiller òg med eit sunt alternativ denne veka, epler. Det er likevel ei hån å måtte betala 14,90 pr. kilo. Dette blir attpåtil kalla eit kampanjetilbod...

Rimi prøvar så godt dei kan å lura på oss dyre wienerpølser, men den bit me ikkje på.

Spar
Stiller opp med 40 % på alle pølser denne veka. Eg er generelt ikkje den typen som jubalar høgt og villig blir med på pølsefest, men eg må innrømma at dette er eit bra tilbod. Men ha i bakhovudet at det generelt er dyrt der.

Big One-pizza kan du òg få til 24,90. Føler likevel ein trang til å minna om Sparebloggpizzaen og hastepizzaen frå Rema som er omtala tidlegare.

Mega
Har alle varer frå Maarud til 40%. Ikkje feil til ein Pokal-pils.

Òg Mega hånar denne veka med sitt "fryseshow" der dei skryt av "fast lavpris" på Kapteinens fylte rødspette til 42,90. Seinast for to veker sidan solgte Spar denne for 28 kr!

Bunnpris
Bunnpris stiller òg opp for sleikmunnane denne veka, men 19,90 for 200 gram sjokolade er ikkje noko å hoppa i taket for. Det er heller ikkje det lusne og gamle utvalet av smågodt til 7,90...