Vekas tilbod

av KR

Fyrst av alt ber me om orsaking til sparar i det ganske land for at spalta ikkje vart oppdatert måndag, slik tradisjonen tilseier.

* Joker
Lanserar denne veka kjøtdeig 400g til 24,90 pr stk, me reknar med dei fleste hamstra hjå Coop til 20 kr førre veke. Leverpostei frå Mills er vekas 10-kroning, og med 51 kr/kg kan me tilrå dette produktet på det sterkaste!

* Obs
2 steikepanner 20 og 26 cm diameter til 99 kr denne veka. Eit kupp for ei kvar hushaldning som til no berre har hatt høve til å koke maten! Røkte kjøtpølser til 33 kr/kg er også rimeleg bra. Bananar kjøpast aldri til over 10 kr/kg, og Coop innfrir så vidt denne veka med 9,90.

* Prix
Som førre veke.

* Mega
Heilgrilla kylling 26,5 pr/kg. Elles er det mange luretilbod hjå Mega denne veka, som døme kan nemnast den røktekjøtpølsa som hjå Mega kostar 70% meir enn hjå Obs denne veka.

* Rimi
Som førre veke.

* Kiwi
Grillpølser av svin og kylling 31,5 kr/kg. Elles har Kiwi har dårleg omsetnad på den dyre svinefileten sin i sumar. Dei har no marinert den, og sel den framleis til 149,90 pr/kg. Styr unna!

* Spar

40% rabatt på Evergood, men tru ikkje at den kaffien får ein folkeleg pris av den skuld. Me tilrår framleis Cirkel. Elles er det fleire 40%-tilbod utan nærare prisspesifikasjon i Spar si kundeavis. Dei er vel smerteleg klar over at dei normalt ikkje kan konkurrere på pris!

Vekas tilbod: 2 steikepanner til 99 kr!