Vekas tilbod

av KR

* Joker

Som me nytt kunne lese av primstaven er sumaren i gong, og framleis er det berre daglegvarehandelen som feirar sumaren i april og mai - slik dei feirar jul i september. Fortvil likevel ikkje, for somme gode sommartilbod dukkar då opp. 2 liter Sørlandsis til 17,90 er hón ikkje feil. Me har tidlegare peikt på at kaffiprisane er stive her i landet, og no prøvar Ali seg med eit bra triks: 9,90 for ein pose kaffi gitt, synd den er 175g og ikkje standardiserte 250g! Likevel ikkje halvgalen pris, no når sjølv Cirkel har bevegd seg nærare 15 kr for 250g... Har du dårlege frukostvanar kan du gjera dei litt billegare denne veka, Go'morgon til 8,90 pr stk.

* Spar

40% rabatt på kjøtdeig frå Gilde 400g. Pris naturlegvis ikkje oppgitt, men det er garantert over 19,90 sjølv etter rabattering - så me tilrår ikkje hamstring. Ytrefilet av svin har no kome ned i pris, og 99 kr kg er bra - sjølv om me gjerne ser det 10% billegare.

* Rimi

3 for 2 er temaet denne veka, tre 1,5 l Coca cola for prisen av to, tre Farris og så vidare. Du forstår teikninga, men me trur Rimi flår oss her. Veil pris på 1,5 l Farris er vel 14,90, men observerast på tilbod til 7,90 nokre gongar i året. Det vert ikkje sprudlevatn på underteikna inntil dess.

* Obs

40% rabatt på all frukt denne veka, me minnar om den generelle Sparebloggregelen der alt under 10 kr pr kg er billeg nok. 2 x 300g chipsposar frå Kims til 30 kr er billeg, men langt i frå sunt! Veit du kor mange timar ein må jogge for å ta av berre ein av desse posane? 2,5 timar ved 2000 kcal pr 100g og 666 kcal forbrenning pr time, men det er no godt - så skal du fyrst gå på chipsen bør du sikre deg rømme attepå! I Sparebloggen reknar me berre på kaloriar for å få ytterlegare argument til kutt i forbruket, for kven gidd vel ikkje jogge 3 timar for litt chips og dip.

* Bunnpris

Reklamerar stadig for sine dagstilbod, 4 laksefiletar til 19 kr månadagar og 400g kjøtdeig til 19 kr fredagar er våre tilrådingar.

* Mega

40% rabatt på både kaffi og vaskemiddel denne veka, noko for ein kvar smak. Bananar til 9,90 pr kg er tilrådeleg. Elles reklamerast det med chips frå Maarud til 30% rabatt, men no gidd me ikkje meir jogging og styrar klar.

* Prix

Prix sin månadsdeal, der du får med ei vare på kjøpet, har preg av nasjonaldag. Kjøper du rådyr rømmegraut til 45 kr, får du med rådyrt spekekjøt til same prisen. Samla sett er det ikkje halvgale, men då tek me klårt omsyn til konge og fedreland. Og den institusjonen svir godt i lommaboka, herr og fru skattebetalar.

Tilbod

av SR

Spar
Klassikaren grillpølse til 19,90 er attende. Elles er det 40% på nykål og frukostkaffi til 9,90 kr.

Joker
Sommarkotelettane er attende i butikkane, og prisen er 29,90 kr/kg denne veka, men prisen skal ned. 30% på store sjokoladeplater frå Freia er ikkje nett rekord, så me tilrår å avventa. Ti-aren denne veka er 1 kg mjølblanding frå Boller på 123 samt cherrytomatar.

Mega
Denne veka er det 40% på ei rekkje sortar jus. Vidare er det 30% på ei rekkje stratosprodukt, og sekspakning med kroneis til 28,90 for coop-medlemmar.

ICA Maxi
Røykt knoke til 24,90 kr/kg er ikkje feil. Det same gjeld 40% på tex-mex, diverse is og juf-produkt, samt kvitost frå Synnøve Finden til 49,90 kr/kg.

ICA Supermarked
40% på pizza orginale, div. salatar, snacks frå Maarud og produkt frå Jiff.

ICA Nær
ÅTVARING! Styr unne 1 kg grillbrikettar til 34,90! Standard her er 25 for 2,5 kg.

Rimi
Like lite å skryta over som sist veke.

Bunnpris:
Me tilrår dagstilboda, og nytt er 4 x 125 g torsk til 29 kr.

Forklaring på åtvaring

Av SR

Me har gjort det til vane å åtvara mot luretilbod, særleg når det er ti-kronersmarknad. Her lønnar det seg alltid å løfta på prislappen. Glasnosten har tydeleg kome til Spar som no har gjennomsiktige tilbodslappar.

Her er det berre å slå til - neste veke...

Vekas tilbod

av KR

* Joker
40% rabatt på pålegg frå landbruksmonopolistane, me tilrår framleis FirstPrice til lågare pris. Surra svinesteik til 49,90 pr kg gjev rett nok billege måltid, men me tilrår ikkje hamstring før me ser 30-talet.

* Spar
Ein klassikar me har etterlyst! 450g Findus fiskegrateng til 10 kr. Med kokte poteter og smelta smør snakkar me middag til 6-7 kr per pers. Det er billeg å bu i Noreg, ikkje lytt til dei som lukkar augene - for dei må opne lommeboka. 10 kr for 1,5 liter juice er heller ikkje å forakte, om du har lagt deg til dyre vanar. Me tilrår springvatn! Elles finn me vande tikronarklassikarar som kremost, pepparmakrell og frosne grønsaker (800g).

* Obs
Marinert flintsteik til 59,90 pr kg har alt innteke hyllene, og me har framleis ikkje teke av oss stillongsen. Sparebloggen avventar, men nedsida er nok berre til 49,90 utover sumaren. Elles pregast tilbodsavisa til Obs òg av andre grilltilbod, og gildepølsene går for 3x600 til 55 kr under slagordet "klar, ferdig, grill!". Me let oss imponere over tidleg sesongstart.

* Rimi
Dette må vera årsverste, seifilet til 79,90 kr kg er ein stor vits. Det same må seiast om torsken til 139 kr kg. Me krev halvering og vel så det.

* Prix
Inga kundeavis denne veka.

* Mega
Skinkesteika går her til 39,90, ein akseptabel pris. Ver imidlertid obs på all time low her, 29,90 frå Joker i fjor. Sparebloggen trur prisane på svin skal ytterlegare ned utover året, og det meldast frå insidarar at talet på nye grisehus er kraftig stigande på Vestlandet! 40% rabatt på pizza og fisk kan òg romme nokre gode tilbod, men ver obs på særs urovekkande veilprisar.

* Ica Maxi
Beinfrie nakkekotelettar til 39,90 er ikkje å forakte, sjølv om me føretrekk varianten med bein til 29,90 då den justert for beinmasse likevel er smått billegare. 35% rabatt på Findus er ikkje godt nok når gratengen går til 10 kr på Spar denne veka. Gløymde du ut Joker sitt kanontilbod på ost for to veker sidan, kjem Ica deg delvis i møte med Norvegia til 59,90 pr kg - ikkje meir enn det må vera.

* Ica Supermarked
Finn fram sløyekniven og sikre deg fersk laks til 39,90, bruk imidlertid nasa før du slår til - og sjekk hjellene nøye. 40% på reingjeringsprodukt kan romme nokre godbitar, men òg her ser me at FirstPrice stadig lanserar og konkurrerar med monopolistane i Lilleborg.

* Bunnpris
Stadig på bunn, dog ikkje i pris! Dei kjem til kort på kremosttilbodet sitt 12,90 er 2,90 dyrare enn 10-kronarsmarknaden til Spar. Norvegia let Bunnpris selge for 9,60 meir enn Ica Maxi, men 2x600g grillpølser til 29,90 er rimeleg bra. Me minnar likevel om det kjende Bismarck-sitatet.

Ha ei god veke, underteikna tek turen til Spar for fiskegrateng.

Tilbod

av SR

Spar
Klassikaren 10-kronersmarknad er attende. Det er slik duka for billeg tex-mex (obsobs! td. krydderblandingar og lefser er langt billegare hjå Bunnpris), pølse og leverpostei. Mitt generelle inntrykk er likevel at det ikkje er så alt for mykje å hoppa i taket for.

Joker
Fyrst rekordbilleg kvitost sist veke og no 400 gram kjøtdeig av svin eller storfe til 15 kroner! Dette er mest for godt til å vera sant. Joker er elles sparsam når det gjeld andre tilbod. Tiaren denne veka er firepakning med bearnaise.

Mega
Òg her går det i 10-kronersmarknad, utan at heller ikkje Mega klarar å imponera meg heilt.

ICA Nær
Byr denne veka på Pizza Ristorante med 40% rabatt, samt tilsvarande på produkt frå Vanish, Cilit Bang og Finish all in one.

ICA Supermarked
Svinekam til 39,90 kr/kg er ikkje til å grina av. Det same må seiast om Synnøve Finden til 59,90 kr/kg, sjølv om det langt nær er på nivå med Joker sist veke.

ICA Maxi
Det er visst 10-kronersmarknadar som er tingen denne veka.

Rimi
Slår stort opp om tre god gammaldags fiskegrateng til prisen av to. Her må me ha i bakhovudet at desse kostar nesten 40 kr stykk, og at innhaldet av fisk er minimalt forskjellig i høve til billegvariantane. Kjøp heller grateng på 10-kronarsmarknad. Elles kan du få seks go morgen-jogurtar til 44,90 denne veka. Klart betre enn alle 10-kronersbutikkane som denne veka sel tilsvarande for 10 kr stykk på "tilbud".

Bunnpris
Fell igjennom denne veka, sjølv om tacokrakket er passert. Kremostar til 12,90 når dei går for 10 kr på alle landets tikronarsmarknadar er ikkje godt nok. Norvegia til 69,50 kr kg er ikkje noko godt tilbod når dei fleste lasta opp med Synnøve-ost i førre veke til 42 kr kg.

Obs
1,5 liter fruktjuice til 10 kr stk, seld frå 8-pk. Elles er det lite å hente, også her går fiskegratengen til ågerpris ift dei sjansane på 10-kronarsmarknadane normalt byr på.

Prissjokk VII

av OH

PØLSEMAKAR!? KVAR HAR DU GJORT AV DEG?
Middagspølser til 91 kr/kg på Meny når Rema 1000 har det til 19,90 kr/kg - då spelar det ikkje noko rolle om pølsemakaren held til i Nordfjord eller på Gilje.

Sparebloggen tilrår Nordfjord på generelt grunnlag.

Vekas tilbod

av KR

* Joker
Kanonstart! Synnøve Finden-kvitost til 41,5 pr kg - 19,90 for 480g. Maks 5 per kunde, heiter det, men her er det berre å ta fleire turar. Sparebloggen trur ikkje me får sjå billegare ost dette året, så her må det frysast inn ein heil del. Elles går bogskinka 325g til 15 kr, rimeleg bra i høve til veiledande pris. Vekas tikroning er Fløtepudding frå Fiskemannen 400g. Med poteter reknar med her middag 6-7 kr pr person.

* Mega
40% rabatt på Fjordland er framleis ikkje godt nok for Sparebloggen. Ei heller 30% rabatt på Findus er særleg freistande, men rommar nok enkelte godbitar - som td Kapteinens fylte-serien. 800g kjøtkaker til 59,90 framstår som billeg nok, men er rådyrt i høve til rekordnivåa frå i fjor. Med kjøtdeig til 19,90 pr 400g kan ein også gjera det både billegare og meir smaktfullt sjølv. Berre bland i nokre skeier mjøl, 2 dl vatn/mjølk, 1 egg og litt pepar og finn fram steikepanna.

* Ica Maxi
Maxi freistar med 10-kronarsmarknad, der moteflaskene frå Imsdal (0,7l) er dei som flaggast høgast. Sparebloggen drikk imidlertid vatn frå springen. Elles finn ein Tine Kremost, makrell i tomat, denjasalatar, blodpølse 400g, Pizza Popolare (300g) og 450g fiskegrateng frå Enghav. Her er det fleire billege middagar i "dyre Noreg"! Til sist tek me med oss nakekotelettar til 29,90 pr kg.

* Spar
Lammelår med bein til 59,90 pr kg, unekteleg billeg - men på nivå med det rimelegaste før påske. 30% rabatt på gryterettar frå Toro, rimeleg billeg om du brukar der som basis for vidare utblanding. Påska er over så Spar let appelsiner og smågodt gå med  40% rabatt.

* Ica Supermarked
Har denne veka 40% rabatt på alt frå Findus, større grunn til å leite etter godbitar her enn på Mega. Me minnar likevel om billeg ferdigmat frå FirstPrice, Coop og Enghav. Heil, fersk laks går til 39,90 kr kg, noko som er langt meir å tilrå enn Findus sine papptallerkenar.

* Obs
Innleiar våren med tikronarsmarknad, der Tine Kremost, 500g Tine Yoghurt, frukt/grønt pr kg, bordsmør/-margarin, 400g blodpølse med meir går for 10 kr. Me saknar imidlertid klassikaren 450g Findus fiskegrateng på tikronarsmarknaden.

* Bunnpris
Framleis taco-krakk 30-50% rabatt...

* Prix
Aprildelen 500g Uncle Ben's + 300g svinekjøtstrimlar til 21,40 kan tilrådast. Elles let me oss direkte sjokkere av potetprisane, nærare 20 kr kg for assorterte poteter?! 1 kg kyllingfilet frå Coop til 79,90 er isolert sett billeg, men me minnar stadig om 2 kg-pk frå FirstPrice til omlag same prisen.