Vekas tilbod

av KR

* Joker
Røykte kjøttpølser 900g til 29,90, sokalla middagspølser. Kanskje ein middagsklassikar, men pass på kolesterolet! Kotelettar til 49,90 og 39,90 kr kg styrar me klar av, ettersom Kiwi sel FirstPrice til 27,90 kr kg. Det same gjeld pasta frå Sopps, der FirstPrice stiller med dobbelt mengde til same prisen. Ditto for vekas tikroning, som er Idun ketchup (til middagspølsene?). Me vel FirstPrice 1 kg til 8,90 kr. Neppe den beste tilbodsveka på Joker!

* Mega
6,90 per 1,5 l Farris Bris er eit bra tilbod, om du føretrekk sprudl framføre still. Skinkebokser har vore ein farsott i juni, og no følgjer Mega opp med 16,90 per boks. Framleis billegare med FirstPrice-skinke om du skal ha slikt i maten.

* Prix
Fører òg Farris Bris til 6,90. Elles ingen særskilt gode tilbod.

* Obs
1 kg Norvegia til 59,90. Normalt kjøper me ikkje smaklaus ost til over 50 kr, men om du er tom kan dette vera eit alternativ (1 pk pr sparar). Sokalla store reker, nei ikkje kongereker, til 29,80 kr kg. Me henvisar samtlege til Rimi og reker til 15,90. Bananar til 6,90 kr kg tek me med oss. Coop Obs fleskar til med ei 103 liter fryseboks til 1990. Underteikna kjøpte same storleiken til 1490 kr i 2003, og meinar å vite at dette tilbodet er bra, men alt som har med frost å gjera bør ein kjøpa om vintaren. Me ventar på Obs og 1490!

* Spar
40% rabatt på ymse frossenpizza, me tilrår heimebakst. Ytrefilet av svin til 99 kr, ikkje billegare enn det må vera.

* Rimi
Euroshopper-kotelettar til 27,90 pr kg. Me går god for den.

* Rema 1000
Berre faste prisar.

* Kiwi
FirstPrice-kotelettar til 27,90 pr kg. Me går god for den òg! 16 ispinnar frå FirstPrice (saft) til 16,90 kr, sikkert nok til å få borneflokken til å halde kjeft i 5 minutt.