Vekas tilbod

av KR

* Joker
Atter eingong byr daglegvarebransjen opp med skinkeboks til lågpris, Joker sørgar for prisras og 14,90 kr pr pk. Maks 5 pr kunde, seier dei, men det skulle då ikkje vera behov for å gå mann av huset for spam til 46 kr kg. Vekas tikroning er jordbærsylte på tube, 23 kr kg er kanskje billeg for syltetøy? Her ber me om lesarane si hjelp.

* Mega
Heilgrilla "kylling" til 29,90 pr stk (ca 1,1 kg) er tilrådeleg. 40% rabatt på Big One og Pizza Originale, her kan det vera noko å hente - men ver obs; eindel Big Ones nærmar seg peppespris. Smågodt til 7,90, men kjøper folk slikt i dag? Elles lite å melde om, dei reklamerar flittig for ferdigrettane sine. Desse består som kjend av utgått kjøt, som heller ikkje lot seg selge marinert.

* Prix
Frosne reker til 15,90 pr kg, ein sumarklassikar! 10 stk Lollipops eller Pin-ups til 16,70 kr er heller ikkje å forakte. Minnar likevel om at FirstPrice sel 16 stk (tynnare) til same prisen. Dersom stykkprisen betyr noko (selskap) går du for FirstPrice, og det er eit sparebloggfaktum.

* Obs
Moccamastaren har ikkje tapt seg i kvalitet dei seinare åra, men falle kraftig i pris. Obs tilbyr denne veka Moccamaster til 999, eit tilbod Sparebloggen går god for. 40% på alle melonar, men skund dykk - badesesongen er alt i gong!

* Spar
Tek kalendaren på pulsen, og tilbyr 40% rabatt på småis.

* Rimi
Pølsekrigen held fram, og no har Euroshopper lansert sine eigne ostepølser til 43 kr kg. Prior dumpar grillpølser med lågt fjærkreinnhald til 31,50 kr kg. Me er i tenkjeboksen. Elles reker til etterkvart kjedsommelege 15,90 pr kg, sjå til å senk prisen enno meir!

Vekas nyhende: Underteikna har eit episk verk på gong, publiseringsdato 6. juli. Følg med!