Tilboda veke 34

av SR

Spar
Tradisjon tru midt i august har Spar ti-kronersmarknad. Her vil me særleg slå eit slag for fiskegrateng, mjølblanding og leverpostei. Som vanleg gjeld regelen om at det må løftast på tilbodsskiltet før du eventuelt hamstrar - ikkje alt hjå Spar er like gode tilbod.

Joker
Spekemat, pålegg og posteiar frå Gilde er denne veka 40% billegare enn vanleg. Er du ein påleggssnobb, er dette ein sjanse til å spara pengar. Er merket ikkje så viktig, så vurder prisane opp mot first price ol. før du eventuelt slår til.

Mega
Har på lik line med Joker 40% på "ferskt pakket pålegg" frå Gilde. Her er det verdt å merkja seg at Mega ikkje alltid har naturlege definisjonar av det dei har 40% på. Så dobbeltsjekk prisen før du legg noko i korga. Er du medlem av samvyrkjelaget kan me tilrå Go'morgen-jogurt til 4,90 pr. stykk. Dette er eit tilbod som er i alle coop-butikkar, og som grusar Spar sitt tilsvarande "tilbod" på 10 kr.

Rimi
Gjekk du glipp av Norvegia på tilbod hjå Mega sist veke, har Rimi Norvegia til 54,66 kr/kg. Vidare får ein pære, eple og appelsiner til 9,90 kr/kg. Vil du ha noko å leggja osten din på, kan me tilrå pizza orginale til 15,90.

Generelt merkjar me oss at potetene jamt over ligg like under åtte kr/kg no. Dette lovar bra, men me minner om at det vil koma under fire med tida.