Tilbod

av SR

Spar
Denne veka får du sommarkotelettar til 29,90 kr/kg. Vidare er det 40% på melonar, wienerpølse og grillpølse. Det ser med andre ord ut til å berre vera vêret det skal stå på på 17. mai.

Joker
Byr på pølser av kylling, kalkun, storfe og svin til 19,90. Vidare er 10-aren denne veka tredelt kakebotn, samt vassmelon.

Mega
Du får 40% på dessertis og iskaker frå Diplom-is. Vidare er det 30% på go'morgen-jogurt, 99 kr/kg for ytrefilet og 49,90 kr/kg på heil laks. Ver likevel obs på butikkane ikkje kvir seg for å selja to veker gamal fisk som fersk laks. Jordbær til 19,90 er bra for sesongen. Same pris er det òg på store plater frå Nidar.

Rimi
Har eit stort utval varer 3 for 2. Ein del av desse er eit bra tilbod, trass at det ofte er eit stivt utgangspunkt.

ICA Maxi
Fersk rund laks til 39,90 er ikkje feil, men som sagt, "fersk fisk" er ikkje alltid fersk. Her skriv eg med erfaring frå MAXI. Vidare blir det ei søt veke med halv pris på posar med nidarsjokolade, 6,90 kr/hg for smågodt samt  500 g blå druer til 19,90.

ICA Supermarked
199 kr/kg for indrefilet av svin er ikkje feil, men gir framleis ein dyr middag. òg her får du "fersk laks" til 39,90 kr/kg, samt jordbærkorg til 19,90 kr.

ICA Nær
19,90 kr for wienerpølse og grillpølse, jordbær til 19,90 og frielekaffi med 40% avslag.

Tilbod

av SR

Spar
Denne veka får du heilgrilla kylling til 29,90. Ingen rekord, men grei pris for mange middagar. Denne veka er det òg 40% på pizza frå casa di mama, ristorante, samt alle salatar.

Joker
To Joker-klassikarar denne veka: 40% på Ali kaffi og to liter sørlandsis til 19,90 kr. Elles er tiaren denne veka Hamar-pålegg (Ha-på).

Rimi
Brukar store delar av spalteplassen sin denne veka på å promotera nye produkt. Eit dårleg teikn når det kjem til håpet om billege varer... Både lys og mørk brunost er støtt og stadig å finna til rundt ein femtilapp pr. kg. At Tine no har kome med ein mellomting - "Millom" - er slik uinteressant. Me går for å heller smelta saman eller ta eitt lag med kvar av dei i ein sokalla dobbeldekkar. Fersk skinkesteik til 39,90 kr/kg er likevel ikkje å forakta, sjølv om me har sett det billegare.

Mega
Køyrer denne veka på med 10-kronersmarknad, rett nok med ei noko utvida forståing av dette innarbeida omgrepet. To stratosplater for tre tiarar er eit godt døme på dette. Sjølv går eg for ein liter biola for to tiarar.

ICA Nær
Byr på pærer til 9,90 kr/kg, samt 400 gram kjøtdeig til 24,90 - Ok, korkje meir eller mindre.

ICA Supermarked
Lite å melda om. Lettsalta torsk til 89,90 kr/kg er ikkje allverda å skryta av.

ICA Maxi
Har heil laks til 39,90 kr/kg, noko som nok ein gong stadfestar at laksen mistar sin høge status, om ikkje anna så vertfall prismessig - og det er godt nytt.

Obs!
5 x dr. Oetker pizza for 100 kr er ein fin pris om ein trur ein ikkje har tid til anna. Det same er 12 x éin liter appelsinjus frå coop viss du tykkjer den frå Firstprice er vorten noko vassen.

Tilbod veke 29

av SR

Spar
Denne veka får du sommarkotelettar til 19,90 kr/kg. Det verkelege kuppet er likevel ytrefilet av storfe til 149 kr/kg.

Joker
29,90 for 500 gram marinerte laksestykker er særs bra, kan faktisk ikkje minnast sist dette skjedde, så her er det berre å hamstra! 10-aren denne veka er 500 g potetsalat frå Denja.

Obs
40% på coop-kaffi og nidarfavorittar luktar det kaffibesøk av. To pakkar med karbonadedeig for 60 kr er heller ikkje feil for dei som ikkje tykkjer kjøtdeig er bra nok. Bananar til 8,90 kr/kg og t-skjorter frå adidas, puma, quicksilver mm. på 50% sal er absolutt noko eg kan tilrå.

Mega
40%-aren denne veka er jus frå Sunniva og coop, noko som er bra. Picnic-skinke til 19,90 er billegare enn vanleg, men det er likevel ikkje grunnlag for hamstring. Er du coop-medlem får du 1,5 liter bris til 6,90 + pant, noko som er veldig bra. Du får òg aktivia jogurt til 25% rabatert pris. 25% er det òg på sjampo og balsam frå head and shoulders.

ICA Maxi
På same måte som sist veke er det 10-kronersmarknad denne veka.

ICA Supermarked
Lite å melda om, einaste måtte vera 30% på jus frå sunniva for dei som ikkje har høve til å gå på Mega.

Rimi
Er framleis mest oppteken av alt mogleg anna enn å presentera tilboda denne veka.

FirstPrice-laks til meg, takk

av KR

No kan du også flotte deg som ein engelsk lord med tweed og bambusstong for berre 11 kroner om dagen. For sjølv med anar i den norske husmansstanden går det an å eta laks, aller helst FirstPrice-laks - også kjend som salmo salar unapricius.

Fyrst må me slå ihjel nokre myter:

1. FirstPrice-produkta er mindreverdige og skadelege.
Tilsvar: Kjedene sine eigne merker byggjer på det ein veit fungerar, og utan R&D kan ein sjølvsagt senke prisen.

2. FirstPrice-dyra får dårlegare fôr enn andre dyr.
Tilsvar: FirstPrice-dyra et sjølvsagt FirstPrice-fôr, dei er ikkje dumme heller.

Og no lat oss halde fram om lakselordar og anna godtfolk:

500 gram laksefilet selgast i kolonialen til omkring 35 kroner. Her fylgjer det 4 filetar á 125 gram med, også kjend som 4 porsjonar. Frå førre kurs i KOLO101 kjenner me til at 1 kg poteter kostar 3,90. Etter læreboka et ein då 250 gram poteter til 125 gram laks, noko som summerar seg til i underkant av 10 kr. Set til ein dråpe rømme eller smør (Obs! FirstPrice) og gildet vil koste deg 11 kroner. Lev som ein lakselord, men ikkje kast laksen ut att - et han! Me seier som Erik Solheim: Det er livsfarleg å late vera.