Skreien er komen!

av SR

Er det noko som varmar, så er det å sjå at det blømer rundt sparefamilien. Og endleg såg eg i dag ei studine på lesesalen min som var inne og studerte ulike tilbodsannonsar. Slikt varmar!

Spar
Ikkje berre har skreien kome, den har òg kome på tilbod! 59,90 kr/kg er absolutt ikkje feil for fersk torsk! Elles har Spar denne veka Grandis til 19,90. Verdt å merkja seg er at Grandiosa har inngått avtale med konsernet som har sett sløsing i system, SAS, og skal du ut å fly kan du sikra deg 100 kr rabatt i tillegg til pizzaen.

Joker
Butikken gjekk tydlegvis på ein smell for to veker sidan med synnøve til 39,90, for denne veka skjemmer dei seg ut med kjøtdeig til 24,90. Minner om at Rema i sofall har knalltilbod på tilsvarande vare året rundt. Elles ikkje noko nytt å melda frå den fronten.

Rimi
Der Joker sviktar, står for ein gongs skuld Rimi fram. 19,90 for fersk kjøtdeig er slik det skal vera på tilbod! Elles legg dei òg opp til taco med lefser på tilbod, men hugs at både Landlord og Firstprice har lefser òg!

Ica
Nær/super har denne veka sokalla fryseshow, dvs 40% på findus. Det kan ikkje kallast feil. Appelsiner til 8,90 kr/kg er heller ikkje til å kimsa av.

Godt nytt: Kiwi og Rema har gått i priskrig på frysevarer, dette er godt nytt!