Tilbod veke 23

av SR

Spar
Har denne veka heil ferdiggrilla kylling til 29,90. Perfekt for den som treng rask mat i desse eksamenstider. Vidare byr Spar på 325 gram bogskinke på boks til 16,90. Det er diverre ikkje så lett å få tak i billege skinkeboksar no, så her må det hamstrast! For den som er hard på brusa er det denne veka 40% avslag ved kjøp av fem 1,5-litersflasker. Minnar likevel om at rema har fire flasker brus frå Grans til 25 kr pluss pant.

Elles merkar me oss at Spar den siste tida her gått over til å reklamera meir med prosentavslag enn med sjølve prisen. Dette er sjeldan eit teikn på at det i utgangspunktet er ein god pris, så ver obs på kva prisen eigentleg er!

Rimi
Ikkje noko nytt denne veka. Sparebloggen vil likevel nytta høve til å tilrå rekene dei har til 15,90 kr/kg. God kvalitet, fantastisk smak, og historisk pen pris!

Obs
Har denne veka 10-kronersmarknad. Mykje godt å ta av her, men hugs likevel at det ikkje er gratis å reisa til og frå.
Obs har i tillegg fempakning med Casa di Mama til 80 kr. Det er billeg! Oppblåsbar gummibåt med årer til 149 er heller ikkje feil!

Mega
Mega har denne veka 40% på alle 200 grams-plater med sjokolade frå Freia. Me bloggarane har framleis att frå sist gong det var på tilbod.
Vidare har Mega alle smakane med Biola til 24,90. Jamt over kostar tilsvarande 30 kr i andre butikkar, så dette er ikkje feil!

Coop Extra
I desse dagar er det ikkje lett å finna poteter til under 13-14 kr/kg. Det er difor populært at Extra denne veka har poteter til 9,90! Det skal likevel bli godt med haust, og kilopris på 4-5 kr.

Bunnpris
Denne elles så dyre butikken har denne veka Pizza la Vita til 19,90. Du kan òg ta tre go'morgen-jogurtar og betala for to. Vidare har Bunnpris denne veka 4 1,5-litersflasker med cola til 39,90.

Ver likevel obs på at det er ein del luringar av nokre bunnprisbutikksjefar der ute som ikkje tek inn tilbodsvarene, då dei har meir enn nok med å setja opp prisane sine.

Joker
Har denne veka 800 gram karbonadekaker frå Gilde til 29,90, noko som ikkje er feil. Det same må kunne seiast om avokado til 7,90 pr. stykk. Pass likevel opp for kvaliteten! Er ein del vassen avokado på marknaden for tida.