Påska er omsider over, og oppstandelsen er her! Me forsterkar med dette måndagsfølelsen, her kjem vekas tilbod:
* Joker
Bogskinka er ein klassikar, og tilbyr høveleg billeg skinke når tilbodet er 16,90 per boks (325g). Det fins billegare kjøtressursar, må vite, men alt til sin tid! Elles er det lite å hente hjå Joker, sumarkotelettane til 49,90 pr kg er stivt - me ventar til halve prisen er kutta.
* Spar
40% rabatt på all pizza frå Stabburet kan gje nokre gode tilbod, men pizza er framleis best og ofte billegast som heimelaga. Minst det same kan seiast om 40%-tilbodet på "gamaldags" brød, sjå sparebloggbrødet i kokeboka.
* Rimi
Du veit det vårast når flintsteika og aspargesen kjem for sal på Rimi, men så ofte før er prisane for stive på denne sida av nasjonaldagen. Me ventar på sumaren.
* Kiwi
Framleis meir opptekne av momsen enn av gode tilbod.
* Coop Obs!
Halleluja! Våre bønnar er høyrde, 19,90 pr kg for kyllinglår er ein bra start på våren. Elles held Obs ein større 10-kronarsmart denne veka, alle standardvarene er med: Kremost, blodpølse, mjølblandingar, salatar - og ikkje minst fiskegratengen. 450g fiskegrateng til 10 kr går ein aldri lei av. Elles tek me med 400g kjøtdeig til 20 kr, ved kjøp av 5 pk (sum 100). Moccamastar til 899 kr skal òg nemnast, som eit dyrt alternativ - men eit særs godt tilbod. Luftrensar til 1999 kr er tvert om, me tilrår at du heller opnar eit vindauge!
* Coop Mega
Flintsteika er her nede i 39,90, me trur ikkje botnen er langt unna - og tilrår forsiktig hamstring til denne prisen. 40% priskutt på diverse ost frå Tine kan romme nokre tilbod. Har Steensnæs sitt utval noko med dette å gjera? Neppe, skal me tru landbruksministar Brekk!
* Ica
Maxi førar denne veka ein sokalla gigantisk 10-kronarsmarknad. Klassikarane som nemnt over er med, og i tillegg nemner me fattigmannspålegget krabbepostei - 2 for 10! Elles plukkar me villig med oss nakkekotelettar til 29,90 pr kg. Ein joker på Maxi denne veka kan vera 1 kg storfelever til joviale 10 kr. Dette steikast gjerne i skiver i panne. Frysevare som dette kuttast ved halvtint tilstand, kutt bort hinner. Steik på sterk varme i 2-3 minutt, rikeleg med salt og pepar. Avslutt prosessen med å tømme noko mjølk eller fløte i panna, og du får god skysaus. Serverast med poteter og anna tilbehøyr som naturleg høyrer til lever, gjerne lauk, gulrot, erter og sopp. Me snakkar her herremåltid til 5 kr per pers!Konklusjon: Ein god start på våren!
Innlegg
AAAARGH!
SvarSlettBrukte bil til kontoret idag, men kjørte en omvei hjem, og 'bomma' på ICA Maxi...
(Lenge siden eg har hatt lever, nå)
Ikkje noe tilbud, men...
På REMA selges Landlord Sweet & Sour Saus 'Taste of Asia' 500gram glass for 10.60
Kok opp ris(eg koker 2 kopper om gangen. holder til to dager), og dander på en tallerken.
Varm opp et halvt glass saus og tøm over risen.
smaker godt, og holder seg greit under tiern.
Har man litt kyllingkjøtt, kansje noen grønne bønner så kan det også varmes og ha oppå risen før sausen. Men da holder det med litt mindre saus, f.eks 1/3 glass.
Eller kansje en av de små firstprice kjøttpølsene, pent oppskåret i tynne skiver? eller bog skinke?
I dag nøt eg en pose Toro kremete kyllingsuppe med krutonger.
(En pose som hadde gått ut på dato for leeeeeeeeenge siden.)
Krutongene holdt seg ikkje like lenge som suppa... BLÆH!
Men ett par skiver med rugbrød(møllerens, 10Kr marked på Mega, utspedd med dugelig med både finmalt og grovt sammalt mel) smaker også godt.
Anthony_Lion
Fant ikkje Lever hos ICA Maxi i Molde.
SvarSlettValgte istedet å lesse på med Europris tunfisk i olje(2 for 10. Unngå ICAs egen tunfisk som også er på 10Kr markedet da det er 10Kr for en boks. )
Blodpølsa var på lager. :-)
(Sammen med poteter blir det jo to 10Kr middager utav ei pølse.)
Med et beger Sjokokirsj (4pakning for 10Kr) til dessert blir det rent så trivelig.
Fiskegrateng koster 8,50 på REMA.