Ulike garantiar ein kan dra seg nytte av

av SR

For mange butikkar har det gått sport i å koma med garantiar som dei kan reklamera med. Dette trekk kundar, men kostar lite, då det er få som tek seg bryet med å reklamera på mangelfulle varer. Her kjem ei lita oppsummering av garantiane du kan dra deg nytte av:

Kiwi:
- Dobbel pris attende om du ikkje er nøgd med kvaliteten på frukt og grønt. Det er her altså lagt opp til ei subjektiv vurdering av kva som er god kvalitet, så her er det i prinsippet mogleg å gjera seg rik på frukt og grønt som eigentleg er av god kvalitet. Som sparar er me vande med å eta det andre ville ha kasta, men er det kjøpt på Kiwi kan det altså gjera deg rik. Noko me i bloggen har nytta oss av er å kjøpa varer som er dårlege i hyllene, for så å gå rett attende i kassa. Så ver alltid obs på ferskvarer som krydderplantar og bær.
- Finn du varer som går ut same dagen eller dagen etter kan du gå i kassa og få det gratis. Spelereglane opnar her for at det er lov å gøyma unna varer.

Bunnpris:
- Har same ordning som Kiwi med dobbel pris attende for frukt og grønt du ikkje er nøgd med kvaliteten på.

Alle COOP-butikkar:
- Smakar ikkje vara like godt som du trudde den ville, gir COOP deg pengane attende. Òg denne vurderinga er høgst subjektiv, og opnar for at ein kan eta seg mett, for så å få pengane attende. Det er det me i bloggen kallar god stemning!

COOP Marked:
- Viss det ikkje er ferskt brød i hyllene, får du eit COOP-lettbaka brød gratis.

Rimi:
- Uvisst om brødgarantien som gav deg 50 kr i gåvekort om dei var utselde for brød framleis eksisterar. Her er det likevel verdt å prøva seg. Dei reklamerar framleis om at du alltid får brød der vertfall.

Elkjøp:
Har full returrett dei 30 fyrste dagane etter kjøpet, og "komplett vare" kan leverast attende i "tilsvarende stand som når den ble kjøpt". Juridisk sett er det ikkje noko krav om at embalasje ikkje kan vera broten og slikt (med unntak for filmar og spel", noko som særleg kjem fram av at det blir presisert at garantien ikkje gjeld filmar og spel der embalasjen er broten.


Hugs: ta alltid vare på kvitteringa!


Denne lista er langt frå uttømmande. Veit du om ein garanti me ikkje har fått med? Legg den inn i kommentarfeltet. Gjerne frå andre bransjar enn matvarebransjen òg!