Nye tilbod

av SR

Spar
Spar diskar denne veka opp med pizza-fest, og har 40 % avslag på alle gradiosa-, Big One- og Orginale-produkt. Ha likevel i mente at dette er ein jamt over stivprisa butikk, så ikkje la deg lura til å ta helgahandelen her! Er du Trumf-medlem kan du òg få 40% på Jarlsberg-ost. Dette er noko nytt, og absolutt noko ein bør slå til på om ein vil imponera ho i kassa. Elles kan ein få julepølse [jolapylse] i snabb til 16,90 for 400 gram. Problemet med at det berre er jul ein gong i året er at det er umogleg å hugsa kva som er eit anstendig prisnivå...

Bunnpris
Bunnpris pissar denne veka på Spar sitt 10-kronerstilbod frå to veker sidan. Me åtvara mot å betala 100 kr/kg for kyllingvingar (50 %). Bunnpris har teke seg saman, og slår til med 33,27 kr/kg for same vare. Pærene synker òg i pris, og er no nede på 12,90, men det er framleis eit stykke att, så ikkje hamstre endå! Det blir òg diska opp med Pizza Rusticale til 19.90. Relativt billig det altså!

Rimi
27,90 kr/kg for heil kalkun er noko som burde lokka dei fleste, om ein då ikkje handlar på Coop Hypermarked til 24,90! Ikkje berre er det billig (særleg sett i høve til det pinlege spar-tilbodet som tidlegare er omtale), det er òg ustyrteleg artig! Å ha noko slikt på benken eller hovudet er verdt kvar ei krone. Rimi har òg 2,2 kg kyllinglår til finfine 39,90 kr/kg.

Joker
Me varsla det sist veke, 19,90-tilboda på kjøtdeig er aldri langt unna, og denne veka er det Joker sin tur! Her er det berre å hamstre!

Mega
40%-aren denne veka er alle typar brød- og kakemiks. Sjølv bunkra eg opp sist helg med brødmiks til 10 kr hjå spar, så her er spenninga til å ta og føle på om eg burde venta. Det går òg rykter om bananar til 6,90 kr/kg!

Prix
Lite billeg mat, men dei har 20 roser til 59,90 kr.

First Price-nytt: Julegløgg!