Vekas tilbod

av SR

Spar:
- har 40% på "et utvalg" pålegg frå Gilde. Her gjeld det med andre ord å halda tunga rett i munnen, og annonsa lett tilgjengeleg. Ver så snill, ikkje drit deg ut med å kjøpa noko som ikkje er på sal! Pass godt på når du kjem til kassa, og sei du ikkje skal ha det om du tek feil.
- 16,90 kr for alle freia 200 g sjokoladeplater. Dette er 10 kr under ordinær pris, men 10 kr/kg dyrare enn om du hamstra smågodt for nokre veker sidan. Men sjekk ut prisen på first price sin sjokolade fyrst.

Rimi
- Same sjokoladetilbodet som Spar.
- 29,50 kr for ribbe.
- 98 kr for ferdig oppskore pinnakjøt, både røykt og urøykt
- 38,90 kr for surra svinesteik, men dette er jo alvorleg tala ikkje spesielt billig, reint historisk.
- Julebrus får ein no for 4,90 kr, absolutt billigare enn det meste anna av brus.
- Appelsiner til 9,90 pr/kg.
- Rimi har lagt til for vane å pissa på oss spararar, og det slår ikkje feil denne veka heller. No har dei lutafisk (forringa torsk) til 16,50 kr/kg. Billig, men tenk om dei heller kunne seldt det utan lut!
- Vil du imponera med sofistikert grandis (!)? Denne veka er Grandiosa tynn botn til 21,90 pr stykk.
- Elles er det vert å sjekka ut Euroshopper-varene, ma. julepølse 400 g til 9,90 kr.

Joker
- Hovudtilbodet denne veka er julepølse til 14,90 for 400 gram. Ikkje spesielt mykje å skryta av, då Euroshopper er 50% billigare.
- 29,90 kr/kg for ribbe er på den andre sida ein fin pris, men det er jo eit tilbod alle butikkar med respekt for seg sjølv har.

Bunnpris
- Denne veka er Synnøve på tilbod. Nei, dette gjeld ikkje berre på Strandkaia, bunnprisbutikkane sel ho denne veka til 49,90 kr/kg. Pass likevel på Bunnpris, dei er nokon luringar som ikkje alltid tek inn tilbodsvarene i butikken.

Mega
- Har 40 % på all frosen pizza, men ikkje på dei det allereie er "fast lavpris" på... Det er likevel
mogleg å sikra seg eit måltid her, men billig blir det uansett ikkje, då me tidlegare har vist kor billig det er å laga pizzaen sjølv.
- Ikkje før hadde me slått fast at alle butikkar med respekt for seg sjølv har ribbe til 29,90, så kliner Mega til med 49,90 kr/kg. Som om ikkje det var nok, så slengjer dei på eit "fast lavpris"-merkje i tillegg. Fast lavpris meg i sørkjosbotn!
- Har likevel kalkun til 29,90 kr/kg, men ribbesjokket har endå ikkje lagt seg, så me tilrår å styra unna Mega denne veka!

And for the ladies: Tysdag 24. november er det vennesal med 15 % på kosmetikk og 30 % på alle klede hjå Cubus!