Dagstur til Sverige

av SR

Sist veke tok eg turen over fjellet frå Bergen til Østfold, naturleg nok med flybillett Flesland - Rygge til den nette sum av 349 (DAT legg ved midnatt i kvart månadsskifte ut billege billettar på sine ruter neste månad). Ikkje berre er det herleg retro med frukost inkludert i flybilletten, men det er òg fritt fram å sjekka inn bagasjen.

Midt på denne brua synk prisane dramatisk.

Det naturlege høgdepunktet når ein er i desse trakter er å leggja turen over svenskegrensa - og ja, det sto til forventingane. Fyrst ei lita faktaboks, før eg tek til med med høgdepunkta:

• Det er omlag 20-30 minutt i bil frå ei rekkje av dei store byane i Østfold til matbutikkane på Svinesund. Det er ytterlegare eit kvarter til polet i Strømstad.
• Du får omlag 120 svenske kroner for 100 norske.
• Det er ein fordel å leggja turen til arbeidstida viss du liker å underhaldast av spesielle folk.

Lat oss starta med matvarebutikken:

Det nærmar seg årets høgdepunkt - skjærtorsdag.

Me ha lagt det til ein vane å rakka ned på dyr karbonadedeig. Sett saman med at at rykta skal likevel ha det til at ein bør styra unna det som heiter kjøtdeig i Sverige, landa eg på karbonadedeiga. Og kvifor ikkje? Omrekna til norske kroner og 400-gramspakkar blei det 22 kr pakken når eg kjøpte fersk deig i to kilospakkar. Det er under den nye tilbodsprisen på vanleg kjøtdeig, og eg må innrømma, det var meir kjøt og mindre vatn i denne.

Vidare blei det spareribs av den marinerte sorten til 75 SEK/kg og gauda til 60 SEK/kg, for ikkje å gløyma pepperonien eg fekk kasta etter meg. Og framleis var det meir!

Prisane på systembolaget var det heller ikkje noko å utsetja på. Etter å ha lagt 8 x 0,5 liter (5,2%) øl i korga a 10,40 SEK, gjekk turen vidare mot raudvinen. I rein lukkerus over å ha lagt ein treliterskartong med Gato Negro i korga til finfine 189 SEK, gjekk eg mot Chiantien. Ruffino til 75 SEK er ikkje feil.

Når transporten i tillegg var gratis, var dette dømd til å bli ein økonomisk klassikar!

Sjølv om freistinga var stor, heldt me oss likevel unna pengesluket til både bingodamene og grekaren på Gott og Grillat. Det var truleg òg grunnen til fråveret av østfoldharryane. For det var berre éin ting som mangla, og det var synet var laukmannen eller sjefsharryen.

Det burde ikkje vera naudsynt, men eg presiserar likevel at eg sjølvsagt tok eg tog attende for å unngå overvekt på flyet.